Kosova
MINT: Nuk kishte keqpërdorime të rezervave shtetërore
Ministria e Industrisë, Ndërmarrësisë dhe Tregtisë ka reaguar pas arrestimit të dy zyrtarëve të saj. Shton se u bastisën zyrat e të dyve.
“Sot, në Ministrinë e Industrisë, Ndërmarrësisë dhe Tregtisë erdhën njësia hetuese e Prokurorisë Speciale, me urdhër të prokurorit Valdet Gashi, për kontroll në zyrat e dy zyrtarëve të lartë të MINT, të drejtorit të Departmentit për rezervat shtetërore, z. Hafiz Gara dhe drejtorit të Departamentit të integrimeve evropiane, z.Irfan Lipovica. Për më tej Prokuroria Speciale ka bërë njoftimet për rastin që po hetohet nga ta”, thuhet në njoftim.
Megjithëse thotë se i mirëpret hetimet, thuhet se nuk kishte keqpërdorime në rezerva, duke sulmuar edhe mediat që publikuan audioincizimet, ku bëhen të ditura keqpërdorimet.
“Ministria e Industrisë, Ndërmarrësisë dhe Tregtisë mirëpret çdo hetim për rastin e blerjes së rezervës shtetërore, anipse ne jemi të bindur që furnizimet dhe rezerva shtetërore janë në përputhje me ligjet, planin dhe asnjë dëm apo dëmtim nuk ka ndodhur me to. Për këtë çështje prej një kohë të gjatë, e veçanërisht në muajt e fundit ka përpjekje të mëdha që të keqinformohet publiku në vendin tonë. Motivet dhe arsyet për këto veprime të nxitura dhe koordinuara nga palë të ndryshme të interesit duhet të jenë po ashtu pjesë e hetimit në këtë rast”, thuhet tutje në njoftim.
Derisa bën edhe thirrje që prokuroria të mos cenojë “sigurinë shtetërore” për rezervat.
“Ministria e Industrisë, Ndërmarrësisë pret që organet e hetimit të kenë në vëmendje që krahas punës hetimore, të mos cenojnë në asnjë rrethanë sigurinë shtetërore, për sa kohë që bëhet fjalë për rezervën shtetërore të Republikës sonë, e klasifikuar sipas Ligjit për Rezervën Shtetërore dhe Ligjit për Mbrojtjen e Informacionit të Klasifikuar”, thuhet në njoftim.
Derisa shton se do të vazhdohet me rritjen e rezervave shtetërore.
Të tjera nga Kosova
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Zvicër
-
OECD: Aktiviteti i ngadaltë ekonomik ngadalëson rritjen në Zvicër Aktiviteti i ngadaltë ekonomik po rëndon rritjen, me Produktin e Brendshëm Bruto (PBB) të Zvicrës që...
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale
-
Qeveria zvicerane do të përdorë të dhënat e telefonit për të identifikuar azilkërkuesit
-
Fillon Programi kundër ngacmimit në Gjenevë