Sfida e parë e kryetarëve shqiptarë të komunave veriore

FB: Erden Atiq

Erden Atiq nga Lëvizja Vetëvendosje, sipas rezultateve preliminare, do të udhëheqë Komunën e Mitrovicës Veriore, Lulzim Hetemi me Leposaviqin, Izmir Zeqiri i Partisë Demokratike të Kosovës me Zubin Potokun dhe Ilir Peci me Zveçanin, përcjell albinfo.ch.

Megjithatë, sfida e parë e tyre pas kësaj fitoreje pritet të jetë qasja në institucionet publike lokale, meqë edhe Lista Serbe ka deklaruar se nuk do ta lejojë udhëheqjen e katër komunave veriore nga shqiptarët, përcjell albinfo.ch.

Erden Atiq tha se është i vetëdijshëm për një gjë të tillë, por nuk dha më shumë detaje.

“Si në një komunë normale, në një lagje mesatare të Republikës së Kosovës. Për të gjitha sfidat, jemi të vetëdijshëm dhe jemi të përgatitur. Do të jem kryetar i të gjithëve, pa marrë parasysh a janë përkrahës apo jo”, tha Atiq, shkruan Radio Evropa e Lirë.

Në këto zgjedhje të jashtëzakonshme votuan vetëm 1567 qytetarë, nga 45095 sa kishin të drejtë vote, ose 3.4%.