Shqipëria
Shqipëria ndalon gjuetinë edhe për 5 vjet të tjera
Qeveria shqiptare ka vendosur zgjatjen me 5 vjet të tjera të moratoriumit të gjuetisë, tha sot ministrja e Turizmit, Mirela Kumbaro, pas mbledhjes së qeverisë.
Në një njoftim në rrjetet sociale, Kumbaro u shpreh se ky vendim u bë pasi janë parë efekte pozitive nga dy ligjet e mëparshme.
Kumbaro theksoi se është konstatuar një rritje e ndjeshme e numrit të shpendëve të egra dhe një ndërgjegjësim shumë më i madh i popullatës.
Ka pasur dy ligje më parë që ndalonin gjuetinë në Shqipëri, një për vitet 2014-2016 dhe një tjetër për vitet 2016-2021 që i mbaroi afati vitin e kaluar.
“Duke konstatuar efekte pozitive të masave të marra, në lidhej me faunën e egër, por sidomos me shpendët e egra, është konstatuar një rritje e ndjeshme e numrit të shpendëve të egra dhe një ndërgjegjësim shumë më i madh i popullatës. Në vitin 2016, në censusin e zhvilluar, janë konstatuar rreth 60 mijë lloje shpendësh të egër në habitatet e ekosistemit shqiptar, ndërsa në vitin 2021 jemi në rreth 140 mijë lloje të tilla. Këta shpendë kontribuojnë edhe në ruajtjen e mjedisit të Shqipërisë. Shpallja e këtij moratoriumi kufizon ndjeshëm edhe kërkesën për t’u pajisur me leje armësh gjahu. Në dy vitet e para janë sekuestruar mbi 800 armë gjahu, falë këtij moratoriumi”, ka thënë Kumbaro.
Kumbaro theksoi gjithashtu se në këtë vendim “prevalon interesi për mbrojtjen e faunës, ruajtje e mjedisit dhe zonave të mbrojtura, të cilat janë shtuar nga 17% e territorit në 20% të territorit, vendi më i pasur me shpendë të egra janë lagunat sidomos e Karavastasë që dallohet për shumëllojshmërinë e tyre”. /TCH
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Pse Zvicra subvencionon tarifat vetëm për disa studentë të huaj? Ndërsa studentët ndërkombëtarë duhet të paguajnë tarifa më të larta shkollimi se sa homologët e tyre...
-
Prodhuesi zviceran i thikave të ushtrisë në përpjekje për të përmbushur kufizimet globale të tehut
-
Ndërprehet linja e trenit midis Brig në Valais dhe Italisë
-
Gjuha shqipe forcon integrimin
-
Studimi i ri zbulon se ku në Zvicër punonjësit fitojnë më shumë dhe më pak