Stoltenberg bisedon me Borrellin për Kosovën, kërkon angazhim në dialog

Sekretari i NATO-s, Jens Stoltenberg, ka biseduar në telefon me shefin e diplomacisë evropiane, Joseph Borrell, pas tensioneve të fundit në veri të Kosovës.

Për këtë Stoltenberg ka shkruar në Twitter, duke thënë se Kosova duhet të largohet nga hapat e njëanshëm dhe destabilizues, transmeton Albinfo.ch.

“Fola me Josep Borrellin për Kosovën. Prishtina dhe Beogradi duhet të angazhohen në dialogun e udhëhequr nga BE tani, si e vetmja rrugë drejt paqes dhe normalizimit. Prishtina duhet të de-përshkallëzojë dhe të mos ndërmarrë hapa të njëanshëm destabilizues”, ka shkruar Stoltenberg.

Për aksionin në veri, Kosova është kritikuar edhe nga Shtetet e Bashkuara të Amerikës edhe Bashkimi Evropian./Albinfo.ch/