Sulmohet një familje shqiptare në Medvegjë, reagon deputeti shqiptar në Serbi

Deputeti i vetëm shqiptar në Kuvendin e Serbisë, Shaip Kamberi, ka njoftuar se një grup i panjohur ka hedhur gurë dhe mjete të rënda në drejtim të shtëpisë së një familjeje shqiptare.

“Një grup i panjohur ka kryer akte vandalizmi, duke hedhur gurë dhe mjete të rënda në drejtim të shtëpisë së tyre. Ne kërkojmë që autoritetet e sigurisë të ndërhyjnë menjëherë për të ruajtur rendin dhe qetësinë dhe për të siguruar që qytetarët shqiptarë në Medvegjë të mos jenë të ekspozuar ndaj abuzimeve dhe tmerreve të tilla”, ka shkruar ai.

Tutuje kërkon që bashkësia ndërkombëtare të shtojë sigurinë në Luginë të Preshevës.

“Gjithashtu, ftojmë bashkësinë ndërkombëtare të ndjekë ngjarjet dhe të monitorojë situatën e sigurisë me kujdes, sidomos në Luginën e Preshevës”, thuhet në reagimin e tij, përcjell albinfo.ch.

---