Kosova
Një delegacion i BE-së takon deputetët e Listës serbe
Një delegacion i Parlamentit Europian, i kryesuar nga raportuesi për Serbinë, David McAlister, është takuar me përfaqësues të Listës serbe, me fokus atë që është kthyer tashmë në kryefjalën e ditës: taksën 100% të vendosur produkteve që hyjnë në Kosovë nga Serbia.
Delegacioni përcolli të njëjtin qëndrim që Brukseli e ka bërë të qartë tashmë: Taksa, thanë pjesëtarët e tij, duhet të hiqet dhe dialogu Prishtinë-Beograd për arritjen e një zgjidhjeje kompromisi duhet të vazhdojë, në mënyrë që në Ballkan të vendoset përfundimisht paqja, shkruan TCH, përcjell albinfo.ch.
Lajmi i përcjellë nga mediat kosovare mbështetet te deklarata e publikuar prej Listës serbe pas takimit, ku kjo e fundit ka përmendur problemet me të cilat ndeshet sipas saj populli serb në Kosovë, por edhe qëndrimin, sipas të cilit pjesëmarrja në institucione “ishte e pakuptimtë pas veprimeve të njëanshme të Prishtinës”.
Ajo citon pikërisht këtë si shkakun e takimit me presidentin serb, Aleksandar Vuçiç, ku u propozua braktisja e institucioneve të Kosovës. Në delegacionin e Parlamentit Europian, përveç McAlisterit, ishin edhe dhe Elmar Brok nga Gjermania dhe Igor Soltes nga Sllovenia, i cili tre muaj me parë deklaronte se Kosova i ka përmbushur kriteret për liberalizimin e vizave dhe se i takon bllokut tani të bëjë atë që ka premtuar.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?