Themelohet Këshilli Nismëtar i Fondacionit “Albana” për Zvicër

Nga të pranishmit në takimin e mbajtur në Luzern u themelua Këshilli Nismëtar i Fondacionit Albana për Zvicrën prej dhjetë personash

Të enjten, më 22 gusht 2019, në mjediset e Qendrës për integrim në Luzern të Zvicrës u mbajt një takim i shqiptarëve nga Kosova, Maqedonia, Lugina e Preshevës, si dhe nga Shqipëria.

Siç bëhet e ditur në një njoftim të publikuar në fb, takimi kishte për qëllim themelimin e Fondacionit ALBANA për Zvicrën.

Përfaqësuesi i Fondacionit Albana nga Tirana, z. Artur Furriku, njoftoi për rrjedhat e fondacionit Albana. Në takim u diskutua për 3 platformat dhe 2 nismat e Fondacionit Albana, të cilat në fund të takimit u pranuan dhe u nënshkruan nga të pranishmit.

Nga të pranishmit në takim u themelua Këshilli Nismëtar i Fondacionit ‘Albana’ për Zvicrën, prej dhjetë personash.

Si përfundim nga mbledhja u caktuan tre vetë për punët nismëtare në të ardhmen: Florim Useini, Bajram Zendeli dhe Qenan Hamdiu.

Këshilli nismëtar do të punojë për formalizimin e degës për Zvicrën të Fondacionit ‘Albana’, do të njoftohen dhe kontaktohen të gjithë afaristët shqiptarë në Zvicër.

Po ashtu këshilli do të merret me punët si informimi dhe bashkëpunimi me shoqatat e shumta që funksionojnë në Zvicër, thuhet në fund të njoftimit të publikuar nga Këshilli Nismëtar për themelimin e Fondacionit ‘Albana’ në Zvicër.

---