Trileqe

Është një ëmbëlsirë shumë e dashur për të gjithë, sidomos për fëmijët. Kjo lloj ëmbëlsire është e njohur sidomos në Amerikën Latine dhe thuhet se e ka zanafillen nga atje.

Përbërësit:

•       6 vezë
•       200 gr miell
•       200 gr sheqer
•       Pak vanile pluhur

Përbërësit për krem:

•       300 gr qumësht
•       300 gr pana të freskët
•       300 gr qumësht i kondensuar (qumësht panda)
•       Pak karamel

PËRGATITJA E TRILEQES

Së pari i ndajmë të verdhat e vezëve nga të bardhat dhe fillojmë t’i rrahim me mikser këto të fundit (d.m.th. të kuqtë), I rrahim mirë derisa të arrijmë një masë të bardhë me shkumë. Në këtë rast fillojmë të shtojmë me kujdes të shtuar sheqerin e përzier me vanilen.
Shtojmë më pas të verdhat e vezëve një nga një dhe vazhdojmë t’i rrahim me mikser përsëri.
Pasi janë përzier mirë, fillojmë ta shtojmë miellin me kujdes e ngadalë që të mos bëhen kokrriza. I trazojmë mirë derisa të gjithë përbërsit të bëhen homogjen.
Masën e homogjenuar e hedhim në një tepsi të lyer me gjalpë.
E pjekim në furrë me temperaturë 180°c përreth 25-30 minuta.
Pasi të jetë pjekur, e lëmë të ftohet pak, më pas e nxjerrim nga tava dhe e shpojmë komplet nga të dy anët me një thikë.

Në një enë e shtojmë qumështin dhe shtojmë ngadalë edhe qumështin panda, I trazojmë bashkë derisa ky i fundit të shkrihet komplet.
Pastaj hedhim panën në tavën ku kemi pjekur pandispanjën.
Tani vendosim sipër pandispanjën, mbi të hedhim përgatitjen e qumështit si dhe sipër shtojmë karamel sipas dëshirës mundeni të hedhni edhe çokollatë të shkrirë.

Vendosim ëmblësirën në frigorifer për disa orë para se ta servojmë.
Më pas e prejmë në katrorë të vegjël sipas dëshirës.

Ju bëftë mirë!