Shqipëria
Zvicra ndihmon me 8.2 milionë franga në zbutjen e papunësisë në Shqipëri
“Kjo fazë e dytë do të ketë më shumë fokus tek bashkëpunimi me sektorin privat për të krijuar më shumë vende pune, për të mobilizuar diasporën shqiptare, dhe për të përfshirë më shumë nga segmentet e prekshme të popullatës si përfitues”, njoftoi ambasadori Graf
Një projekt prej 8.2 milionë franga zvicerane do të vazhdojë të mbështesë krijimin e vendeve të punës për të rinjtë në Shqipëri, thuhet në një njoftim nga Ambasada e Zvicrës në Shqipëri.
“RisiAlbania” nga Agjencia Zvicerane për Zhvillim dhe Bashkëpunim (SDC) mbylli fazën e saj të parë dhe nisi fazën e dytë gjatë një hapjeje zyrtare tek Qendra Rinore në Tiranë me përfaqësues nga sektori privat, qeveria, organizatat civile dhe akademia, përcjell albinfo.ch.
“Ndihem i privilegjuar që programi i bashkëpunimit zviceran me Shqipërinë ka një pjesë të mirë të përkushtuar ndaj arsimit profesional, punësimit dhe zhvillimit të sektorit privat”, është shprehur ambasadori zviceran Christoph Graf në fjalën e tij të hapjes.
“Kjo fazë e dytë do të ketë më shumë fokus tek bashkëpunimi me sektorin privat për të krijuar më shumë vende pune, për të mobilizuar diasporën shqiptare, dhe për të përfshirë më shumë nga segmentet e prekshme të popullatës si përfitues”, njoftoi ambasadori Graf.
I pranishëm në aktivitet ishte edhe Matthias Herr nga “Helvetas Swiss Intercooperation”, zbatuesi kryesor i projektit, i cili foli mbi nevojën për “të hequr barrierat për rritjen dhe investimet në sektorin privat, si dhe për të hequr barrierat me të cilat përballen të rinjtë në aksesin për mundësi punësimi përmes arsimit, shërbimeve dhe mbështetjes.
Gjatë fazës së parë “RisiAlbania” arriti të krijonte mbi 900 vende pune dhe gjithashtu i mundësoi mbi 5,000 të rejave dhe të rinjve gjetjen e punës.
Duke punuar drejtpërdrejt me kompani private dhe me institucione qeveritare projekti prezantoi mënyra të reja për të bërë biznes, shërbime dhe produkte të reja, dhe paketa të reja informative mbi tregun e punës.
Megjithatë Ambasadori Graf paralajmëroi se “puna për krijimin e vendeve të punës për të rinjtë” nuk ka mbaruar ende.
“RisiAlbania” fokusohet në mbështetjen e tre sektorëve: Agropërpunim, Turizëm dhe Teknologji Informacioni dhe Komunikimi (TIK), pasi këto janë sektorët me më shume potencial premtues për punësimin e të rinjve.
Të tjera nga Shqipëria
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Zvicër
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim