13 vjet që kur GjND-ja dha opinionin se pavarësia e Kosovës është në përputhje me ligjin ndërkombëtar

Vjosa Osmani, Twitter

22 korriku i 13 vjetëve më parë shënon ditën kur Gjykata Ndërkombëtare e Drejtësisë konstatoi se shpallja e Pavarësisë së Kosovës nuk përbente shkelje të së drejtës ndërkombëtare.

Kryeministri i Kosovës, Albin Kurti, u shpreh se kjo shënon vulën e asaj që përkrahësit e drejtësisë e dinin gjatë gjithë kohës.

Në këtë ditë të vitit 2010, Gjykata Ndërkombëtare e Drejtësisë, gjykata më e lartë e OKB-së – vendosi që shpallja e pavarësisë së Kosovës ishte në përputhje me të drejtën ndërkombëtare, duke i dhënë një vulë përfundimtare asaj që përkrahësit e të drejtave të njeriut dhe drejtësisë e dinin gjatë gjithë kohës”, shkroi Kurti, përcjell albinfo.ch.

Ndërkohë, Presidentja e Kosovës, Vjosa Osmani, u shpreh se ky vendim është realitet dhe i pakthyeshëm.

“13 vjet më parë Gjykata Ndërkombëtare e Drejtësisë konfirmoi se deklarata e pavarësisë së Kosovës nuk ka shkelur ligjin ndërkombëtar. 13 vjet më vonë, ky opinion historik mbetet një thirrje për vendet që nuk e kanë bërë ende një gjë të tillë, të bashkohen me demokracitë në mbarë botën dhe të njohin realitetin e pakthyeshëm të Republikës sonë sovrane”, shkroi Osmani, përcjell albinfo.ch.

Më 22 korrik 2010, GJND-ja konstatoi se shpallja e pavarësisë së Kosovës nuk përbënte shkelje.