5 të arrestuar pas tensioneve në veri të Kosovës

Policia e Kosovës ka njoftuar se ka arrestuar pesë persona të dyshuar për sulmet dhe dhunën ndaj pjesëtarëve të KFOR-it në komunën e Zveçanit në veri të Kosovës.

Sipas Policisë “grupe kriminale të armatosura janë në lëvizje, të veshura me rroba të zeza e të maskuar”.

“Policia e Kosovës në vazhdimësi ka qenë e koordinuar me KFOR-in për ta menaxhuar situatën. KFOR-i është detyruar të veprojë pasi nga dhuna e protestuesve është vënë në rrezik jeta e zyrtarëve, janë rrezikuar nga dëmtimi automjetet dhe prona publike”, thuhet në komunikatën për media të Policës së Kosovës.

---