Prokurimi publik i korruptuar nëpër komuna

Komunat e Kosovës po bëjnë prokurimi publik të ekspozuar ndaj veprimeve korruptuese dhe favorizimeve të lidhur me politikën

Grupi për Studime Juridike dhe Politike në analizën mbi gjendjen e prokurimit publik nëpër komunat e Kosovë vuri në pah se gjendja aktuale e prokurimit publik ballafaqohet me shumë probleme e veçanërisht vlen të ceket niveli i ulët i profesionalizmit dhe sjellja në favor të “shefave politik”, të cilat konsiderohen si mjaft shqetësuese.

Për këtë çështje dhe procesin e prokurimit publik është debatuar nga panelistë të shumtë në debatin e organizuar nga ky grup studiuesish.

Lars Lage Olofsson, auditor i përgjithshëm i Kosovës, duke pranuar gjendjen e keqe në menaxhimin e parasë publike në nivelin komunash, dha rekomandimin kryesor, duke thënë se mënyra më e mirë për të dalë nga kjo situatë, është të përmirësohet menaxhimin ekzekutiv në komuna. Panelistët kanë kritikuar edhe mosaplikimin e rekomandimeve të mëparshme nga komunat. Ata vlerësuan se me Ligjin e ri për Prokurimin publik detyrohen zyrtarët për nënshkrimin e tenderëve të cilët aprovohen. Tenderimi elektronik u tha të jetë  mënyra më e mirë për të parandaluar këtë dukuri.