Inkurajohen prodhuesit kosovarë pas taksës 100%

Kryeministri i Kosovës, Ramush Haradinaj, ka inkurajuar prodhuesit kosovarë për krijimin e lidhjeve të bizneseve për promovim të produkteve vendore dhe potencialin ekonomik në vend, shkruan albinfo.ch

“Ne e kemi për qëllim zvogëlimin e importit të produkteve ose zëvendësimin e produkteve. Taksa 100 për qind nuk duhet parë si mundësi për rritje të çmimeve, por mbështetje për prodhuesit”, ka thënë Haradinaj me rastin e hapjes së panairit e agrobiznesit “Shporta jonë”, të organizuar nga Oda Ekonomike e Kosovës.

Ai ka shtuar se janë rritur prodhimet vendore, që prej vendimit të vendosjes së taksës ndaj produkteve me origjinë të Serbisë. Ndërsa, ministri Endrit Shala i ka ftuar qytetarët që t’i shfrytëzojnë prodhimet vendore. Ai ka shtuar se një ndër prioritetet është edhe rritja e cilësisë së produkteve vendore. Kryetari i OEK-ut, Berat Rukiqi, ka thënë se në këtë panair do të shfaqet potenciali i ekonomisë së Kosovës.