Koronavirusi: çast pas çasti
Lista e BE-së: Pranohen vetëm 14 shtete, mbeten jashtë shqiptarët
Bashkimi Evropian i cilëson këto vende si të sigurta
Bashkimi Europian ka emërtuar 14 vende, shtetasit e të cilëve konsiderohen “të sigurt” për t’u lejuar lëvizjen nga 1 korriku. Në këtë listë të përjashtuara janë SHBA, Brazili dhe Kina, shkruan BBC, përcjell albinfo.ch.
BE është e gatshme të shtojë Kinën nëse qeveria kineze ofron një marrëveshje reciproke për udhëtarët e BE-së, thonë diplomatët.
Shumë kontrolle kufitare janë hequr për qytetarët e BE që udhëtojnë brenda bllokut. Rregullat për udhëtarët e Mbretërsë së Bashkuar janë pjesë e negociatave aktuale të Brexit.
Por shtetasit e Mbretërisë së Bashkuar do të trajtohen në të njëjtën mënyrë si qytetarët e BE-së deri në fund të periudhës së tranzicionit të Brexit më 31 dhjetor, thotë Komisioni i BE-së, përcjellë albinfo.ch.
Kështu që gjatë kësaj periudhe shtetasit e Mbretërisë së Bashkuar dhe anëtarët e familjeve të tyre janë të përjashtuar nga kufizimi i përkohshëm i Udhëtimit të BE-së.
Vendet në listën e tanishme “të sigurt”,të cilat me gjasë do të ndryshohen, janë: Algjeria, Australia, Kanada, Gjeorgjia, Japonia, Mali i Zi, Maroku, Zelanda e Re, Ruanda, Serbia, Koreja e Jugut, Tajlanda, Tunizia dhe Uruguai.
Vendet e BE-së në zonën 26-anëtarëshe të Shengenit normalisht lejojnë vendkalimet kufitare pa pasaporta për qytetarët e BE-së, por autoritetet kombëtare kanë riimpozuar kufizime në këtë krizë.
Mbretëria e Bashkuar aktualisht është duke negociuar “ura ajrore” të përkohshme me disa shtete anëtare të BE-së, në mënyrë që koronavirusi të mos bllokojë plotësisht pushimet verore – sezoni më i ngarkuar në Evropë për turizmin, i cili punëson miliona njerëz.
Procedura e BE për të zyrtarizuar listën, dhe kriteret me të cilat vendet gjykohen të sigurta apo jo, do të përfundojnë deri në mesditën e së martës.
Një shumicë e kualifikuar e vendeve të BE-së – të paktën 55% e vendeve të BE-së, që përfaqësojnë 65% të popullsisë së BE – janë regjistruar në listë.
Kosova, Shqipëria, Maqedonia e Veriut dhe vendet tjera kanë mbetur jashtë, për të paktën edhe dy javë. /albinfo.ch/
Të ngjashme
Të tjera nga Koronavirusi: çast pas çasti
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse