Selimi: Nuk kam frikë nga drejtësia, besoj se do kthehemi në vendin tonë

Keystone EPA/Koen van Weel / POOL

Ish-anëtari i Shtabit të Përgjithshëm të UÇK-së, Rexhep Selimi që po gjykohet për krime lufte dhe krime kundër njerëzimit ka folur këtë të martë para trupit gjykues.

Ai thotë se beson në drejtësi, por i frikësohet padrejtësive. “Gjithmonë kam thënë edhe sot e përsëris, nuk kam frikë nga drejtësia, por nga padrejtësia duhet të kemi frikë të gjithë. Por unë ende besoj se në fund të këtij gjykimi do të besoni në pafajësinë time”, është shprehur ai, përcjellë albinfo.ch.

Tutje ai është shprehur i bindje se në fund të këtij gjykimi, ai beson se do kthehet në Kosovë i pafajshëm. “Unë dhe bashkëluftëtarët e mi do të kthehemi në vendin tonë, për të cilin luftuam e punuam gjatë gjithë jetës tonë”, deklaroi Selimi, përcjellë albinfo.ch.

Tutje Selimi ka deklaruar se në Kosovë nuk janë kryer krimet që Serbia ka kryer ndaj qytetarëve të Kosovës. “Serbia kreu qindra masakra, vrau mbi 12 mijë shqiptarë. Dhunua mijëra gra e vajza, dogjën shtëpi, dëbuan me dhumë. Kurse ne asnjëherë nuk bëmë atë që bëri Serbia ndaj nesh. Nëse flasim për krime, flasim për ato që kanë ndodhur. Meja, Reçaku, Rezalla, Pokleku, Radoniqi e qindra të tjera. Të flasim për Dubravën, për të zhdukurit me dhunë ku nuk janë gjetur ende. Të flasim për kriminelët që kryen krime e nuk u ndëshkuan”, deklaroi në fjalimin e tij jo nën betim, përcjellë albinfo.ch.