Gjykata ia ndalon “Visametric” marrjen e 30 eurove për kthimin e pasaportave

Këtë e ka bërë të ditur avokati Flamur Abdullahu. Ai ka thënë se vendimi është marrë pas padisë që ai e ka bërë ndaj kompanisë.

Gjykata Komerciale e Kosovës ka vendosur sot që kompanisë “Visametric” t’i ndalohet marrja e pagesës prej 30 euro, si tarifë për kthim të pasaportave, kur qytetarët aplikojnë për viza në Ambasadën e Gjermanisë në Kosovës.

Këtë e ka bërë të ditur avokati Flamur Abdullahu. Ai ka thënë se vendimi është marrë pas padisë që ai e ka bërë ndaj kompanisë, përcjell Albinfo.ch.

Ai gjithashtu e ka publikuar edhe vendimin e gjykatës në llogarinë e tij në Facebook.

“Për këtë 9 Maj – Dita Evropës, po ju njoftoj që Gjykata Komerciale, në të dyja shkallët, ka dhënë vendim që i ndalon kompanisë Visametric L.L.C. që të detyrojë aplikantët të paguajnë shërbimin postar për kthim të pasaportës kur aplikojnë për viza në Ambasadën Gjermane. Detyrimi i aplikantëve për të paguar postën është vetëm një zhvatje më shumë që u bëhet qytetarëve të Kosovës në aplikime për viza që nga pas lufta. Vlera prej 30 euro për person përbën disa miliona përfitim për kompaninë në kundërshtim me Ligjin për Mbrojtjen e Konsumatorit. Gjithashtu, unë kam ushtruar Padi Kolektive në emër të interesit publik ndaj Visametric L.L.C. për këtë çështje”, ka shkruar Abdullahu./Albinfo.ch

 

---