Vuçiq: Nuk është arritur kulmi i përshkallëzimit

Në një intervistë për mediat serbe, presidenti i Serbisë, Aleksandar Vuçiq, ka deklaruar se nuk është arritur kulmi i përshkallëzimit të situatës, duke shtuar se kryeministri i Kosovës, Albin Kurti, dëshiron vetëm luftë.

“Ai dëshiron të ndodhë gjithçka që unë dua të shmang. Ne nuk e kemi arritur pikun e përshkallëzimit të krizës në Kosovë, siç mendojnë disa, mirëpo Kurti dëshiron luftë. Ai lutet për diçka të tillë”, ka thënë presidenti serb, përcjell albinfo.ch.

Tutje, Vuçiq ka shtuar se Kurti nuk do të lejojë formimin e Asociacionit të komunave me shumicë serbe, ndonëse duhet të formohet “në përputhje me marrëveshjet e nënshkruara”, shkruan Radio Evropa e Lirë.

Presidenti serb, Vuçiq, ka thënë se duhet të takohet me serbët nga veriu i Kosovës, ku tensionet janë rritur prej fundit të majit.