Deklarata e Gërvallës për BE-në, nxit reagimin e ndërkombëtarëve

Donika Gervalla, FB

Ministrja e Jashtme e Kosovës, Donika Gërvalla të shtunën u shpreh se pa Shtetet e Bashkuara dhe NATO-n, Bashkimi Evropian një ‘tigër prej letre’ në aspektin e sigurisë.

Kjo ka nxitur reagimin e akterëve ndërkombëtar.

I dërguari amerikan, Gabriel Escobar tha se “gjithçka pozitive që ka ndodhur në Ballkan, ka qenë kombinim i bashkëpunimit të Bashkimit Evropian dhe Shteteve të Bashkuara”, përcjell albinfo.ch.

Sipas Escobar, rajoni është i ndarë në dy shtige. “Njëri me shtetet në NATO që janë shumë më të qëndrueshme, kontribuuese në qëndrueshmërinë rajonale dhe të vendosura në rrugën drejt integrimit evropiane dhe tjetri i atyre që po konsumojnë vëmendjen dhe burimet e të tjerëve në rajon teksa ngecin me sfidat e tyre”.

Në anën tjetër, i dërguari evropian Miroslav Lajçak tha se BE është larg të qenit i përkryer por është më i miri që kemi. “Është bashkimi më i suksesshëm i shteteve. Nuk ka një bashkim tjetër në këtë planet, që ka ofruar qëndrueshmëri politike e ekonomike më të mirë. Mendoj se anëtarësimi në BE është një ëndërr e shteteve që janë duke trokitur në derën e bllokut”, tha ai, përcjell albinfo.ch.