Lajçak flet për takimin me Kurtin: I dobishëm

Lajçak e Kurti diskutojnë për veriun e për zbatim të marrëveshjeve të dialogut

Raportohet se i dërguari i Bashkimit Evropian për dialogun mes Kosovës dhe Serbisë, Miroslav Lajçak, tha se ka pasur një diskutim të dobishëm me kryeministrin Albin Kurti, në simpoziumin e `Symit` në Greqi, përcjell albinfo.ch.

“Në Simpoziumin e Symit të këtij viti pata një diskutim të dobishëm me kryeministrin Albin Kurti për situatën aktuale në veri të Kosovës dhe rrugën përpara drejt deeskalimit dhe zbatimit të të gjitha marrëveshjeve të dialogut”, ka shkruar Lajçak në ‘Twitter’.

Ndryshe mbrëmë edhe kryeministri i Kosovës, Albin Kurti, i cili po merr pjesë në një simpozium në Greqi, ka shkruar për takimin që ka pasur me emisarin evropian për dialogun Kosovë- Serbi, Miroslav Lajçak.

Shefi i ekzekutivit tha se me emisarin e BE-së ka diskutuar për uljen e tensioneve dhe normalizimin e marrëdhënieve me Serbinë.

“Pata një bisedë të gjatë me emisarin Miroslav Lajçak në margjinat e Simpoziumit të 25-të të SYMI në Kretë për uljen e tensioneve dhe normalizimin e marrëdhënieve me Serbinë. Ne mbetemi të përkushtuar. Moti ishte shumë më i nxehtë se diskutimi ynë”, ka shkruar Kurti në Twitter.

 

 

---