Kosova, në ceremoninë e 30-vjetorit të Programit të Partneritetit Shtetëror në Washington

Mësohet se komandanti i FSK-së, Gjenerallejtënant Bashkim Jashari, me ftesë të Gjeneral Daniel R. Hokanson, Shef i Byrosë së Gardës Kombëtare të SHBA-së, po merr pjesë ne konferencën e shënimit të 30-vjetorit të themelimit të Programit të Partneritetit Shtetëror (State Partnership Program-SPP) të Gardave Kombëtare, në Uashington DC, njofton FSK përmes një komunikate për media, përcjell albinfo.ch.

Vlen të theksohet se Programi i Partneritetit Shtetëror të Gardës Kombëtare (SPP) është program i Departamentit Amerikan të Mbrojtjes, i menaxhuar nga Byroja e Gardave Kombëtare që lidh Shtetet e Bashkuara me vendet partnere në gjithë botën. Ky program ka për qëllim mbështetjen e objektivave të bashkëpunimit të sigurisë të komandave luftarake gjeografike me shtetet përkatëse nëpër botë. Aktualisht programi ka rreth 100 shtete partnere nga e gjithë bota, dhe Kosova ndër to, numëron një histori të veçantë të suksesit të partneritetit me Gardën Kombëtare të Iowas.

Bëhet e ditur se Gjeneral Jashari, bashkë me Gjeneral Majorin Stephen Osborn, Komandant i Gardës Kombëtare të Iowas dhe delegacionin nga Kosova, po marrin pjesë në ngjarjet në kuadër të konferencës.