Nga dje u hap edhe një vendkalim kufitar mes Kosovës e Maqedonisë së Veriut

Ministria e Punëve të Brendshme njofton qytetarët e Republikës së Kosovës dhe qytetarët e Republikës së Maqedonisë së Veriut se vendkalimi kufitar Restelicë – Strazimir, në kufirin Maqedoni – Kosovë, do të jetë i hapur për kalim rrugor duke filluar nga data e djeshme, 21 korrik 2023, deri më 1 tetor 2023, përcjell albinfo.ch.

Hapja e këtij vendkalimi bëhet me qëllim të lehtësimit të qarkullimit ndërkufitar të qytetarëve të të dyja vendeve.

Vendkalimi do të jetë i hapur çdo ditë nga ora 08:00 deri në orën 22:00, ndërsa për kalim do të vlejnë rregullat e njëjta si në vendkalimet e tjera kufitare, gjegjësisht dokumentet për udhëtim.