Rreth 450 bashkatdhetarë e vizituan Kuvendin e Kosovës për dy ditë

Edhe të martën ka vazhduar aktiviteti “Bashkatdhetarët në Kuvend”, me një rritje të interesimit të bashkatdhetarëve për të vizituar dhe njohur institucionin më të lartë ligjvënës dhe përfaqësues të Republikës së Kosovës.

Në ditën e dytë të dyerve të hapura të Kuvendit, në këtë institucion qëndruan për vizitë rreth 280 bashkatdhetarë, duke takuar dhe bashkëbiseduar me deputetë, si dhe duke u njohur nga afër më punën dhe veprimtarinë e Kuvendit të Republikës së Kosovës, përcjell Albinfo.ch.

Nga Kuvendi i Republikës së Kosovës bëjnë të ditur se gjithsej në dy ditët e aktivitetit ky institucion ligjvënës u vizitua nga mbi 450 bashkatdhetarë, me banim në shtete të ndryshme të botës./Albinfo.ch