Një i vdekur dhe 9 të lënduar në aksidentin në Istog

Foto ilustrim: Matthew T Rader / Unsplash

Një person ka vdekur dhe 9 të tjerë janë lënduar në një aksident në fshatin Dobrushë të Istogut.

Policia dyshon se aksidenti erdhi si pasojë e mospërshtatjes së shpejtësisë.

“Ju informojmë se më 31 korrik 2023, rreth orës 22:40, Policia është informuar për një aksident trafiku, i cili ka ndodhur në fshatin Dobrushё- Istog. Nё vendin e ngjarjes kanё dalё njёsitet kompetente tё Njesitit Rajonal tё Komunikacionit Rrugor (NJRKRR). Nё kёtё aksident ishin tё involvuara njё traktor dhe dy automjete. Dyshohet se deri te aksidenti ka ardhur si pasojё e mospёrshtatjёs sё shpejtёsisё dhe tejkalimit tё pasigurt”.

Tutje thuhet se të lënduarit janë duke marrë trajtimin e duhur.

“Nё vendin e ngjarjes kanё arritur zjarrёfikёsit dhe autoambulanca, dhjetё (10)  personat e pёrfshirё nё aksident janё dёrguar me autoambulancё dhe me automjete private nё Spitalin Rajonal nё Pejё, pёr tretman mjekёsor, aty nga mjekёt kujdestarё ёshtё konstatuar vdekja e njёrit nga personat e lënduar. Me urdhër të Prokurorit shtetit, trupi i pajetë i viktimës dërgohet në Institutin e Mjekësisë Ligjore në Prishtinë për obduksion”, thuhet në njoftimin e Policisë, përcjell albinfo.ch.