Gjatë 24 orëve të fundit në Kosovë kanë ndodhur gjithsejtë 156 aksidente trafiku, numër ky rekord të paktën i këtij viti, raporton IndeksOnline.

Sipas të dhënave të policisë gjatë së enjtes është raportuar për një aksident trafiku me fatalitet, 37 aksidente me persona të lënduar dhe 118 aksidente tjera me dëme materiale, përcjell albinfo.ch. 

Policia ka njoftuar se aksidenti me pasoja fatale ka ndodhur në rrugën Skenderaj-Klinë ku një femër, 29-vjeçare ka vdekur si pasojë e lëndimeve të pësuara, pasi ka humbur kontrollin mbi veturën që e drejtonte, shkruan Indeksonline.