Kosovë: Komunat kërkojnë shpërndarjen e teksteve shkollore

Foto: LAPSH

Asociacioni i Komunave të Kosovës ka kërkuar nga Ministria e Arsimit, Shkencës, Teknologjisë e Inovacionit që të nisë procesin e shpërndarjes së teksteve mësimore në shkollat e komunave të Republikës së Kosovës.

AKK shprehet se kjo vonesë, siç e quajnë tepër e panevojshme, mund të shkaktojë probleme dhe ngecje në fillimin e mbarë dhe të rregullt të vitit shkollor.

“Viti i ri shkollor për çdo vit nis dhe është i planifikuar të nisë në të njëjtën datë. Së këndejmi, vonesat e tilla në shpërndarjen me kohë të teksteve mësimore janë të pakuptimta, por edhe të papranueshme. Asnjë justifikim në këtë vonesë nuk i intereson askujt, e më së paku nxënësve dhe arsimtarëve tanë”, thuhet në reagimin e Asociacionit të Komunave të Kosovës, përcjell albinfo.ch.