Lajçak e Vuçiq diskutojnë për zgjedhjet në veri

Miroslav Lajčák

I dërguari i Bashkimit Evropian për dialogun Kosovë-Serbi, Miroslav Lajçak, të mërkurën në Beograd ka takuar presidentin serb, Aleksandar Vuçiq.

Në Twitter, Lajçaku ka njoftuar për “diskutime thelbësore” me Vuçiqin.

“Në Beograd sot kam pasur diskutime thelbësore me presidentin Vuçiq për takimin e radhës të nivelit të lartë në shtator, përpjekjet për uljen e tensioneve dhe mbajtjen e zgjedhjeve të reja lokale në veri të Kosovës, si dhe zbatimin e të gjitha marrëveshjeve të dialogut”, ka shkruar Lajçak, përcjell albinfo.ch.

Është paralajmëruar një takim i nivelit të lartë mes Kosovës dhe Serbisë në shtator.