Kosova

Borrell: Takimi i radhës Kurti – Vuçiq, më 14 shtator

E enjte, 31 Gusht 2023 - 19:20 albinfo.ch

Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, ka njoftuar se më 14 shtator do t’i ftojë në takim të nivelit të lartë kryeministrin e Kosovës, Albin Kurti dhe presidentin e Serbisë, Aleksandar Vuçiq.

Në një konferencë për media, Borrell ka njoftuar se bashkë me Presidencën Spanjolle të BE-së synojnë një takim të ministrave të shteteve anëtare të BE-së me ministrat e Jashtëm të Ballkanit Perëndimor për ta analizuar situatën në rajon, teksa u shpreh se ky takim do të mbahet në fund të shtatorit, shkruan albinfo.ch.

“Më 14 shtator do të mbaj takim të ri të nivelit të lartë në dialogun mes Kosovës dhe Serbisë, si lehtësues, për të kërkuar zgjidhje”, ka thënë ai, ndërsa shtoi se procesi i zgjerimit është diskutuar me ministrat e Jashtëm të BE-së dhe ky proces ka marrë kah të ri pas luftës në Ukrainë, megjithatë ka shtuar se procesi do të zbatohet “në bazë të meritave”.

 Të tjera nga Kosova

Edhe dy ditë përfundon afati për t’u regjistruar si votues jashtë Kosovës

 E-Diaspora

 Jeta në Zvicër