E para e shtetit, Vjosa Osmani, e ka pritur në takim presidentin shqiptar, Bajram Begaj.

Osmani tha se në këtë takim të ngrohtë, biseduan për bashkëpunimin e pandalshëm dhe nevojën që Kosova dhe Shqipëria të jenë gjithmonë pranë njëra-tjetrës.

“Në prag të festave të fundvitit, i përcolla urimet më të përzemërta, me dëshirën që viti që vjen të sjellë edhe më shumë afërsi, më shumë bashkëpunim dhe hapa të suksesshëm drejt Bashkimit Evropian për dy shtetet tona.” – shkroi presidentja.

Presidentja e Kosovës, Vjosa Osmani, ka shprehur ngushëllimet e saj për familjen Gashi pas ndarjes nga jeta të Nazif Gashit, njëri prej emrave më të shquar në historinë e sportit të Kosovës dhe pjesëtar i gjeneratës së artë të boksit prishtinas, përcjell albinfo.ch.

Osmani tha se Gashi si boksier i klubit “Prishtina”, u bë simbol i guximit, disiplinës dhe përkushtimit.

Postimi i plotë:

Presidentja Osmani ngushëllon familjen Gashi për ndarjen nga jeta të Nazif Gashit

E nderuar familje Gashi,

Me pikëllim të thellë morëm lajmin për ndarjen nga jeta të Nazif Gashit, njërit prej emrave më të shquar në historinë e sportit të Kosovës dhe pjesëtar i gjeneratës së artë të boksit prishtinas.

Si boksier i klubit “Prishtina”, u bë simbol i guximit, disiplinës dhe përkushtimit. Fitoret dhe paraqitjet e tij na bënë krenar dhe e shndërruan Prishtinën në njërin prej klubeve më të suksesshme të kohës.

Kujtimi për Nazif Gashin do të mbetet i paharruar dhe inspirues për brezat që vijnë.

Ju shpreh ngushëllime të sinqerta familjes, të afërmve, Federatës së Boksit të Kosovës dhe gjithë komunitetit sportiv!

Në këto çaste të rënda për familjen, bashkëndjej me ju dhe ju inkurajoj që të gjeni forcë në përballimin e dhimbjes.

I përhershëm qoftë kujtimi për Nazif Gashin!

Raportohet se ka vdekur në moshën 74-vjeçare Nazif Gashi, njëri prej emrave më të mëdhenj të sportit të Kosovës në histori, përcjell albinfo.ch.

Gashi ka pasur karrierë të pasur si boksier. Ishte pjesë e gjeneratës së artë të Prishtinës që për shumë vjet dominoi në shtetin e dikurshëm federativ.

Për vdekjen e Gashit kanë njoftuar familjarët e tij.

Në vitet shtatëdhjeta dhe tetëdhjeta të shekullit të kaluar, Gashi dhe boksierët e tjerë të Prishtinës kishin bërë krenarë gjithë Kosovën me paraqitjet e tyre.

I lindur më 1 tetor të vitit 1951, Nazif Gashi u bashkua me ekipin e parë të Prishtinës në vitin 1971.

“Unë kur kam ardhur në klubin e Prishtinës, kur kam hyrë në ekipin e parë, në vitin 1971, klubi vetëm sa kishte hyrë në Ligën e Parë të Jugosllavisë. Në atë kohë prej fundit të tabelës ne u bëmë kampion. Ishte një sukses i mirë, bëhej punë e mirë në klubin e Prishtinës, një ndryshim pozitiv. Pesë tituj rresht i kemi fituar”, tregonte Gashi.

Stili i boksit i Gashit dhe fitoret e tij të mëdha janë përmendur gjatë dhe përmenden ende nga tifozët besnikë të boksit.

Prej fitoreve më të famshme të tij ishte ajo e vitit 1974 në Beograd ndaj kampionit të atëhershëm të Evropës, Marjan Beneshi. E kishte mposhtur në kuadër të turneut “Doreza e Artë”.

Gjatë karrierës ka mposhtur edhe boksierë të tjerë të njohur në ish-Jugosllavi.

Në periudha të ndryshme ishte pjesë e Federatës së Boksit të Kosovës. Ishte edhe trajner i boksit e selektor, ndërsa për shumë vite i përshirë në bodibilding e fitnes.

Kryetari i Kuvendit të Republikës së Kosovës, Dimal Basha, priti sot në Kuvend 21 nxënës nga Brainobrain Kosova, të cilët përfaqësuan me sukses Kosovën në 15th Brainobrain International Competition në Dubai, përcjell albinfo.ch. 

Në garë morën pjesë 1.810 nxënës nga 16 shtete, ndërsa ekipi i Kosovës u kthye me 12 vende të para, 7 të dyta dhe 2 të treta. Kryetari Basha i përgëzoi nxënësit për suksesin dhe i inkurajoi të vazhdojnë rrugën e tyre të shkëlqyer.