Cramon kërkon hetim për sulmin ndaj KFOR

Raportuesja për Kosovën në Parlamentin Evropian, Viola von Cramon, ka shprehur shqetësimin e saj për situatën në veri.

Cramon, si kërkesë për qetësim të situatës, krahas tri kërkesave të Josep Borrell, ka thënë se duhet edhe një hetim dhe ndjekje e plotë të autorëve që sulmuan ushtarët e KFOR-it të hënën e 29 majit në Zveçan, përcjell albinfo.ch.

“Një kërkesë shtesë, por thelbësore: Hetimi dhe ndjekja e plotë e autorëve të sulmeve kundër ushtarëve të KFOR-it. Ne të gjithë jemi jashtëzakonisht mirënjohës për gjithçka bëjnë trupat tanë dhe u urojmë atyre shërim të shpejtë”, shkroi Cramon.

Ndërsa, Borrell dje pas takimit që pati me presidenten e vendit, Vjosa Osmani, homologun e saj francez, Emmanuel Macron, kancelarin gjerman, Olaf Scholzë e presidentin serb, Aleksandar Vuçiq, doli me tri kërkesa për Kosovën. Ai kërkoi zgjedhje të reja, sigurimin e pjesëmarrjes së serbëve të Kosovës në to dhe fillimin e punës për themelimin e Asociacionit të Komunave me Shumicë Serbe, përndryshe paralajmëroi se do të ketë pasoja serioze.

---