Kosova
Zhvillimet në veri të Kosovës: Çfarë kërkoi një deputet gjerman nga qeveria gjermane
Raportohet se zëdhënësi i politikës së jashtme të grupit parlamentar të partisë së ekstremit të djathtë AfD-së në Bundestagun gjerman dhe deputeti i Asamblesë Parlamentare të Këshillit të Evropës, Petr Bystron, ka bërë një reagim rreth situatës në veri të Kosovës. Përgjatë ditëve të fundit, serbët lokalë të Leposaviqit, Zubin Potokot dhe Zveçanit kanë protestuar, ku kanë kërkuar lirimin e ndërtesave komunale atje si dhe largimin e policisë së Kosovës, përcjell albinfo.ch.
Po ashtu, ata kanë plagosur me mjete të ndryshme e të forta mbi 20 ushtarë të KFOR-it si dhe kanë sulmuar gazetarët dhe policët kosovarë.
Megjithatë, Bystron thotë se përshkallëzimi i dhunës në Kosovë tregon se “Kosova nuk bën pjesë në Këshillin e Evropës”. Sipas tij, rajoni i Ballkanit Perëndimor mbetet një fuçi baruti. Ai i ka bërë thirrje qeverisë gjermane t’i ndalojë aktivitetet e saja për ta pranuar Kosovën në Këshillin e Evropës.
“Përshkallëzimi i fundit i dhunës në Kosovë tregon: Kosova nuk bën pjesë në Këshillin e Evropës! Rajoni mbetet një fuçi baruti dhe nëse do ta pranonim atë në Këshillin e Evropës dhe BE-në, do t’i bartnim problemet e rajonit në institucionet tona dhe në këtë mënyrë do t’i destabilizonim ato. Grupi parlamentar i AfD-së i bën thirrje qeverisë federale që të ndalojë menjëherë aktivitetet e saj për të pranuar Kosovën në Këshillin e Evropës”, thuhet në reagimi e tij.
Për zhvillimet në veri të Kosovës kanë reaguar vendet e QUINT-it, të cilat kanë kërkuar nga Qeveria e Kosovës ta shtensionojë situatën. Kosova ka aplikuar për anëtarësim në Këshillin e Evropës më 12 maj 2022. Kurse më 24 prill, ministrja e Punëve të Jashtme e Kosovës, Donika Gërvalla, pati njoftuar se Komiteti Ministror i Këshillit të Evropës ka marrë vendim që t’ia përcjellë Asamblesë Parlamentare të Këshillit të Evropës kërkesën për anëtarësimin e Kosovës.
Këshilli i Evropës është një organizatë ndërkombëtare për të drejtat e njeriut, demokracinë dhe sundimin e ligjit në Evropë. Ky këshill që u themelua më 1949, selinë e ka në Strasburg të Francës. Këshilli mbron lirinë e shprehjes dhe të mediave, barazinë dhe minoritetet në vendet anëtare.
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
FMN: Zvicra duhet të forcojë kontrollin e sektorit të saj financiar Zvicrës i duhen “reforma të forta të sektorit financiar” pas shpëtimit të Credit Suisse nga UBS...
-
Numri i zviceranëve në mbarë botën u rrit me 1.7% në vitin 2023
-
Shtohet edhe një milioner në Zvicër: Fiton Jackpot-in 2.6 milionë franga
-
Zvicër: Marsi ishte për 2 gradë më i nxehtë
-
Pritet shumë trafik gjatë fundjavës së Pashkëve