Uncategorized

“Çohu”, në festivalin e filmit kundër dhunës mbi gratë

Të mërkurën, më 4 dhjetor, shfaqet filmi “Çohu” në praninë e regjisoreve të tij Arzije Asani dhe Céline Stettler

“Iamaneh” është një organizatë në Zvicër që merret me barazinë e gruas. Ajo po organizon për të katërtën herë me radhë festivalin e filmit “Frauenstark”, shkruan albinfo.ch. Në fokus të këtij festivali janë përvojat e reja rreth realitetit jetësor të grave nga e gjithë bota.

Festivali zhvillohet në kuadrin e aktivitetit “16 ditë kundër dhunës mbi gratë”, që ka filluar më 24 nëntor dhe përfundon më 5 dhjetor në Kult.Kino të Bazelit.

Në këtë kuadër, të mërkurën, më 4 dhjetor, shfaqet filmi “Çohu” në praninë e regjisoreve të tij Arzije Asani dhe Céline Stettler. Filmi bën fjalë për përpjekjet feministe dhe ato të lëvizjes LGBTI në Kosovë.

Arzije Asani, me prejardhje nga Kosova Lindore, jeton në Zvicër dhe ka studiuar në Cyrih, në drejtimin Cast/Audiovisual Media, ndërsa Céline Stettler, në drejtimin “Trends & Identity”.

https://www.facebook.com/events/2519287014968425/

Informata plotësuese: www.filmfestival-frauenstark.ch