Franca e Gjermania përsërisin kërkesën për zbatim të marrëveshjes për normalizim

Takimi Oher

Ambasadorët e Francës dhe Gjermanisë në Kosovë kanë deklaruar se presin që Qeveria e Kosovës të nisë me zbatimin e marrëveshjes për normalizim që u arrit në Ohër.

Ambasadori i Francës në Kosovë, Olivier Guerot, pret po ashtu të nisë dialogu për themelimin e asociacionit të komunave me shumicë serbe, duke shtuar se këto ditë priten takime mbi këtë çështje, shkruan Radio Evropa e Lirë, përcjell albinfo.ch.

Ambasadori francez po ashtu u shpreh se vendet duhet të fokusohen në përfitimet e marrëveshjes. “Është shumë herët të thuhet se cilat do të jenë pasojat dhe tani duhet të fokusohemi në përfitimet”, tha Guerot në debatin për zbatimin e Marrëveshjes ndërmjet Kosovës dhe Serbisë për normalizimin e marrëdhënieve, që u mbajt në Qendrën Mediale në Çagllavicë, në afërsi të Prishtinës, raporton REL, përcjell albinfo.ch.

Pjesë e të njëjtit diskutim ishte edhe ambasadori gjerman në Kosovë, Jorn Rohde, që tha se tashmë ka vullnet politik për të vazhduar tutje. “Tani kemi edhe vullnetin politik të aktorëve”, tha Rode, raporton REL, përcjell albinfo.ch.