Tematike
Gjysma e kompanive të mëdha zvicerane, viktima të sulmeve kibernetike
Një në dy kompani të mëdha zvicerane ka qenë tashmë viktimë e një sulmi kibernetik, sipas një studimi të publikuar të hënën. Pavarësisht rritjes së kërcënimeve online, si në numër ashtu edhe në intensitet, vetëm rreth gjysma e kompanive kanë një strategji të qartë kibernetike.
Në Zvicër, 45% e kompanive me më shumë se 250 punonjës kanë qenë tashmë viktimë e një sulmi kibernetik të paktën një herë, shkruan RTS, përcjell albinfo.ch.
Sulmet kibernetike dhe madhësia e kompanisë
Studimi, i kryer në partneritet me firmën konsulente Deloitte dhe Universitetin e Lucernit, midis mesit të muajit maj dhe fillimit të korrikut, tregon një korrelacion midis madhësisë së kompanisë dhe shpeshtësisë së sulmeve kibernetike. Në të vërtetë, shkalla e firmave të viktimizuara nga hakerët bie në 18% për kompanitë me më pak se 50 punonjës. Megjithatë, kjo mund të shpjegohet pjesërisht me faktin se sulmet janë transmetuar më pak në mënyrë sistematike te bordet e drejtorëve të strukturave të vogla.
Florian Schütz, delegat federal për sigurinë kibernetike dhe drejtor i Qendrës Kombëtare për Sigurinë Kibernetike, kundërshton këtë vëzhgim dhe raporton një rrezik më të lartë. I intervistuar nga autorët në periferi të studimit, beson se bizneset e vogla janë më shpesh në shënjestër të hakerëve, sepse janë pre më e lehtë, teksa në të vërtetë, ata shpesh nuk kanë burime financiare dhe njerëzore për t’u mbrojtur në mënyrë efektive kundër sulmeve.
Ndërprerja e funksionimit dhe rrjedhja e të dhënave
Pasojat më të shpeshta të sulmeve kibernetike janë ndërprerja e operacioneve (42%), veçanërisht për kompanitë aktive në sektorin e teknologjisë së informacionit dhe komunikimit, ku kjo normë shkon në 69%. Më pas vijnë rrjedhjet e të dhënave (26%) dhe mosfunksionimi i shërbimeve të ofruara për klientët (20%).
Pavarësisht rritjes së ndërgjegjësimit për kërcënimet në rritje në internet, kompanitë zvicerane dhe bordet e tyre duhet të marrin më shumë përgjegjësi në këtë drejtim, thotë Cédric Nabe, partner Risk Advisory në Deloitte Switzerland. Për shembull, vetëm tetë nga dhjetë bordet e drejtorëve kanë një politikë efektive të menaxhimit të rrezikut kibernetik.
Të tjera nga Tematike
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Zvicër
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim