KFOR, stërvitje katërditore në tetë komuna

KFOR, Twitter

Nga 4 deri më 6 korrik misioni i KFOR-it në Kosovë do të kryejë stërvitje rutinë ushtarake.

Ushtarët dhe automjetet do të vendosen në Istog, Shtërpcë, Mamushë, Deçan, Gjakovë, Dragash, Han të Elezit dhe në Kaçanik, përcjell albinfo.ch.

“Aktivitetet stërvitore do të përfshijnë lëvizje ditën dhe natën me fluturime tokësore dhe me helikopterë mbi komunat e Gjakovës, Shtërpcës dhe Mamushës. Radhët e mjeteve të rënda do të kalojnë transit përgjatë rrugëve kryesore dhe dytësore brenda rajonit. KFOR-i kryen ushtrime të tilla rutinë për qëllime provash dhe trajnimi për të ofruar një përgjigje në kohë dhe të sigurt. KFOR-i kërkon të sigurojë ndikim minimal në popullatën civile dhe të kufizojë çdo ndërprerje të aktiviteteve komerciale”, thuhet në komunikatë.

Ky mision u shpreh se është i përkushtuar në zbatimin e mandantit të tij, për të siguruar mjedis të sigurt dhe liri të lëvizjes.