Kosova
Kosova dhe Austria, në prag të disa marrëveshjeve
Qytetarët që kanë punuar një kohë në Austri, do të kenë mundësi ta marrin pensionin edhe në Kosovë.
Me qëllim të thellimit të bashkëpunimit të sigurimeve shoqërore, Kosova dhe Austria janë në prag të disa marrëveshjeve për lehtësimin e qytetarëve që jetojnë në Austri, apo kanë jetuar, shkruan albinfo.at.
Ministri i Financave, Punës dhe Transfereve, Hekuran Murati, në një konferencë për media tregoi se nisma e negocimit për sigurimet shoqërore me Austrinë ka qëllime të mira për sigurimin e mbrojtjes, me theks të veçantë pensionet.
“Temë kyçe e diskutimit do të jetë për pensionet e moshës, familjare. Qytetarët që kanë punuar një kohë në Austri, do të kenë mundësi ta marrin edhe në Kosovë.
“Me qëllim të lehtësimit të koordinimit të sigurimit social ndërmjet Kosovës dhe Austrisë dhe përafrimit të procedurave në fushën e sigurimeve shoqërore, MF-ja paraqet nismën për negocimin e marrëveshjes së sigurimeve shoqërore ndërmjet dy vendeve”, tha Murati.
“Kjo nismë ka për qëllim mbrojtjen shoqërore të qytetarëve, duke ua mundësuar atyre të realizojnë të drejtat e tyre siç janë pensionet e moshës, familjare, invalidore, punës dhe e drejta në pension nga Fondi i Kursimeve”, ka shtuar ai.
Sipas tij, në këtë marrëveshje është paraparë që qytetarëve të Kosovës do t’iu njihet e drejta për t’i bashkuar periudhat e pensionimit.
“Me këtë marrëveshje, qytetarëve të Kosovës që kanë punuar dhe vepruar në Austri, ku pas arritjes së moshës së pensionimit që këtë pension ta marrin edhe në Kosovë. Qytetarëve të Kosovës do t’iu njihet e drejta për t’i bashkuar periudhat e pensionimit”, përfundoi Murati.
Vlen të theksohet se negociatat do të nisin nga java e ardhshme. /Albinfo.at
E-Diaspora
-
Shqipëria, pjesë e paradës së karnavaleve në Berlin Bëhet e ditur se edhe Shqipëria do të jetë pjesë e paradës së karnavaleve në Berlin,...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
Jeta në Zvicër
-
Alain Berset kaloi një javë pune të frytshme në Shqipëri Berset paraqiti kandidaturën për postin e Sekretarit të Përgjithshëm të Këshillit të Europës, Zvicra e mbështet...
-
A mund të mbulohen së shpejti syzet dhe lentet e kontaktit nga sigurimi shëndetësor zviceran?
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”