Kosova
Kurti: Kosova, së shpejti me stadium nacional
Kurti ka thënë se me 250 milionët e ndara për organizimin e Lojërave Mesdhetare, do të ndërtohet edhe një stadium nacional, ndërsa përmendi edhe investimet e tjera
Sot, kryeministri i Kosovës, Albin Kurti, ka premtuar ndërtimin e një stadiumi nacional për organizimin e Lojërave Mesdhetare në vitin 2030, përcjell albinfo.ch.
Kosova javën e kaluar fitoi të drejtën për organizimin e Lojërave Mesdhetare 2030. Është vlerësuar si hap i madh për shtetin dhe sportin. Ndërtimi i një stadiumi nacional ka qenë prej kohësh temë në opinion. Kosova ka veç një stadium që plotëson kriteret e UEFA-s dhe FIFA-s, “Fadil Vokrrin” në Prishtinë.
Po ashtu, Kurti ka thënë se me 250 milionët e ndara për organizimin e Lojërave Mesdhetare, do të ndërtohet edhe një stadium nacional, ndërsa përmendi edhe investimet e tjera.
“Numri total i objekteve sportive në projektiv fillestar është 24. Dhjetë objekte sportive do të rinovohen, përfshirë Pallatin e Rinisë dhe Sporteve. Do të jenë katër ndërtime, përfshirë stadiumin nacional, kompleksin e pishinave dhe tenisit, poligonin e shenjëtarisë. Pesë investime infrastrukturore të përkohshme dhe pesë projekte të tjera që janë në ndërtim apo përfundim, përfshirë stadiumin “Adem Jashari” në Mitrovicë dhe stadiumin në Gjilan”, ka thënë Kurti në mbledhjen e Qeverisë të mërkurën.
Kurti ka vlerësuar se ky është moment historik, “për të dëshmuar potencinal tonë për të bërë punë të mëdha”.
Zëvendësministrja e Sportit, Daulina Osmani, ka thënë se për lokacionin e stadiumit nacional do të dihet pas studimit të fizibilitetit.
E-Diaspora
-
Vildane Rexhepi, menaxhere prokurimi në IT-në e bankës UBS Ka mbaruar me sukses studimet për ekonomi në disa universitete të njohura dhe tani menaxhon projektet...
-
Shqipëria, pjesë e paradës së karnavaleve në Berlin
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
Jeta në Zvicër
-
Pritet trafik i rënduar në rrugët e Zvicrës këtë fundjavë Ndërsa shoferë të shumtë po nisen për fundjavën e gjatë të Rrëshajëve, përgatituni për një volum...
-
Vildane Rexhepi, menaxhere prokurimi në IT-në e bankës UBS
-
Alain Berset kaloi një javë pune të frytshme në Shqipëri
-
A mund të mbulohen së shpejti syzet dhe lentet e kontaktit nga sigurimi shëndetësor zviceran?
-
Po bëhet presion që Eurovizioni të organizohet në Gjenevë