Merkel kërkon respektimin e rregullave për mbrojtje kundër koronavirusit

Screenshot Videokonferenz

Kancelarja gjermane, Angela Merkel, të martën u bëri thirrje gjermanëve t’u përmbahen rregullave kundër koronavirusit, siç janë veshja e maskave, për të siguruar që shkollat të qëndrojnë të hapura dhe ekonomia më e madhe e Evropës të vazhdojë rimëkëmbjen e saj nga bllokimi.

Një rritje e rasteve gjatë dy javëve të fundit ka shkaktuar alarm në mesin e disa virologëve dhe politikanëve në Gjermani, dhe Merkel e bëri të qartë se tani nuk ishte koha për të hequr dorë.

“Lajmi i mirë është nëse u përmbahemi rregullave, jeta publike është e mundshme”, tha Merkel gjatë një udhëtimi në shtetin perëndimor të North Rhine-Westphalia.

Numri i vdekjeve të raportuara është 9.236. Duke përshëndetur kontrollet më të rrepta mbi njerëzit që mbanin maska ​​në vende publike dhe dyqane, ajo tha se udhëtarët që ktheheshin nga zonat e rrezikut duhej të kishin një test negativ ose përndryshe të hyjnë në karantinë.

“Kjo nuk është rregullore opsionale – është e domosdoshme”, tha ajo, shkruan “Reuters”, përcjell albinfo.ch.

LAJME INTERESANTE NGA INTERNETI