Koronavirusi: çast pas çasti
Oda Ekonomike e Kosovës: Të fillohet me rihapjen e disa bizneseve
Edhe pse Kosova ende është nën masat e rrepta të lëvizjes dhe mosfunksionimit të veprimtarisë ekonomike të bizneseve, po kërkohet që nga java e ardhmshme disa prej tyre të rihapen.
Kryetari i Odës Ekonomike të Kosovës, Berat Rukiqi, gjatë një konference për media tha se duhet të fillohet me rihapjen e disa veprimtarive ekonomike nga java e ardhshme.
Si një nga vendimet e para që duhet marrë, sipas Rukiqit, është që Prishtina të largohet nga karantina, e cila që nga 11 prilli është shpallur si zonë karantinë, duke ndaluar hyrjet dhe daljet në këtë komunë.
Ndërkaq, në nivel të Kosovës, shton Rukiqi, duke filluar nga java tjetër duhet të lejohet puna në sektorët që kanë rrezikshmëri të ulët dhe ku situata mund të menaxhohet mirë, përfshirë distancën fizike dhe masat e tjera.
Sipas komuniteti të biznesit në Kosovë, sektori i ndërtimtarisë dhe komplet sektori i prodhimit, aty ku nuk ishin lejuar të punohet, mund të rihapen.
“Gjatë muajit maj duhet të mundësohet të fillohet puna në tërë zinxhirin e shitjes me pakicë. Propozimi ynë është që kjo të lejohet në objektet deri në 800 metra katrorë dhe kjo të jetë nga java e parë e majit. Pastaj, nga java e tretë e muajit maj të mundësohet fillimi i punës në tërë sektorin e shërbimeve dhe në të njëjtën kohë të hartohet një plan operacional për hapjen graduale të sektorit të hoteleve, restoranteve dhe kafiterive si dhe transportit të udhëtarëve”, u shpreh Rukiqi.
Qeveria e Kosovës që nga rasti i parë i shënuar me 13 mars me koronavirus në vend ka marrë masat për parandalimin e përhapjes së koronavirusit duke bërë kufizime të aktiviteteve ekonomike.
Ekonomia e Kosovës konsiderohet të ketë pasur dëme të mëdha nga ndërprerja e detyruar e aktivitetit ekonomik.
Sipas parashikimeve të Bankës Qendrore të Kosovë si pasojë e masave emergjente për parandalimin e koronavirusit do të ketë një ulje të rritjes ekonomike nga -2 deri në -4 për qind.
Ndërkaq, sipas Fondit Monetar Ndërkombëtar, pas pandemisë, ekonomia e Kosovës pritet të tkurret për 5 për qind, përcjell Albinfo.ch.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Zvicër
-
Buxheti i mbrojtjes i propozuar prej 15 miliardë frangash, pritet të dështojë Një rritje e propozuar prej 15 miliardë frangash për buxhetin e mbrojtjes nuk ka gjasa të...
-
Shtatë gjëra që shtetasit jo-BE duhet t’i dinë rreth zhvendosjes në Zvicër
-
Cyrihu, qyteti i tretë më pak tërheqës evropian, për të ardhurat nga qiraja e pronave
-
Zvicër: Lajmet kryesore të ditës së hënë
-
Çiklizmi në tren: Rezervimi i vendit nuk e zgjidh mungesën e hapësirës