Pritet që në 2013- n të nis ndërtimi i “Kosovës së Re”

Kosova që nga paslufta është ballafaquar me mungesë të energjisë elektrike, por një situatë e tillë mund të përcjellë deri në vitin 2017 kur pritet të hyjë në prodhim Termocentrali “Kosova e Re”.

Ri-dizajnimi i projektit të Termocentralit Kosova e Re nga qeveria dhe ndikimi i faktorit ndërkombëtar, ka bërë që këtë projekt ta përcjellin probleme të ndryshe dhe të zvarritet për disa vjet.

Zyrtarët e Ministrisë së Zhvillimit Ekonomik kanë thënë se projekti i transaksionit dhe nënshkrimit të kontratës do të përfundojë vitin e ardhshëm, ndërsa ndërtimi do të nisë në 2013.

Sipas tyre puna përgatitore për zhvillimin e Termocentralit Kosova e Re janë në fazë të rëndësishme, të realizimit të dokumentacioneve të tenderit.

Termocentrali Kosova e Re me kapacitet prej 600 megavatësh është dizajnuar që të zëvendësojë kapacitetin e TC Kosova A dhe do të ketë një efiçencë më të lartë.

Drejtues të Odës Ekonomike të Kosovës kanë thënë se pjesëmarrja e institucioneve ndërkombëtare ka bërë që mos të harmonizohen qëndrimet me qeverinë e vendit.

Katër konsorciume ndërkombëtare, nga gjashtë sa kishin aplikuar për këtë projekt, i kanë përmbushur kriteret për ndërtimin e termocentralit Kosova e Re: Adani Poëer/PT Adani Global nga India dhe Indonezia, konsorciumi AES Electric lid/ Demir Export A.S nga SHBA-të dhe Turqia, Park Holding nga Turqia dhe konsorciumi PPC Contour Global LLP nga Greqia dhe Britania, janë ofertuesit e kualifikuar për ndërtimin e Termocentralit “Kosova e Re”.