Deputetja britanike: Kishat ortodokse serbe kontrabandojnë armë nga Serbia në Kosovë

Deputetja britanike Alicia Kearns është shprehur se kishat ortodokse të Kosovës po kontrabandohet armatim nga Serbia, përmes autoambulancave.

“Qeveria është e vetëdijshme, dhe ushtarët tanë të sapokthyer nga shërbimi në KFOR, se ka armatim që kontrabandohet nga kufiri prej Serbisë në kishat ortodokse me ambulanca. Kur trupat tanë janë në dijeni për këtë dhe përpiqen të marrin leje dhe t’i kapin, leja zgjatet shumë. Deri në momentin që sigurohet leja – ‘befasishëm’ – një ambulancë u paraqit në kishë dhe nxori përsëri të gjitha armët”, ka thënë Kearns.

Tutje ajo ka thënë se është e shqetësuar me faktin se Britania e Madhe i shet armatim Serbisë, siç tha ajo për vepra si kidnapimi i tre policëve të Kosovës, përcjell albinfo.ch.

“Kërkoj që të ndalen të gjitha eksportet drejt Serbisë”, ka thënë ajo.

Kearns ka kërkuar që mandatit të KFOR-it t’i zgjerohet mandati për të pasur qasje më proaktive në luftimin e kontrabandimit të armëve dhe milicive në veri të Kosovës.