Mërgimtarët nisen për pushime drejt Kosovës

Nuk ka pritje të gjata në pikat kufitare

Bashkatdhetarët edhe sivjet ia kanë mësyrë vendlindjes për t’i kaluar pushimet e tyre, shkruan albinfo.ch.

Shumë mërgimtarë nga Zvicra, Austria, disa lande të Gjermanisë dhe shtetet skandinave kanë filluar pushimet në Kosovë, pasiqë pushimet në këto shtete kanë nisur që nga 1 korriku.

Çdo vit ata përballen me pritje të gjata në pikat kufitare të Kosovës, mirëpo aktualisht në pikat kufitare në hyre-dalje nuk ka pritje të gjata.

Sipas Qendrës Kombëtare për Menaxhim Kufitar, në Merdar pritjet në hyrje shkojnë deri në 5 minuta.

Edhe në pikat e tjera kufitare pritjet nuk shkojnë më shumë se 3-5 minuta.

---