Kosova
Prizren: Suspendohet polici që nuk reagoi ndaj sulmit të protestuesve ndaj gazetarit
Një zyrtar policor në Prizren është suspenduar për 72 orë, teksa Policia përmes një komunikate ka njoftuar se i njëjti është suspenduar pasi nuk ka reaguar në mënyrë profesionale në rastin e sulmit ndaj një gazetari në Prizren, përcjell albinfo.ch.
Ndërkaq lidhur me sulmin nga protestuesit, është arrestuar një person, i cili është dërguar në mbajtje për 48 orë.
“Dje, më datë 11.08.2023 në Prizren është organizuar një protestë kundër disa performancave në DokuFest, një festival ndërkombëtar tradicional i filmave dokumentarë që mbahet në Prizren. Në atë rast nga protestuesit një gazetar është sulmuar dhe është penguar në kryerjen e detyrës së tij. Lidhur me këtë policia në konsultim me prokurorin ka iniciuar rast ‘Pengim i personit zyrtar në kryerjen e detyrës zyrtare’. Lidhur me rastin është identifikuar një i dyshimtë, i cili pas intervistimit, është ndaluar për 48 orë”, thuhet në njoftim.
Ndër të tjera bëhet e ditur se Drejtoria Rajonale e Policisë në Prizren së bashku me Inspektoratin Policor të Kosovës kanë analizuar veprimet policore të policëve që ishin në vend ngjarje gjatë incidentit.
“Pas vlerësimit dhe analizimit të të gjitha raporteve si dhe videoregjistrimeve gjatë protestës, Drejtori Rajonal i Policisë së Kosovës për Rajonin e Prizrenit, pas konsultimin dhe sugjerimin nga IPK, me qëllim të hetimit të pavarur të këtij rasti, me vendim ka suspenduar për 72 orë një rreshter policor nga Stacioni Policor Prizren”, thuhet në njoftim.
Të ngjashme
Të tjera nga Kosova
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Zvicër
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Migrimi ndërmjet kantoneve zvicerane – fituesit dhe humbësit
-
Rritje e racizmit në shkollat zvicerane
-
Në këtë kohë dhe vend priten kolona për festat publike në Zvicër
-
Vazhdon ulja e shkallës së papunësisë në Zvicër