Në Zveçan protestuesit serbë gjuajnë gaz lotsjellës

Në Zvecan protestuesit serbë kanë tentuar të futen brenda objektit të komunës.

Ata kanë gjuajtur edhe gurë e gaz lotsjellës në drejtim të policisë, çka ka bërë që policia të veprojë duke përdorur sprej.

“Para objektit të komunës së Zveqanit protestuesit duke shfaqur dhunë dhe duke hedhur gaz lotsjellës kanë tentuar të kalojnë kordonët e sigurisë për t’u futur me dhunë në objektin e komunës, ku Policia është detyruar të përdorë mjetet e ligjshme, si sprej-in, për të ndaluar protestuesit dhe për të vënë situatën nën kontroll”, thuhet në njoftimin e policisë.

Tutje thuhet që policia është e angazhuar për mbarëvajtjen e protestave të serbëve.

“Angazhimet policore në zbatimin e rendit dhe sigurisë publike, ofrimi i sigurisë ndaj qytetarëve, liria e lëvizjes së lirë si dhe ndërmarrja e masave policore konform situatës dhe zhvillimeve në veri të vendit, do të vazhdojnë të mbesin ndër objektivat dhe detyrat primare të Policisë së Kosovës”, vazhdon tutje komunikata përcjellë albinfo.ch.

 Para objekteve të komunave në veri, ndodhen edhe KFOR-i.

---