E-Diaspora
Pas zjarrit në rrokaqiell, familja nga Kosova mbetet pa banesë në Gjermani
Pasiguria e shqetëson kosovaren, pasi ka një fëmijë të sëmurë kronik, ndërsa ajo nuk mund ta përgatisë si zakonisht për ta dërguar në spital
Një zjarr që kishte përfshirë dy katet e një rrokaqielli në Puchheim të Gjermanisë, ka lënë pa banesë një familje nga Kosova. Bashkëshortja 42-vjeçare Violeta L., me burrin e saj Johan dhe tre fëmijët nuk mund të hyjnë më në banesën e tyre, pasi është e pabanueshme.
Zjarri ishte shkaktuar pasi dikush e kishte lënë një karrocë fëmijësh të ndezur në afërsi dhe tani policia është duke hetuar për zjarrë-vënie të qëllimshme.
Në një rrëfim të saj për të përditshmen gjermane “Merkur”, Violeta ka shpjeguar se për herë të dytë është buzë greminës së ekzistencës, njofton Albinfo.ch.
Padyshim se mendja i shkoi në përjetimet e tmerrshme të luftës në Kosovë, kur ajo dhe bashkëshorti i saj u detyruan të largohen nga rrënojat e luftës dhe në Gjermani të fillojnë një jetë të re.
Ajo ka arritur ta shpëtojë makinën e kafes nga banesa dhe disa rrobe të nevojshme. Një fqinje e saj ia kishte shpëtuar katër macet, ndërsa për të gjithë të prekurit nga ky zjarr, komuna kishte organizuar strehim të përkohshëm. Violeta L. është mirënjohëse për ndihmën, ndërsa komuna i ka siguruar edhe një frigorifer.
Vlerësuesit tashmë janë duke i përcaktuar dëmet e banesave të djegura dhe supozojnë se pas dy javësh ato do të bëhen të banueshme. Nga ana tjetër, Violeta është pesimiste dhe mendon se një punë e tillë do të zgjasë me muaj.
Pasiguria e shqetëson kosovaren, pasi ka një fëmijë të sëmurë kronik, ndërsa ajo nuk mund ta përgatisë si zakonisht për ta dërguar në spital.
Familja e saj ishte mësuar në këtë banesë, e cila kishte vetëm dy dhoma e gjysmë dhe ku jetonin që nga viti 2009.
“Që kohë të gjatë jemi duke kërkuar banesë më të madhe, por ende nuk kemi gjetur asgjë”, deklaron Violeta L., e cila pohon se mund të paguaj deri një mijë euro ndonjë banesë.
Për momentin, familja kosovare ende nuk e di se sa është dëmi i shkaktuar në banesë dhe çka mund të shpëtohet nga gjësendet.
Të tjera nga E-Diaspora
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)