Ukraina
Zelensky, thirrje BE-së për sanksione ndaj bankave ruse dhe bojkotimin e naftës ruse
Presidenti i Ukrainës, Volodymyr Zelensky, i bëri thirrje Bashkimit Evropian të vendosë sanksione ndaj të gjitha bankave ruse dhe të bojktojnë naftën ruse. Duke iu drejtuar Parlamentit të Lituanisë, zoti Zelenskyy tha se nëse vendet evropiane vazhdojnë tregëtinë me Rusinë, atëhere udhëheqësit rusë “e dinë që nuk do të ndëshkohen”.
Bashkimi Evropan ka vënë një sërë sanksionesh ndaj Rusisë, por nuk ka prerë importet e naftës e gazit, siç kërkon zoti Zelensky. Disa udhëheqës evropianë janë të shqetësuar mbi ndikimin në ekonomitë e vendeve të tyre nga një vendim i tillë, për shkak të vartësisë nga burimet energjitike ruse.
Ukraina tha sot se forcat ruse po përpiqen të marrin nën kontroll qytetin e rrethuar të Mariupolit, ndërsa po përgatiten për të zgjeruar operacionet në rajonin lindor të Donetskut.
Presidenti rus, Vladimir Putin, paralajmëroi të martën Perëndimin se përpjekjet për të izoluar Rusinë nuk do të kenë sukses, duke përmendur si provë programin sovjetik të hapësirës gjatë Luftës së Ftohtë. Këto komente ai i bëri gjatë një vizite në kozmodromin Vostoçni në Lindjen e Largme ruse, vizita e tij e parë jashtë Moskës që nga fillimi i luftës në Ukrainë.
Ai përsëriti akuzat e mëparshme se “lufta në Ukrainë është e domosdoshme, pasi Shtetet e Bashkuara po përdornin Ukrainën për të kërcënuar Rusinë, përmes edhe aleancës së NATO-s, dhe se Moska duhet të mbronte banorët rusishtfolës në Ukrainë nga persekutimi”./VOA
Të ngjashme
Të tjera nga Ukraina
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore