CH-Ballkani
Aksident i rëndë në Serbi, humbin jetën dy mërgimtarë nga Zvicra?!
Një aksident i rëndë trafiku ka ndodhur mëngjesin e së hënës në autostradën serbe në afërsi të Kovilit. Supozohet se të katër të aksidentuarit janë shtetas të huaj
Aksidenti ndodhi në pjesën e autostradës nga drejtimi i Beogradit, në afërsi të urës Beshçan, pak para orës 07.00, kur vetura me udhëtarë me autotarga të huaja, nga shkaqe ende të panjohura ka dalë nga rruga.
Sipas informatave të Dr. Mirjana Bursac, zëdhënëse e Shërbimit emergjent në Novi Sad, në vendngjarje kanë humbur jetën një femër (22) dhe një person tjetër 60-vjeçar.
“Një grua pesëdhjetetetëvjeçare dhe një burrë (24) kanë pësuar lëndime të rënda dhe janë dërguar në Qendrën emergjente në Novi Sad”, ka deklaruar Dr. Bursac, duke nënvizuar se ekipi i emergjencës ishte alarmuar në orën 06:45.
Shërbimi Informativ i emergjencës ka pohuar se dy personat e lënduar nuk janë në rrezik për jetë, shkruajnë mediat serbe, përcjell Albinfo.ch.
Sipas informatave jozyrtare të gazetës “Novosti” , vetura me autotarga të Zvicrës ka lëvizur me shpejtësi të madhe nga ana e majtë e rrugës, duke goditur barrierën e saj.
Sipas portalit “Medial”, bëhet fjalë për një familje nga fshati Kalishtë i Strugës që pas pushimeve po kthehej në mërgim, me ç’rast dy persona kanë humbur jetën.
Disa portale lokale në Strugë kanë shkruar se familja po udhëtonte në Austri, derisa mediat serbe theksuan se makina e aksidentuar ishte me targa të Zvicrës.
Të ngjashme
Të tjera nga CH-Ballkani
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
4% e shoferëve në Zvicër drejtojnë makinën nën ndikimin e alkoolit Në vitin 2023, alkooli shkaktoi 506 lëndime të rënda në rrugët zvicerane dhe çoi në vdekjen...
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)
-
Zvicra po përballet me kritika për mungesën e ndihmës financiare për Ukrainën