Edlira Dedja

Pianiste dhe profesoreshë e pianos

Master në psikologji e pedagogji

Presidente e shoqatës “Opera pa kufij

Anëtare e Kiwanis (Zvicër)

Bashkëpunëtore active e ASED-it zviceran (Action de Soutien à l’Enfance Démunie)

ProInfirmis-it dhe Zyrës së të deleguarit për të huaj, që prej vitit 1997.

Adem Dërmaku, grafist

Adem Dërmaku është lindur më 31.07.1978 në Gjilan. Ka diplomuar në vitin 2001 në degën e grafikës në Fakultetin e Arteve në Prishtinë, te profesori Fatmir Krypa dhe ka magjistruar në vitin 2005, po te i njëjti profesor.

Dërmaku është i specializuar në litografi, aktualisht është i punësuar si asistent në studion e Grafikës në teknikën e Litografisë, Grafische Anstalt J.E Wolfensberg A.G, në Cyrih.

Grafistit Dermaku ka prezantuar veprat e tij në katër ekspozita personale, në Prishtinë, Shkup dhe Cyrih të Zvicrës.

Po ashtu ai ka marrë pjesë në mbi 70 ekspozita kolektive nëpër vende të ndryshme të botës, si në Kosovë, Shqipëri, Maqedoni, Bullgari, Rumani, Zvicër, Gjermani, Austri, Francë, Spanjë dhe Japoni.

Nicolas Verdan mori Çmimin e publikut në RTS

I zgjedhur nga një juri prej njëzet e pesë dëgjues në RTS (Radio televizioni zviceran), fituesi i këtij edicionit të 26 është bërë shkrimtari Nicolas Verdan, i cili u çmua për librin e tij “Pacienti i Dr. Hirschfeld”, botuar nga shtëpia botuese Bernard Campiche.

Fituesi

Nicolas Verdan ka lindur në Vevey në vitin 1971. Rruga e tij e dërgoi shumë herë gjerë në Lindjen e Mesme dhe jeta e tij ndahet në mes të Zvicrës dhe Greqisë, atdheu i tij i dytë.

Ai ka marrë çmimin “Bibliomedia Suisse 2006 “ për romanin e tij të parë “Takimi me Selanikun” i cili u përkthye në greqisht.

Libri në fjalë

Por pse të gjithë dëshirojnë të gjejnë listën e pacientëve të Dr Hirschfeld-it? Pak para se të shkatërrojnë Institutin prestigjioz të Shkencës Seksuale në Berlin në vitin 1933, nazistët kontrolluan zyrën e seksologut i cili dinte tepër gjëra në lidhje me personalitete të larta të Rajhut (Reich). Kot! Të dhënat përfshijnë emrat e qindra homoseksualëve gjermanë të zhdukur. Njëzet e pesë vjet më vonë, Mossad-i, nga ana e tij, interesohet për këtë listë të famshme. I ndërtuar nga një histori e vërtetë dramatike të karrierës së seksologut të famshëm, romani shqyrton tendencat e shoqërisë njerëzore e cila mundohet të nxjerrë ligje për preferencat tona seksuale, derisa edhe na cakton një “vend të drejtë ” në shkallën gjinore.

Çmimi u dorëzua me 24 mars nga juria e kompozuar me 25 dëgjues/ shikues të ë RTS-it, me vendbanim Zvicër. Ky çmimi shpërblen shkrimtaret me vendbanim në Zvicër dhe punimet e përzgjedhura nga juria duhet të jenë të botuar në gjuhen frënge, por edhe tekstet e përkthyera mund të përfshihen.

Që nga viti 2003, çmimi i publikut të RTS-it kryesohet nga Patrick Ferla. Fituesi merr një çmim me vlerë 10.000 franga zvicerane -. Dhe romani i tij i propozohet partnerit të saj “ Franca Loisirs Zvicër”.

Sami Dalipi

Florim Cuculi

Florim Cuculi (34 vjeç), kardiolog në Spitalin kantonal të Lucernit, deklarohet shpeshherë lidhur me situatën e popullatës me prejardhje shqiptare që jeton në Zvicër. Ai ka ardhur në Zvicër në vitin 1992 me prindërit dhe nuk dinte asnjë fjalë gjermanisht. Shumë shpejt e kuptoi se arsimimi i mirë është rruga më e mirë për pranimin në shoqëri. Cuculi ka studiuar mjekësinë, veç tjerash edhe në Bazel. Ai ka shkruar për TagesWoche një analizë shumë personale rreth problemeve të imigrantëve kosovarë në Zvicër.

Konceptet shqiptar dhe zviceran

“Për mua, konceptet: shqiptar dhe zviceran nuk përjashtojnë njëri tjetrin, përkundrazi. Duhet të jetë e mundur që në vitin 2012 në Zvicër , të dy identitetet të jetojnë në një dozim optimal së bashku. Në të kundërtën, konceptin “krenar me prejardhjen” në këtë kontekst unë e kuptoj si të pakuptimtë, sepse sipas mendimit tim njeriu duhet të jetë krenar vetëm me atë që e ka arritur vetë.”

Mjeti më mirë për integrim

Mjeti më i mirë për integrim është gjuha. Këtu duhet të jemi realistë. Njerëzit që jetojnë këtu qe 20 vite dhe nuk kanë mësuar gjermanishten, nuk pritet që do ta mësojnë atë ndonjëherë me të vërtetë. Kjo edhe nuk është tragjike. Ne duhet ta orientojmë shikimin tonë te ata që, për shembull vijnë në Zvicër përmes bashkimit familjar . Unë jam absolutisht për atë që njohja e gjermanishtes të bëhet kusht për dhënien e lejes së qëndrimit për ta.

Alba Shaqiri

Alba Shaqiri është me origjinë prej Shtimes, një qytet i vogël afër Ferizajt. Prej viti 1996 jeton në Zvicer me familje. Në Univesritetin e Lozanës ka mbaruar baqelorin dhe masterin në psikologji.

Në përfundim të masterit në psikologji në Lozanë, Albës i është dhënë mundësia që një semestër ta kryen në Kanada, ku gjendet për momentin.

„Pasi kalova 4 muaj këtu dhe më pëlqente me të vërtetë, dhe po ashtu bashkëpunoja me një profesor rreth një punimi në shkencat neurologjike, vendosa të kthehem këtu dhe të filloj doktoraturën në shkencën neurologjike, dhe të vazhdoj punimin për problemet e përqendrimit me njerëzit qe kanë pasuar një sulm në tru“.

„Psikologjia ishte dega që më mundësonte të studioja qenien njerëzore, por në mënyrë me njerëzore, më humaniste, për dallim prej mjekësisë, kimisë apo biologjisë, që përqendrohen kryesisht në mekanikën e funksionimit të njeriut. Unë kisha më shumë nevoje për kontakte me pacientë, të kuptoj si njeriu mendon, si i funksionon truri, por po ashtu si ai mendon dhe si reagon kur është në kontakt me të tjerët“

Igli Tashi

Igli Tashi, një studiues shqiptar që prej vitesh jeton në Lozanë, ka botuar këto ditë në bashkautorësi me prof. S. Ghernaouti-Hélie të fakultetit Ekonomik në Universitetin e Lozanes librin i cili titullohet “Information Security Evaluation: a holistic approach”.

Ky libër mbi tematikën e sigurisë së informacionit është botuar nga EPFL Press dhe jashtë Zvicres shpërndahet e propozohet nga CRC press, një shtëpi botuese e njohur në fushën e publikimeve shkencore.

Igli Tashi është doktor i shkencave në Sistemet e Informacionit (fusha e meanaxhimit të riskut dhe sigurisë së informacionit), Kërkues shkencor – Fakulteti i Ekonomisë, Universiteti i Lozanës. Nga muaji shtator 2010 ai është Senior Auditor për një firmë të mirënjohur në fushën e auditimit.

Ka punuar për pesë vite në fushën e kërkimeve shkencore/Lektor – Universiteti i Lozanës, po ashtu pesë vite ka qenë këshilltar në fushën e sigurisë së informacionit për organizma të ndryshme publikë e privatë. Në rolin e mësimdhënës në fushën e ekonomisë dhe të auditimit në disa institucione të specializuara ai ka punuar për 3 vjet me radhë dhe në shërbimi i Anti-vjedhjes në sektorin e sigurimit – 1 vit.

Tashi është anëtar aktiv dhe pjesëmarrës në aktivitet e zhvilluara nga Shoqata e Studentëve Shqiptarë të Universitetit të Lozanës (AEAUL) që prej vitit 1997.

Sysret Kastrati

Vendlindja : Interlaken, Bern

Qyteti ku jeton në Zvicër : Wettswil (ZH)

Profili

Manaxher i projektëve për Biznes në Bankën Credit Suisse AG, nga 1 shtatori 2000 (punësimi kryesor).

Udhëheqës ndërmarrjeje, Taxi Kastrati GmbH, nga 2005.

Çmime-vlerësime-botime

Private Clients Special Award, 2008, Zvicër, Credit Suisse AG

Shqiponja Isufi

Rexhep Berisha

Vendlindja : Kosovë

Qyteti ku jetoni në Zvicër : Bazel

Profili

Rexhep Berishës, me qëndrim në Bazel, pronar i firmës R.B. Import& Export dhe i restorantit “Sängerstübli”, në po këtë qytet.

Ai tregon për albinfo.ch se përpjekjet për të sjellë në Zvicër birrën e Pejës, janë të mëhershme. Madje kjo birrë prej disa vitesh mund të blihet në të ashtuquajturat “etnomarkete” (shitoret me mallra ballkanike) pastaj në Dener-Satelit dhe në Spar. “Markën” e Birrës së Pejës ai e ka regjistruar që në vitin 2008 dhe e gëzon ekskluzivitetin për importimin e saj në Zvicër.

Temat e mbuluara nga www.albinfo.ch në lidhje me këtë personalitet:

Nga marsi, birra e Pejës në shitoret e Coop-it në ZvicërVideo In&Out: Produktet kosovare në Perëndim

Erhamer dhe Bashkim Selmani

Dy vëllezërve nga Gostivari, të cilët punën e sjelljes në Zvicër të prodhimeve shqiptare e kanë marrë shumë për zemër, kjo që po bëjnë, deri më tash u ka sjellë vetëm shpenzime.

Në Zvicër, të dy vllezërit kanë kaluar mostrat e vajit të ullirit në disa laboratorë, deri sa në fund, nga një trupë e veçantë certifikuese, e kanë siguruar licencën për eksportin e vajit kualitativ extra vergine bio të ullirit në Zvicër. Por këtu ende nuk ka përfunduar e gjithë puna.

Temat e mbuluara nga www.albinfo.ch në lidhje me këtë personalitet:

Vaj ulliri nga Vlora në shitoret e Zvicrës

Bujar Ndrecaj

Vendlindja : Lutogllavë në Prizren

Qyteti ku jetoni në Zvicër : Ka jetuar 17 vjet në Zvicër, tani është kthyër në Kosovë

Profili

Bujar Nrecaj tash e tre vjet jeton në Prishtinë dhe udhëheq një zyrë të arkitekturës.

Ai drejton Projektin i Bunatekës është që në Kosovë të ndërtohen 860 biblioteka në shkollat e Kosovës, shumica prej të cilave nuk kanë fare biblioteka ose ato biblioteka që i kanë janë pa literaturë të nevojshme për nxënësit. Projektuesi thotë se ata fillimisht po mundohen ta ndërtojnë në çdo fshat të secilës komunë nga një bibliotekë.

Bunateka

Akronimi Bunateka është emri i projektit, p.sh bibliotekat zakonisht janë brenda shkollës e këto ndërtesat e vogla janë jashtë edhe për këtë ai i ka quajtur Bunateka.

Temat e mbuluara nga www.albinfo.ch në lidhje me këtë personalitet:

Goneta Jakurti

Goneta Jakurti është një vajzë 18 vjeçare e lindur në Zvicër nga prindërit shqiptarë, Jeton në Langenthal ku po ndjek mësimet në vitin e fundit të shkollës së mesme komerciale („Kaufmänische“) me maturë – drejtimi bankier.

“Gjatë këtyre viteve të punës praktike në bankën UBS më është bërë e qartë se perspektiva ime profesionale do të jetë puna në bankë. Me të përfunduar shkollën komerciale, në vjeshtë, do t’i vazhdoj studimet e larta, për t’u kthyer sërish në bankë. „Investment Banking“ është sektori i punës që më fascinon: Kërkon shumë përgjegjësi, njohuri të shumanshme (jo vetëm ekonomike por edhe politike e kulturore), njohje të gjuhëve të huaja, që është një afinitet i imi”, shprehet Goneta.

Fytyra e Goneta Jakurtit është bërë imazh i fushatës “java kundër racizmit” që u mbajt nga 21 deri më 28 mars 2012 në Bernë. Pllakatet ku duken fytyrat me gjurmë dhune të Gonetës dhe dy personave tjerë me prejardhje të huaj, pritet të sensibilizojnë zviceranët me problemin e diskriminimit racial.

“Marr pjesë vazhdimisht nëpër aktivitete kulturore, bëj moderimin në veprimtari të ndryshme, paraqitem në sfilata të modës të organizuara qoftë nga agjensionet zvicerane apo nga komuniteti shqiptar në Zvicër, Itali etj”, thotë ajo duke bërë me dije se ky angazhim nuk është krejt i rastësishëm.

Ramadan Nazifi

Vendlindja: Radushe, Maqedoni

Qyteti ku jeton në Zvicër: Bernë

Profili

Ambasador i Republikës së Maqedonisë në Bernë, 2010.
I punësuar në Ministrinë e Punëve të Jashtme të R. së Maqedonisë, 2009 -1995.
Drejtor i Shkollës fillore “Bajram Shabani” në Kondove, 1995-1994 Profesor i gjuhës frënge në Shkollën Fillore “Liria” në Shkup, 1995-1994.
I angazhuar më tepër për aktivitete politike, kulturore dhe humanitare në qeverisjen lokale në Radushe dhe në Komunën e Kondovës.

Kontakti

Kirchenfeldstrasse 30
CH-3005 Bern
031 352 00 02
[email protected]

Léonard A. Bender

Vendlindja : Fully (VS)

Qyteti ku jeton në Zvicër : Fully (VS)

Profili

Që nga viti 1984, i diplomuar në Shkenca politike dhe në Drejtësi në Universitetin e Gjenevës. Avokat pranë gjykatës në Valis.

Para 1984, hotelier i rangut të lartë, shef hoteli luksoz në Zvicër dhe jashtë vendit.

Ish-kryetar i Partisë Radikale demokratike zivërane (PRD), 2004-2008.

Ish-kryetar i partisèe liberale radikale valezane (PLR), 2004-2009.

Përvojat në lidhje me mergimin/Ballkanin

Nën-Kryetar i shoqatës albinfo.ch.

Integrimi/zhvillimi : cilat janë prioritetet?

Pjesëmarrja në jetën qytetare dhe politike, njohuria e gjuhës si dhe integrimi profesional.

Kontakti

Etude d’avocat
Avenue de la Gare 17
Case postale 56
1920 Martigny
027 723 35 35
079 225 79 79
[email protected]

Ylfete Fanaj

Sami Kurteshi

Vendlindja : Gjilan

Qyteti ku jetoni në Zvicër : –

Profili

Anëtar i Kryesisë dhe Sekretar Ekzekutiv i KMDLNJ në Kosovë 1991 – 1996.

Bashkëpunëtor i SFH në Bern, Zvicër 1998 – 2002.

Çmime-vlerësime-botime

Janë disa më të vogla: reportazhe, shkrime në gazeta, përkthime.

Përvojat në lidhje me mergimin/Ballkanin

Angazhimi në organizimin e mërgatës shqiptare.

Angazhimi në organizimin politik ilegal anti-jugosllav.

Integrimi/zhvillimi : cilat janë prioritetet?

Edukimi në kuptimin e shkollimit dhe të integrimit të rinisë në sistemin arsimor, profesional dhe shoqëror në vendet e qëndrimit.

Ruajtja dhe kultivimi i identitetit kulturor dhe gjuhësor të vendit të prejardhjes.

Krijimi i rrjeteve të organizuara për të ndihmuar vendet e prejardhjes në aspektin profesional.

Kontakt

Institucioni i Avokatit të Popullit

Rr. Agim Ramadani pn. 10000

Prishtinë, Kosovë

[email protected]

www.ombudspersonkosovo.org

Valentina Smajli

Vendlindja : Prishtinë, Kosovë

Qyteti ku jetoni në Zvicër : Lucernë

Profili

Sekretare e politikave ne sindikat per sektorin e telekomunikacionit, si dhe mbikqyrse per akivitetet e te rinjeve
në kuadër te sindikates per regjionin e Zvicrës qendore.

Paralelisht ajo studion komunikimin traskulturor dhe menaxhimin e konflikteve te dryshme. Eshte gjithashtu pergjegjse ne menaxhimin e situatave konfliktuoze ne mes te të rinjeve ne regjionin e Zvicrës qendore.

Përvojat në lidhje me mergimin/Ballkanin

Valentina Smajli pasi qe eshte diplomuar per asistene medicinale ne fushat e sigurimeve shendetesore, ajo ka punuar per shume vite ne njeren nder shoqerit e sigurimeve shendetore me te mdha ne Zvicër.

Valentina Smajli merret mbi 60 % ne platorme integrative si dhe angazhohet ne NGO`s qe kan te bejn me ceshtje soziale, emancipuese,integruese dhe participuese (ne gjithat drejtimet).

– Antare e kryesis te partis social-demokrate te Zvicer ne form kantonale te Lucernit si dhe ne form federale te Zvicres
– Antare e komisionit te Qytetit te Lucernit per integrim dhe komisionin per dhenjen e shtetesis per migrantet
– Zevendes Presidente e forumit te islamit progresiv te Zvicer ne form federale
– Presidente per organisaten “Integrationsnetz” te Kantonit te Zug-ut

Integrimi/zhvillimi : cilat janë prioritetet ?

“Ne angazhimin tim te perditshem une ngelem gjithmon me shpresen qe do te arrij me bashkkombas tone nje bashveprim te ideve dhe rekomadimeve, duke ndertuar visione adekuate ne dubi te mergates sone ne Zvicer me qellim per te kontribuar ne avancimin e ogranizimit te Shqiptarve si dhe te Shqipfolesve ne Zvicer”.

Kontakt

Gewerkschaft Syndicom
Regionalsekretariat Luzern
Brünigstrasse 18
6005 Luzern
++41 (0)78 623 44 41
++41 (0)79 265 75 48
[email protected]

Lurata Reçi

Vendlindja : Maqedoni

Qyteti ku jetoni në Zvicër : Langenthal të Kantonit të Bernës

Profili

Lurata Reçi është nënë e dy fëmijëve. Shqiptarja nga Struga ka 10 vjet që merret me politikë në komunën e Langenthalit të Kantonit të Bernës. Ka një vit që është në funksionin e këshilltares në Komunën e Langenthalit.

Disa vite ka qenë në kryesi të Second@s Zvicër dhe e ka iniciuar themelimin e second@s në Bernë. Ajo për disa vite është aktive në komisione të ndryshme si edhe në kryesinë e Partisë Social Demokrate të Langenthalit.

Lurata Reçi aktualisht vazhdon studimet në Zürich për ekonomi (HWD).

Në mesin e shtatë kandidatëve shqiptarë, më së shumti vota ka fituar kandidatja me prejardhje nga Maqedonia, Lurata Reçi, e cila ishte kandiduar nga Partia Socialdemokrate në Bernë.

Lurata, edhe pse me prejardhje të huaj në Zvicër, ka arritur të sigurojë 21.939 vota të elektoratit në kantonin e Bernës, rezultat inkurajues për të vazhduar garën politike në zgjedhjet e ardhshme.

Alban Imeri

Albani ka lindur më 7 janar të vitit 1991 në Münsterlingen TG dhe prej vitit 1999 jeton me prindër në Egnach. Katër vite më parë ka qenë iniciator për formimin e degës së BDP-së në qarkun e Arbonit, nga ku më pas është zgjedhur presidenti i parë i BDP-së (Bürgerlich -Demokatische Partei) -Partia Demokratike Qytetare në po këtë qark, kurse për një periudhë të shkurtër ka qenë edhe anëtar i kryesisë së BDP-së në kantonin Thurgau.

Studenti i matematikës në Universitetin ETH të Cyrihut, shqiptari nga Kumanova, Alban Imeri kandidon në zgjedhjet e prillit për deputet të Parlamentit të Kantonit Thurgau. Njëzetenjëvjeçari në këtë garë politike figuron në listën numër gjashtë si i dyti i partisë për qarkun e Arbonit që ka një popullsi prej më tepër se pesëdhjetëmijë banorësh.

Prej nëntë kandidatëve të qarkut të Arbonit në listë të BDP-së për Parlamentin e Thurgaut, Albani radhitet i dyti, gjë që tregon se sfiduesi i ri shqiptar brenda partisë gëzon mbështetje të gjerë në zgjedhjet që do të mbahen më 15 prill 2012.

Synimet politike të Alban Imerit janë të qarta. Ai ka një koncept politik për të gjitha çështjet e hapura. Në prezantimin e tij online (www.alban-imeri.ch) ai shpalosë idetë e tij për zgjidhje të problemeve, qofshin ato fiskale (që është arma e tij e fortë, si student i matematikës), sociale, politikës së jashtme, emigracionit apo sistemit të drejtësisë.

Etrit Hasler

Politikani zvicerano-shqiptar Etrit Hasler është bërë shqiptari me postin e deputetit në nivel kantioni në Zvicër (pas Zari Xhaferit dhe Ylfete Fanajt)

Etrit Hasler, 34 vjeçar, i biri i një mjeku shqiptar nga Kosova dhe i një gazetareje zvicerane është prej kohësh aktiv në politikën zvicerane. Disa vite ka qenë këshilltar në Parlamentin e qytetit të St. Gallenit. Fitimi i endit në Parlamentin e Kantonit është edhe një avancim në karrierën e tij politike.

Etrit Hasler përveç si politikan i ri e me perspektivë, në opinionin zviceran njihet si poet që kultivon gjininë “slam poetry” me të cilën bën pjesë në mesin e më të mirëve në Zvicër. Ai është po ashtu gazetar mjaft cilësor, autor i shkrimeve të angazhuara dhe të mprehta që i boton në gazeta të ndryshme zvicerane.

Besim Kauz

Besim Kauzi ka migruar në Zvicër në vitin 1998. Aktualisht ai punon si shofer autobusi, ndërsa ka të kryer edhe shkollën si disponent në Winthertur.

Besim Kauz, 44-vjeçar nga Tetova, Kandidat për deputet në zgjedhjet për Parlamentin e kantonit Thurgau në listë të BDP-së.

Besimi thotë të jetë angazhuar politikisht në BDP, ngase sipas tij, është subjekt i vetëm politik neutral.

Prej kandidatëve në Becirkin e Weinfeldes të Thurgaus, në listën numër 6 të BDP-së për Parlamentin e Thurgaut Besimi radhitet i pesti, që do të thotë se gëzon mbështetje brenda partisë.

Politikani thotë se do të angazhohet nëse zgjedhet deputet kantonal që procesi i natyralizimit të të huajve të mos komplikohet sipas propozimeve të SVP-së së Bllocherit.

„Ne shqiptarët kemi bërë shumë për Zvicrën dhe do të mundohemi që të mos na i mbulojnë gjërat e mira ndonjë problem i vogël që mund t‘i ndodhë çdokujt. Mendoj se jemi të fuqishëm për të treguar se mundemi edhe shumë më shumë, si për shembull, të depërtojmë edhe në politikë“, thotë kandidati për deputet kantonal.