Archives

Dr. Gezim Dervishi, mjeku që ju mëson si të ulni peshën, pa rrezikuar shëndetin

Posted on by albinfo.ch

Viteve të fundit, si kudo në botë, edhe ndër shqiptarët tema e obezitetit (mbipeshës) është bërë një ndër shqetësimet e rëndësishme në kushtet e jetës moderne dhe të bollëkut të ushqimeve. Rrjedhimisht, po kështu një rëndësi e madhe i kushtohet trajtimit me metoda të provuara, shkencore, të këtij shqetësimi. Në këtë kontekst, një lloj “revolucioni” ka shkaktuar viteve të fundit përdorimi i barnave si “Ozempic”, “Wegovy” etj. Interesimi enorm për këto medikamente ka ngjallur edhe polemika në mediat perëndimore në lidhje me efektet ëvidente pozitive po edhe në lidhje me informacionet plotësuese që duhet t`i kenë ata që kanë vendosur të trajtohen me këto barna.

Për të fituar qartësi më të madhe rreth kësaj teme, albinfo.ch ka intervistuar Dr. Gëzim Dervishin, njërin ndër mjekët më të specializuar në këtë fushë, në Zvicër. Ai madje, rreth dy muaj më parë, së bashku me kolegun  etij Norbert Niebuhr ka hapur ordinancën e specializuar për humbje peshe “ViaSlim”, në Cyrih.

Dr. Gezim Dervishi, i lindur në Prishtinë, në vitin 1990,  ka studiuar mjekësinë humane në Universitetin e Këlnit ku dhe ka doktoruar. Ai ka punuar në pozita të ndryshme në Klinikën Hirslanden në Cyrih, së fundmi si mjek i lartë në Institutin për Mjekësi të Përgjithshme të Brendshme. Dr. Dervishi ka plotësuar trajnimin e tij mjekësor me provimet shtetërore të SHBA-së dhe trajnimin special në mjekësinë holistike (IFM) në SHBA. Pak muaj më parë Dr. Gezim Dervishi dhe Norbert Niebuhr kanë themeluar ordinancën “ViaSlim”, për të cilën thonë se është klinika e parë plotësisht dixhitale, e bazuar në aplikacione për humbje peshe në Zvicër.

Dr. Dervishi, krahas punës parësore si mjek specialist, ka publikuar deri më tani, në bashkautorësi me studiues të tjerë edhe disa studime në revista shkencore të specializuara për fushën në të cilën ai punon si në Journal of Plastic, Reconstructive & Aesthetic Surgery; Journal of Cosmetic Dermatology etj.

Dr. Gezim Dervishi dhe Norbert Niebuhr

Albinfo.ch: Mbipesha ose obeziteti, në kushtet e mirëqenies së sotme materiale, është një shqetësim për një numër gjithnjë më të madh njerëzish. Kjo edhe për faktin se mbipesha është shpesh hapi i parë për shumë sëmundje të rënda. Dalja në treg e medikamenteve si Ozempic etj., duket si një “bekim” për këtë kategori njerëzish. Megjithatë, mjekë dhe studiues të shumtë paralajmërojnë se as këto medikamente nuk janë “shkopi magjik” për heqjen qafe të mbipeshës. Cili është qëndrimi Juaj në këtë kontekst, si mjek i specializuar për këtë fushë? Çfarë i këshilloni pacientët që kërkojnë ndihmën Tuaj?

Dr. G. Dervishi: Mbipesha dhe obeziteti janë bërë një problem gjithnjë e më i përhapur në shoqërinë moderne, veçanërisht në komunitetin tonë shqiptar, ku ushqimi tradicional është shpesh i pasur me karbohidrate si fli, byrek dhe bukë. Për shumë njerëz, mbipesha nuk është vetëm një çështje estetike, por një faktor kryesor rreziku për sëmundje serioze si diabeti i tipit 2, hipertensioni, sëmundjet e zemrës dhe disa lloje të kancerit.

Medikamentet GLP-1 si Wegovy® kanë sjellë një ndryshim të madh në trajtimin e mbipeshës dhe kanë dhënë rezultate të jashtëzakonshme në uljen e peshës, me humbje mesatare deri në 15-20% të peshës trupore brenda 68 javësh. Megjithatë, këto nuk janë një zgjidhje magjike dhe nuk mund të përdoren si një metodë e vetme për të humbur peshë pa një qasje gjithëpërfshirëse.

Pacientëve që kërkojnë ndihmën tonë, u këshillojmë që trajtimi me GLP-1 të bëhet gjithmonë nën mbikëqyrje mjekësore dhe të kombinohet me një plan të strukturuar të ushqyerjes dhe aktivitetit fizik. Në klinikën tonë, ne nuk japim thjesht ilaçin, por ndihmojmë pacientët të ndryshojnë mënyrën e jetesës për të pasur rezultate të qëndrueshme.

Shumë shqiptarë e injorojnë mbipeshën si problem shëndetësor dhe e shohin atë si diçka normale për shkak të zakoneve të ushqyerjes. Por realiteti është që edhe një BMI mbi 27 ul ndjeshëm jetëgjatësinë dhe rrit rrezikun për komplikacione të rënda. Prandaj, është e rëndësishme që pacientët të trajtojnë mbipeshën si një sëmundje kronike dhe të marrin ndihmën e duhur nga mjekët specialistë.

Në përfundim, këshilla ime është e qartë: Për të humbur peshë në mënyrë të sigurt dhe efektive, nuk mjafton vetëm ilaçi. Duhet një qasje e kombinuar me mbështetje mjekësore, këshillim ushqimor dhe ndryshim të zakoneve të përditshme. Ky është modeli që ne ndjekim dhe që jep rezultatet më të mira për pacientët tanë.

Për komunitetin shqiptar kjo ka një rëndësi të veçantë, pasi kuzhina jonë tradicionale është shpesh e pasur me karbohidrate, siç janë Fli, byrek apo pite, yndyra. Këto zakone ushqimore rrisin rrezikun për obezitet dhe diabet. Si një nga mjekët e parë shqiptarë që fokusohet në këtë fushë, e shoh si detyrën time të kontribeu për të contriebu the ndihmoj më të shëndetshme për komunitetin shqiptar.

Albinfo.ch: Ozempic dhe barnat e ngjashme janë menduar (zhvilluar) për trajtimin e diabetit. Por, pasi është konstatuar se ato bëjnë efekt edhe te mbipesha, ato janë popullarizuar së tepërmi, pikërisht nga personat me mbipeshë. A e shihni si problematik këtë “devijim” që është bërë nga destinimi primar i medikamenteve në fjalë apo mendoni se është në rregull të përdoren nga personat me mbipeshë. Nëse po, nga cila shkallë e mbipeshës?

Dr. G. Dervishi: Jo, kjo nuk është një devijim nga përdorimi i duhur, por një zgjerim i bazuar në kërkime të forta shkencore. Fillimisht, Semaglutid u zhvillua për trajtimin e diabetit të tipit 2, pasi ndihmon në uljen e sheqerit në gjak dhe përmirësimin e funksionit të insulinës. Megjithatë, gjatë studimeve klinike, u vu re një efekt i fuqishëm në uljen e peshës, duke ndikuar drejtpërdrejt në mekanizmat e urisë dhe ngopjes.

Pikërisht për këtë arsye, Wegovy®, i cili përmban të njëjtin përbërës aktiv (Semaglutid) por në doza më të larta, është specifikisht i aprovuar për trajtimin e obezitetit. Kjo nuk është një përdorim jashtë indikacionit të ilaçit, por një zgjerim i bazuar në prova të forta klinike.

Në Zvicër, Wegovy® mund të përshkruhet për pacientët që plotësojnë kriteret e mëposhtme:

  • BMI ≥ 35 ose
  • BMI ≥ 28 me një sëmundje të lidhur me mbipeshën, si hipertensioni, diabeti ose kolesteroli i lartë.

Pra, përdorimi i tij për mbipeshën nuk është eksperiment, por një trajtim i miratuar që i ndihmon pacientët të humbin peshë në mënyrë të sigurt dhe të reduktojnë rrezikun për sëmundje serioze.

Albinfo.ch: Megjithatë, në debatin rreth këtyre barnave nga shumë ekspertë mjekësorë këshillohet të kihet kujdes në përdorimin e tyre. Cilat janë rreziqet )(efektet anësore, kundër indikacionet) që duhet marrë në konsideratë?

Dr. G. Dervishi: Barnat GLP-1 si Wegovy® janë të sigurta dhe efektive për shumicën e pacientëve, por, si çdo trajtim mjekësor, ato mund të shkaktojnë efekte anësore, veçanërisht në fillim të trajtimit.

Efektet anësore më të zakonshme (prekin rreth 20% të pacientëve):

  • Probleme gastrointestinale: Nauze (të përziera), të vjella, diarre ose kapsllëk, të cilat zakonisht zvogëlohen pas disa javësh.
  • Ndryshime në oreks: Disa pacientë raportojnë ulje të dëshirës për të ngrënë më shumë se sa pritej.

Rreziqe të rralla, por të rëndësishme:

  • Gurë në tëmth (veçanërisht nëse humbja e peshës është e shpejtë).
  • Pankreatit (inflamacion i pankreasit) – një ndërlikim serioz që kërkon ndërprerjen e menjëhershme të trajtimit nëse shfaqen dhimbje të forta abdominale.
  • Ndryshime të mundshme në tiroidet – disa studime kanë raportuar një lidhje të mundshme me karcinomën medulare të tiroides, por nuk ka prova të qarta.

Kundërindikacionet – kush nuk duhet të marrë GLP-1?

  • Pacientët me histori të karcinomës medulare të tiroides ose sindromën e neoplazisë multiple endokrine (MEN2).
  • Persona me pankreatit akut të rëndë në të kaluarën.
  • Pacientët me probleme të rënda gastrointestinale, si gastropareza, sepse GLP-1 ngadalëson zbrazjen e stomakut.

Përfundimi:

Efektet anësore janë zakonisht të lehta dhe të përkohshme, por trajtimi duhet gjithmonë të bëhet nën mbikëqyrje mjekësore për të identifikuar herët ndërlikimet e mundshme. Në ViaSlim, ne sigurojmë që pacientët të marrin trajtim të personalizuar dhe monitorim të vazhdueshëm për të minimizuar çdo rrezik dhe për të optimizuar rezultatet e trajtimit.

Albinfo.ch: Marrë në tërësi: A peshojnë më shumë dobitë që sjellin këto medikamente apo rreziqet dhe në çfarë proporcioni të përafërt, sipas jush?

Dr. G. Dervishi: Përfitimet e GLP-1 janë dukshëm më të mëdha se rreziqet

Bazuar në studimet më të fundit, përfitimet e medikamenteve GLP-1 tejkalojnë në mënyrë të qartë rreziqet, veçanërisht tek pacientët me mbipeshë të konsiderueshme ose me sëmundje të lidhura si diabeti dhe hipertensioni.

Përfitimet:

  • Humbje peshe mesatare prej 15-20% brenda 68 javësh, një rezultat që nuk është arritur më parë me terapi të tjera.
  • Reduktim i ndjeshëm i rrezikut për sëmundjet kardiovaskulare, duke përfshirë infarktin e zemrës dhe isheminë cerebrale.
  • Përmirësim i metabolizmit dhe ulje e inflamacionit, që ndihmon në stabilizimin e nivelit të sheqerit në gjak dhe mbrojtjen e funksionit të veshkave.

Rreziqet:

  • Efekte anësore të zakonshme si nauzea, diarreja ose kapsllëku, të cilat zakonisht zvogëlohen me kohën.
  • Humbje e masës muskulore nëse nuk kombinohet me një dietë të pasur me proteina dhe aktivitet fizik.
  • Raste të rralla të pankreatitit ose gurëve në tëmth, që kërkojnë monitorim mjekësor.

Në përgjithësi, për çdo 100 pacientë që përfitojnë nga terapia, vetëm një ka efekte anësore që kërkojnë ndjekje të kujdesshme, çka tregon se përfitimet janë shumë më të mëdha se rreziqet. Në ViaSlim, ne sigurojmë që pacientët të marrin trajtim të personalizuar dhe mbikëqyrje mjekësore të vazhdueshme për të minimizuar çdo rrezik dhe për të maksimizuar rezultatet afatgjata.

Albinfo.ch: Nëse pacienti do ta përdorte ozempic-un ose Wegovy-n për qëllimin parësor, për diabetin pra, a vjen ulja e peshës në mënyrë “automatike”, edhe në qoftë se kjo nuk është e dëshiruar nga pacienti?

Dr. G. Dervishi: Po, humbja e peshës është një efekt i natyrshëm i GLP-1 receptor agonistëve, si Wegovy®, sepse përbërësi aktiv Semaglutidi ndikon drejtpërdrejt në mekanizmat e ngopjes në tru dhe ngadalëson zbrazjen e stomakut. Si rezultat, pacientët ndihen të ngopur më shpejt dhe hanë më pak.

Rreth 90-95% e pacientëve përjetojnë një ulje të peshës, por shkalla e këtij efekti ndryshon nga personi në person. Disa humbin peshë më shumë, disa më pak, ndërsa një përqindje e vogël nuk përjeton ndryshime të rëndësishme. Nëse një pacient nuk dëshiron të humbasë shumë peshë, mjeku mund të rregullojë dozën ose të përshtatë trajtimin, për të gjetur ekuilibrin e duhur.

Përfundimi:

Po, shumica dërrmuese e pacientëve që marrin Wegovy® për humbje peshe përjetojnë një reduktim të saj, edhe nëse nuk është qëllimi i tyre kryesor. Megjithatë, ky efekt mund të menaxhohet nga mjeku për të siguruar që trajtimi të jetë i personalizuar sipas nevojave të pacientit.

Albinfo.ch: Po nëse e përdor me qëllimin për të humbur peshë, a mjafton vetëm përdorimi i tyre, pa ndryshuar regjimin e ushqimit dhe të lëvizjes (marrje me sport etj.)?

Dr. G. Dervishi: Jo, vetëm përdorimi i ilaçit nuk mjafton për të arritur dhe mbajtur një peshë të shëndetshme. Pa ndryshim të stilit të jetës, rreziku i efektit jojo është shumë i lartë. Për të pasur sukses afatgjatë, është thelbësore të kombinohet trajtimi me ushqyerje të shëndetshme, aktivitet fizik dhe mbështetje psikologjike.

Ushqyerja luan një rol kryesor – një dietë e pasur me proteina ndihmon në ruajtjen e muskujve, ndërsa ushqimet e pasura me karbohidrate si Byrek, Fli ose Pite duhet të konsumohen me kujdes, pasi rrisin nivelin e sheqerit në gjak dhe ndjesinë e urisë.

Aktiviteti fizik është po aq i rëndësishëm. Ushtrimet e forcës ndihmojnë në ruajtjen e masës muskulore, ndërsa aktivitetet e përditshme si ecja apo përdorimi i shkallëve kontribuojnë në stabilizimin e metabolizmit.

Shumë pacientë përballen me ngrënie emocionale dhe zakone të rrënjosura për vite, prandaj mbështetja psikologjike është thelbësore për të arritur rezultate afatgjata.

Në ViaSlim, ne integrojmë të gjitha këto elemente në një trajtim të personalizuar. Ne ofrojmë mbikëqyrje mjekësore, mbështetje nutricionale dhe këshillim psikologjik, duke siguruar që pacientët të kenë një humbje peshe të shëndetshme dhe të qëndrueshme.

Albinfo.ch: Kemi lexuar se këto medikamente duhet të merren “përgjithmonë”, pra nuk mjafton trajtimi për një periudhë të caktuar. Përse është kështu?

Dr. G. Dervishi: Shumë pacientë shqetësohen se trajtimi me GLP-1 duhet të vazhdojë për një kohë të gjatë, por pyetja më e rëndësishme nuk është sa zgjat trajtimi, por çfarë ndodh nëse mbipesha nuk trajtohet fare. Studimet tregojnë se që nga një BMI prej 27, rreziku për komplikacione serioze rritet ndjeshëm, duke përfshirë:

  • Sëmundje kardiovaskulare si infarkti i zemrës dhe ishemia cerebrale.
  • Diabeti i tipit 2 dhe komplikacionet që ai sjell.
  • Rritje e rrezikut për disa lloje të kancerit, veçanërisht ato të lidhura me obezitetin.
  • Dëmtime të kyçeve (artrozë) dhe dhimbje kronike, të cilat kufizojnë lëvizjen dhe cilësinë e jetës.
  • Reduktim i ndjeshëm i jetëgjatësisë për shkak të këtyre faktorëve.

Pse trajtimi duhet të vazhdojë?

GLP-1 është një terapi që vepron mbi mekanizmat natyrorë të urisë dhe ngopjes, të cilët te pacientët obezë janë shpesh të çrregulluar. Nëse trajtimi ndërpritet papritur, në shumicën e rasteve pesha kthehet, sepse sistemi i urisë dhe ngopjes rikthehet në gjendjen e mëparshme. Kjo është arsyeja pse trajtimi duhet të bëhet gjithmonë nën mbikëqyrje mjekësore dhe të ndërpritet gradualisht sipas një strategjie të përshtatur.

Si mund të ndërpritet trajtimi në mënyrë të sigurt?

Në klinikën tonë, ne përdorim qasje të personalizuara për të stabilizuar peshën edhe pas uljes së dozës, duke përfshirë:

  • Reduktim gradual të dozës sipas një skeme të përcaktuar mjekësisht.
  • Pauza të vlerësuara individualisht, duke monitoruar ndikimin në peshë dhe metabolizëm.
  • Këshillim të avancuar ushqimor dhe terapi fizike për të ruajtur rezultatet afatgjata.

Përfundimi

Pacientët nuk duhet të kenë frikë nga trajtimi afatgjatë – por nga pasojat serioze të një mbipeshe të patrajtuar, të cilat mund të ndikojnë në shëndetin dhe jetëgjatësinë e tyre për gjithë jetën. Me mbështetjen e duhur mjekësore, terapia mund të përshtatet sipas nevojave të pacientit, duke siguruar një stabilitet të qëndrueshëm të peshës.

Albinfo.ch: Po nëse pacienti, krahas trajtimit me këto medikamente bën edhe ndryshimin e regjimit të tij jetësor, a duhet megjithatë të vazhdojë të marrë ozempic ose Wegovy?

Dr. G. Dervishi: Ndryshimi i stilit të jetës është një faktor vendimtar për suksesin afatgjatë të humbjes së peshës. Megjithatë, nuk ka një përgjigje universale për të gjithë pacientët nëse terapia mund të ndërpritet plotësisht pas një periudhe të caktuar. Kjo varet nga shumë faktorë individualë, përfshirë metabolizmin, mekanizmat hormonalë dhe historinë e mëparshme të peshës.

Studimet tregojnë se shumë pacientë rifitojnë peshë pas ndalimit të ilaçit, edhe nëse ata kanë ndryshuar stilin e jetës. Kjo ndodh sepse obeziteti është një sëmundje kronike, e cila ndikohet nga faktorë hormonalë dhe gjenetikë, të cilët nuk mund të ndryshohen vetëm me modifikime të sjelljes.

Në disa raste, është e mundur të reduktohet gradualisht terapia ose të bëhet një pauzë, veçanërisht nëse pacientët:

  • Kanë stabilizuar zakonet e tyre të reja ushqimore dhe ndjekin një regjim të qëndrueshëm.
  • Kanë përfshirë aktivitetin fizik të rregullt në jetën e tyre të përditshme.
  • Nuk përjetojnë kthim të urisë së fortë ose ngrënies emocionale të pakontrolluar.

Në klinikën tonë, ne punojmë me protokolle të personalizuara për të ndihmuar pacientët që të reduktojnë dozën gradualisht ose të ndërpresin trajtimin pa rrezik për rikthimin e peshës. Megjithatë, mbikëqyrja mjekësore afatgjatë është vendimtare, pasi disa pacientë mund të kenë nevojë për një dozë më të ulët të terapisë për të ruajtur peshën e re.

Përfundimi

Qëllimi nuk është që pacientët të varen nga ilaçi përgjithmonë, por të arrijnë një reduktim të qëndrueshëm të peshës pa rreziqe shëndetësore. Për disa pacientë, kjo mund të nënkuptojë vazhdimin e trajtimit në një dozë mirëmbajtjeje, ndërsa të tjerët mund të qëndrojnë stabilë edhe pa të. Vendimi duhet të merret gjithmonë individualisht në konsultim me mjekun trajtues.

Albinfo.ch: E marrim një pacient hipotetik: Një person, burrë, 60 vjeç, me peshë prej 90 kg dhe me gjatësi mesatare, ka një shkallë të caktuar (rreth 6.5) të diabetit dhe një shkallë të tensionit të gjakut, të cilat i mban nën kontroll me barna përkatëse. Çfarë do t`i këshillonit atij? A këshillohet të marrë ozempic dhe a i jepet pa problem, në një rast të tillë?

Ky pacient ka një BMI prej 29.4, që klasifikohet si mbipeshë, por për shkak të sëmundjeve të lidhura me peshën, ai plotëson kriteret për trajtim me GLP-1.

Në Zvicër, Wegovy® aprovohet për pacientët që kanë:

  • BMI ≥ 35, ose
  • BMI ≥ 28 me një sëmundje të lidhur me mbipeshën, si hipertensioni ose prediabeti.

Duke qenë se ky pacient ka si prediabetin (HbA1c 6.5) ashtu edhe hipertensionin, ai plotëson kriteret për rimbursim nga sigurimi shëndetësor. Në këto raste, sigurimi shëndetësor mbulon shpenzimet e ilaçit për të paktën tre vjet.

Pse do të ishte efektiv trajtimi me Wegovy® për këtë pacient?

Studimet shkencore tregojnë se trajtimi me Wegovy® te këta pacientë jo vetëm që shkakton një humbje të konsiderueshme peshe, por gjithashtu:

  • Ndihmon në parandalimin e progresionit nga prediabeti në diabet të tipit 2.
  • Përmirëson tensionin e gjakut, duke ulur rrezikun e sëmundjeve kardiovaskulare.
  • Redukton ndjeshëm rrezikun për infarkt dhe ishemi cerebrale.

Përfundimi

Ky pacient ka një mundësi shumë të lartë që sigurimi shëndetësor të mbulojë plotësisht kostot e trajtimit me Wegovy®, prandaj ai nuk do të duhet ta financojë vetë. Hapi i ardhshëm është paraqitja e kërkesës mjekësore për mbulimin e kostove, dhe në klinikën tonë kemi përvojë të gjerë në aprovimin e suksesshëm të këtyre kërkesave.

Albinfo.ch: Po nëse i lejohet, a duhet të vazhdojë të marrë barnat e deritashme?

Dr. G. Dervishi: Trajtimi me Wegovy® mund të ketë një ndikim pozitiv në disa sëmundje të lidhura me mbipeshën, siç janë hipertensioni dhe diabeti i tipit 2. Megjithatë, vendimi për të ndaluar ose modifikuar barnat e mëparshme duhet të merret vetëm nga mjeku trajtues dhe bazuar në rezultatet individuale të pacientit.

Në rastin e këtij pacienti, duke qenë se ai merr medikamente për presionin e gjakut dhe ka prediabet, monitorimi mjekësor është thelbësor. Studimet kanë treguar se trajtimi me GLP-1 mund të përmirësojë ndjeshëm nivelin e sheqerit në gjak dhe të ulë presionin arterial, por kjo nuk do të thotë se të gjitha medikamentet e mëparshme mund të ndalen menjëherë.

Zakonisht, ne ndjekim një qasje graduale, duke monitoruar parametrat e pacientit:

  • Nëse niveli i sheqerit përmirësohet ndjeshëm, mund të jetë e mundur të reduktohet ose të ndërpritet një trajtim ekzistues për diabetin.
  • Nëse tensioni i gjakut bie shumë, do të vlerësohet ulja e dozës së medikamenteve antihipertensive për të shmangur hipotensionin.
  • Disa medikamente mund të mbeten të nevojshme, veçanërisht nëse pacienti ka faktorë të tjerë rreziku që nuk lidhen drejtpërdrejt me mbipeshën.

Përfundimi

Pacienti nuk duhet të ndërpresë asnjë medikament pa udhëzimin e mjekut të tij. Në shumë raste, trajtimi me GLP-1 lejon reduktimin ose ndërprerjen e disa medikamenteve, por kjo duhet të bëhet gjithmonë nën mbikëqyrje mjekësore dhe me monitorim të rregullt të shëndetit të pacientit.

Albinfo.ch: Si qëndron puna me mbështetjen nga sigurimi shëndetësor? A i merr përsipër “Krankenskassa” këto barna dhe nëse po, në cilat raste, prej çfarë shkalle të mbipeshës ose të diabetit?

Dr. G. Dervishi: Në Zvicër, sigurimi shëndetësor mbulon trajtimin me Wegovy®, por vetëm për pacientët që përmbushin kriteret zyrtare të rimbursimit.

Kush ka të drejtë për rimbursim nga sigurimi?

Sigurimi shëndetësor mbulon Wegovy® për pacientët që kanë:

  • BMI ≥ 35, pavarësisht nga prania e sëmundjeve shoqëruese.
  • BMI ≥ 28, por vetëm nëse pacienti ka një sëmundje të lidhur me mbipeshën, si:
  • Hipertensioni (presioni i lartë i gjakut)
  • Diabeti ose prediabeti
  • Kolesteroli i lartë (hipercolesterolemia)

Në këto raste, sigurimi shëndetësor mbulon trajtimin për deri në tre vjet, por vetëm nëse pacienti është pjesë e një programi të strukturuar për humbjen e peshës, që përfshin:

  • Mbikëqyrje të rregullt mjekësore
  • Këshillim të personalizuar për ushqyerjen dhe stilin e jetës
  • Monitorim të vazhdueshëm të peshës dhe gjendjes shëndetësore

A ka raste kur trajtimi nuk mbulohet?

  • Nëse një pacient ka BMI më të ulët se 28, sigurimi nuk e mbulon trajtimin.
  • Nëse nuk ka një sëmundje të lidhur me mbipeshën, trajtimi duhet të financohet privatisht.
  • Nëse pacienti nuk është pjesë e një programi të strukturuar, sigurimi nuk do ta mbulojë trajtimin.

Përfundimi

Nëse një pacient ka BMI mbi 28 dhe një sëmundje të lidhur me mbipeshën, ekziston një mundësi shumë e lartë që sigurimi të mbulojë trajtimin me Wegovy®. Në ViaSlim, ne ndihmojmë pacientët gjatë gjithë procesit të aplikimit për mbulimin nga sigurimi dhe kemi përvojë të gjerë në aprovimin e suksesshëm të këtyre kërkesave.

Për të llogaritur BMI-në tuaj, mund të përdorni kalkulatorin tonë në këtë link: BMI-Kalkulatori

Albinfo.ch: Cilat janë rastet më të shpeshta që vijnë në ordinancën Tuaj. Çfarë ankesash mbizotërojnë?

Dr. G. Dervishi: Ne trajtojmë ekskluzivisht pacientë me mbipeshë dhe obezitet përmes një klinike dixhitale të specializuar dhe të udhëhequr nga mjekë, duke ofruar një qasje të sigurt dhe të strukturuar për humbjen e peshës. Pacientët tanë shpesh kanë sëmundje metabolike si diabeti i tipit 2, hipertensioni, kolesteroli i lartë dhe probleme me kyçet për shkak të peshës së tepërt. Ata përballen me vështirësi në humbjen e peshës, ndjenjë të vazhdueshme urie, lodhje dhe kufizime në aktivitetin e tyre të përditshëm.

ViaSlim ofron një trajtim të plotë dhe të personalizuar, duke kombinuar GLP-1 terapinë me mbështetje mjekësore dhe ndryshime të qëndrueshme të stilit të jetës. Pacientët tanë kanë akses në konsultime mjekësore pa pritje të gjata, marrin recetat e nevojshme në mënyrë të sigurt dhe ndjekin një program të strukturuar për humbje peshe. Përmes platformës sonë dixhitale, ata përfitojnë nga një ekip multidisiplinar me mjekë, nutricionistë dhe psikologë klinikë, duke garantuar rezultate afatgjata.

Ndryshe nga platformat e zakonshme që fokusohen vetëm në shpërndarjen e ilaçeve, ViaSlim siguron një trajtim të integruar dhe shkencërisht të bazuar për një humbje të shëndetshme dhe të qëndrueshme të peshës.

Linku i ordinancës ViaSlim

onboarding.viaslim.ch/sq

Hapet ordinanca e parë e angiologjisë në Winterthur nga një mjek shqiptar

Posted on by Bekim Dalipi

Ordinanca “Gefässmedizin Winterthur» ndodhet në qendrën tregtare Triamal në Winterthur. Me mbi 160 metra katrorë dhe katër dhoma kontrolli, ordinanca është e para e këtij lloji në qytetin e Winterthurit.

Dr.med. Naim Mehmeti ka punuar për një kohë të gjatë në spitalin e Winterthurit si angiolog. Mehmeti, Fakultetin e Mjekësisë e ka mbaruar në vitin 2004 në Universitetin e Vjenës në Austri. Specializimin e mjekësisë interne e ka përfunduar në vitin 2011 në spitalin Universitar të Cyrihut., kurse specializimin e Angiologjisë, në vitin 2014, në spitalin Universitar të Cyrihut. Nga viti 2014 deri në shkurt 2017 ka punuar si kryemjek (Oberarzt) në angiologji, në Spitalin Kantonal, në Winterthur. Nga shkurti 2017 e deri në fund të shkurtit të këtij viti punoi si kryemjek udhëheqës (Leitender Arzt) në repartin e Angiologjisë të spitalit Kantonal të Winterthurit.

Ne kemi takuar mjekun Naim Mehmeti në ordinancë, në katin e tretë të qendrës tregtare, në dhomën ku mjeku shqiptar përcakton daignozën e një pacienti. Ordinanca është tërësisht e re, e ndriçuar dhe e pajisur me aparaturën më moderne të kohës. Angiologu ka investuar një shumë të lartë për pajisjet dhe rregullimin e ordinancës, në mënyrë që shërbimet të jenë të shpejta, të sakta dhe të sigurta.

Pyetjes sonë si duket një ditë punë në ordinancë me një pacient që vjen për një kontrollim rutinor, mjeku thotë: “Pacientëve të cilët vijnë për një `checkup`, u bëjmë matjen e qarkullimit të gjakut, matjen e tensionit. Pastaj kontrollohen enët e gjakut përmes ultrazërit për të parë a kanë kalcifikime, ngushtime, apo janë te zgjeruara. Qëllimi i checkup-it është parandalimi i sëmundjeve kardiovaskulare, siç është infarkti në zemër apo sulmi në tru. Mirëpo nëse konstatohet se enët e gjakut kanë ndryshime, merren masat për terapi adekuate. Meshkujt mbi moshën 65 vjeçare duhet ta kontrollojnë aortën, enën e gjakut kryesor në trup, sepse janë deri në nëntë herë më të rrezikuar se femrat për të pasur një aneurizem (zgjerim të aortes).  Aneurizma e aortës mund te qojë tek çarja e aortes dhe si pasojë mund të vij vdekja nga gjakderdhja e brendshme”, tërheq vërejtjen angiologu me prejardhje nga Gjakova, shkruan albinfo.ch. 

Kujdes nga diabeti dhe yndyra në gjak

 

Kushdo që ka problem me tensionin e lartë të gjakut, yndyrën në gjak, sëmundjen e sheqerit, duhet t`i kontrollojë enët e gjakut dhe adresa e duhur është te angiologu, Naim Mehmeti, prej nga  më pas mjeku përcjell gjendjen shëndetësore të pacientët dhe merr masat adekuate për terapinë. Pacientët me diabet rekomandohet të kontrollohen për çdo vit nga specialist të enëve të gjakut.

“Nëse dëshironi ta dini statusin tuaj të eneve gjakut me një metodë joinvazive, pa rrezatime, atëherë këtu mund të merrni të gjitha këto shërbime shprehet në intervistën për albinfo.ch. Dr. med. Naim Mehmeti.

Në ordinancë bëhet diagnostifikimi dhe trajtimi joinvaziv. Pacienti merr terapi medikamentoze. Kurse intervenimet kryhen në spital. “Pacientët dërgohen me diagnozë dhe terapi të qartë në spital vetëm për intervenim dhe më pas kthehen prapë në ordinancë me trajtim të mëtutjeshëm”, shpjegon babai i dy fëmijëve, angiologu Naim Mehmeti.

Aty po ashtu bëhet edhe trajtimi i variceve (venave varikoze) përmes Skleroterapisë ose me Kateter. Përveç enëve të gjakut në zemër dhe atyre që janë brenda në tru, të gjitha enët e tjera të gjakut në trup i trajton angiologu.

“Ne kemi tri lëmi ku jemi me të specializuar; nën një angiologu ka rol vendimtar në parandalimin e sëmundjeve kardiovaskulare. Parandalimi infarktit në zemër dhe sulmit në tru, veshkë dhe në zorrë. Plus infarkti në këmbë apo duar, i cili munde te shkaktoj probleme te mëdha shëndetësore shprehet Naim Mehmeti.

“Nëse dëshironi të keni zemër dhe organe të tjera të shëndosha, duhet së pari të keni enë të shëndosha të qarkullimi të gjakut”, këshillon mjeku. “Ne nuk merremi vetëm me parandalimin. Ne trajtojmë po ashtu edhe infarktin në këmbë, analog sikur infarkti në zemër i cili shpesh është vdekjeprurës, shpjegon Mehmeti për Albinfo.ch.

Tromboza mund të përfundojë me fatalitet

I pyetur mbi sëmundjet me të shpeshta te venave që mund të përfundojnë me fatalitet, angiologu veçon Trombozën e venave te thella si dhe embolinë pulmonare!

.

Tromboza ndodh kur një venë bllokohet nga një mpiksje. Shkaktarët e mundshëm të trombozës janë: mungesa e lëvizjes, p.sh. pas operacioneve, udhëtime të gjata me avion, autobus ose veturë, kancerit e të tjera. Tromboza e venave të thella është një nga format më të zakonshme të trombozës. Kjo shkakton ënjtje dhe dhimbje në këmbën e prekur. Një trombozë në krah është më pak e zakonshme, por zakonisht është shumë e dhimbshme. Krahu fryhet dhe venat janë më të theksuara në sipërfaqen e lëkurës. Pasoj e Trombozës se venave të thella e posaçërisht e atyre në këmbë është embolia pulmonare, e cila shkakton shkëputjen e mpiksjes nga venat e këmbës në enët pulmonare, duke rezultuar me vështirësi në frymëmarrje dhe probleme të qarkullimit të gjakut potencialisht kërcënuese për jetën.

.

Sulmin në tru, angiologu e cilëson si një ndërprerje të papritur të rrjedhjes së gjakut në tru. “Një shkaktar shumë i shpeshtë i sulmit ne në tru është një bllokim në enët e gjakut në qafë (karotiden), duke rezultuar në çrregullime të qarkullimit afatshkurtër ose të përhershëm në indet e prekura të trurit. Në praktikën tonë, kalcifikimet e arterieve karotide mund të diagnostikohen herët me anë të një ekzaminimi me ultratinguj. Në rast të pengesave përkatëse, fillon terapia me ilaçe, e cila synon të parandalojë një sulm në tru».

 Të gjitha këto e probleme të tjera, ju mund ti parandaloni apo ti mbani nën kontroll duke vizituar me kohë dhe me rregull mjekun angiolog, Naim Mehmeti. Me të cilin mund të komunikoni shqip apo gjermanisht në Praxis für Gefässmedizin in Winterthur.

Autor i fotografive: Armend Berisha

Ylberi, doktori i shumë diplomave universitare 

Posted on by albinfo.ch

Ylber Qusaj, është doktor shkence në Zvicër. Ka përfunduar me sukses studimet e larta për mjekësi dhe mban titullin “Doktorant” në farmaci. Tani ushtron profesionin e tij si ekspert për shkencë, teknologji dhe prodhim të medikamenteve të reja klinike dhe komerciale në kompaninë Lonza AG, Stein, Zvicër. 

Ai tregon për revistën Albinfo.ch rreth punës së tij si farmacist, jetës, sfidave, migrimit dhe ambicieve të tij për të ardhmen. 

Pa dyshim biografia e tij është njëra ndër historitë e suksesit të diasporës sonë në fushën e mjekësisë. Albinfo.ch ka zhvilluar një intervistë për jetën dhe sukseset e tij.  

Albinfo.ch – Mund të zbuloni për lexuesit tanë rrugëtimin tuaj privat dhe profesional?  

Ylber Qusaj: Unë jam Ylber Qusaj, jam nga fshati Pllajnik, Komuna e Dragashit, Kosovë. Si fëmijë kam pasur ambicie dhe dëshirë të madhe për shkollim dhe edukim të vazhdueshëm. Pas shkollimit të mesëm si Teknik Medicinal, kam ndjekur studimet për farmaci, në Universitetin shtetëror të Tetovës në Maqedoni. Jam me fat që pata nderin të takoj bashkëshorten time, dhe pas përfundimit të studimeve në fund të vitit 2017 kam emigruar në Zvicër për bashkim familjar. Në atë kohë nuk kisha njohuri të gjuhës gjermane në Zvicër, dhe vështirësitë ishin në vitin 2008 deri 2010, thellimi dhe mësimi i gjuhës. Edhe pse në atë kohë njohuritë në gjuhë thelloheshin, ende kisha shumë ngecje në të kuptuar dhe të folur të dialektit vendor “Schweizer Deutsch”.  

Me startimin në industrinë farmaceutike në Zvicër, integrimi dhe rruga ime profesionale në Zvicër është avancuar shumë dhe kjo më mundësoi edhe të vazhdoj studimet e doktoratës dhe pastaj edhe punësimin tim në gjigantin e industrisë farmaceutike, Novartis. 

Albinfo.ch – Sa dinit për Zvicrën para se të emigronit këtu dhe a vazhdon Zvicra ende të mbetet ashtu siç e keni paramenduar para se të emigronit?  

Ylber Qusaj: Para se të emigroja kam mësuar dhe dëgjuar më shumë për Zvicrën nga bashkëshortja ime për kualitetin, përkushtimin për punën dhe mundësitë e avancimit në Zvicër. Ajo ka emigruar si fëmijë në Zvicër dhe ka pasur mundësitë të ndjekë të gjitha fazat e shkollimit këtu. Edhe pse në atë kohë informacionet ishin të kufizuara, kisha pak njohuri rreth të ardhmes time dhe ushtrimit të profesionit të farmacistit në Zvicër. Ëndrrën time e kisha shumë të qartë në kojë: të mësoja gjuhën gjermane, të integrohem dhe të punoj në një kompani të madhe farmaceutike zvicerane.  

Nisur nga ambicia dhe sukseset e mia, komuna ku kam banuar më ka financuar plotësisht kursin për thellimin dhe mësimin e gjuhës gjermane. Në atë kohë kam mundur të kuptoj se sistemi në shtetin zviceran është shumëdimensional dhe ju mundëson dhe lehtëson rrugën atyre që kanë ambicie për t‘u integruar dhe avancuar në profesionet e tyre. Edhe pse nuk kanë kaluar shumë vite që kam emigruar, shteti zviceran është një vendlindje e dytë për mua, e cila më ka mundësuar të avancoj, të vazhdoj studimet post-diplomike dhe të integrohem në atë formë që të ndiej veten si në vendlindjen time.  

Albinfo.ch – Çfarë shkollimi keni ndjekur dhe në cilat periudha?  

Ylber Qusaj: Shkollën fillore e kam përfunduar në vendlindje, të mesmen për mjekësi të Përgjithshme e kam ndjekur në “Luciano Matroni”, Prizren, një paralele e ndarë në Dragash. Edhe pse isha në fillime të profesionit, nga mungesa e profesionistëve mjekësorë si teknikëve medicinalë në fshatin ku kam jetuar që nga viti 1998 kam ushtruar profesionin e plotë si teknik medicinal në fshat.  

Nga 2002-2007, studimet pesëvjeçare i kam vazhduar, në degën e Farmacisë Universitetin shtetëror të Tetovës, Maqedoni.  

Nga nëntori 2007 jam shpërngulur për bashkim familjar në Zvicër. 2008-2009 kam ndjekur një kurs intensiv të gjuhës gjermane në Benedict-Schule, St. Gallen, deri në nivelin C1. Kurse, në tetor 2009 kam filluar studimet e doktoratës në Universitetin e Bazelit, në Zvicër dhe nga viti 2009-2013 kam ndjekur studimet e doktoratës në Universitetin e Baselit. Pastaj nga viti 2011 e kam vazhduar doktoratën në Universitetin e Strasburgut dhe atë e kam mbrojtur me titullin “Optimizimi dhe investigimi i tabletave Echinacea me teknologjinë “base granulate”. Doktorata ishte një bashkëpunim ndërmjet Universitetit të Baselit, Universitetit të Strasburgut dhe kompanisë Bioforce në Zvicër ku kam mundur të ndjek doktoratën.  

Albinfo.ch – Çfarë pune bëni, cilat janë detyrat apo përgjegjësitë që ju keni?  

Ylber Qusaj: Që nga koha e shpërnguljes në Zvicër për bashkim familjar një vit më pas fillova stazhin e punës në zbulimin dhe zhvillimin e medikamenteve me bazë bimore në industrinë farmaceutike Bioforce AG (A. Vogel), Roggwil (TG). Dhe aty kam qenë i privilegjuar të ndjek studimet e doktoratës në lëmin e farmacisë, Vlen të theksohet, se nga ambiciet, puna dhe sukseset e mija, kompania Bioforce më mundësoi finalizimin e doktoratës. 

Pas përfundimit të doktoratës, nga viti 2013 fillova punën në kompaninë shumë të njohur farmaceutike Novartis AG, Stein, Zvicër si një ndër ekspertët/menaxherët në lëmin e zhvillimit dhe prodhimit të medikamenteve. Këtu kam thelluar më tepër njohuritë në zhvillimin dhe prodhimin format sterile, tabletat dhe kapsulat. Në atë kohë isha në disa pozicione të ndryshme ku kam mbledhur përvoja të mira rreth zhvillimit dhe prodhimit të medikamenteve me kualitetet më të lartë duke përfshirë teknologjitë dhe eksperiencat më të mira. 

Kurse nga viti 2019 fillova si ekspert për shkencë, teknologji dhe prodhim të medikamenteve të reja klinike dhe komerciale në kompaninë Lonza AG, Stein, Zvicër.  

Ne prodhojmë medikamentet e reja që aplikohen tek pacientët në mënyrë intravenoze dhe intramuskulare, si vaksinat etj. Roli im është menaxhimi i zhvillimit dhe prodhimit të projekteve të reja që këto produkte të shkojnë deri tek pacienti.  

Albinfo.ch – Cili është roli juaj sot në shoqëri, në punë e jashtë e saj?

Ylber Qusaj: Në punë jam shumë i respektuar dhe i dashur me stafin ku punoj. Gjithmonë marr feedback të mirë nga punëtorët ku punoj. Përveç punës ditore që kryej në menaxhim të projekteve, kam edhe një rol udhëheqës për kompaninë Lonza Stein për diversitetin dhe përfshirjen e punëtorëve në punë.  

E ndiej vetën shumë të privilegjuar dhe të respektuar në shoqërinë zvicerane si dhe të gjithë komunitetit shqiptar që jeton në komunën time në Zvicër. Ndërmjet facebook, apo edhe kur takohemi me ndonjë nga komuniteti shqiptar këtu në Zvicër si dhe në Kosovë, më shtrohen shumë pyetje në lidhje me medikamentet dhe përdorimin e tyre.  

Gjithashtu, ndaj një respekt të veçantë për të gjithë shqiptarët që punojnë në kompaninë Novartis dhe Lonza. Shpesh bëj organizime për takime vjetore me gjithë shqiptarët që punojnë në këto kompani, për t’i afruar, njohur dhe shkëmbyer njohuritë e tyre të përfituara në industritë farmaceutike.    

Albinfo.ch – Çfarë do të thotë të jesh i doktoruar në farmaci në vendin e Novartis e kompanive tjera zvicerane te prodhimit të medikamenteve? 

Ylber Qusaj: Të jesh i doktoruar në Zvicër është një privilegj dhe nder, e sidomos në këto kompani të mëdha, si në aspektin moral, financiar dhe në aspektin shoqëror. Për të marrë këtë titull është e vështirë, të duhet shumë punë dhe përkushtim. Mirëpo edhe njeriu e mban titullin me punën dhe raportin social që tregon në shoqëri. Unë jam shumë i pranuar në këtë shoqëri dhe e ndiej veten një doktor i farmacisë shumë i suksesshëm.   

Si një ekspert dhe doktorant në këto kompani, në momentet kur jep një këshillë apo inovacion në stafin ku punon, të dëgjojnë me vëmendje dhe aplikojnë idetë dhe mendimet e tua.  

Në vitin 2018 kam marrë edhe një çmim AWARD «Stein Rubin» nga kompania Novartis me idetë e mia është bërë optimimi i një procesi të brendshëm në prodhim të medikamenteve që mund të ndihmojnë kompaninë në uljen e çmimit në prodhim.  

Albinfo.ch – Keni ndonjë angazhim tjetër? 

Ylber Qusaj: Nga viti 2020 jam i angazhuar edhe si ligjërues për prodhimin e avancuar të medikamenteve në Kolegjin Rezonanca, Prishtinë, Kosovë. Pas një martese të suksesshme dhe si prind jam shumë i angazhuar në familjen time dhe me tre fëmijët e mi.  

Dr. Alban Y. Neziri: Rasti i ish-ministrit Latifi tregon se kthimi po sabotohet 

Posted on by albinfo.ch

Lidhur me deklaratën e kryeministrit Kurti, i cili muaj më parë njoftoi se ka një plan për kthimin e mjekëve shqiptarë nga diaspora, duke pretenduar se po krijohen lehtësi për kthimin e mjekëve nga diaspora në Kosovë, doktor Alban Neziri, një nga gjinekologët e suksesshëm në Zvicër, shprehet i qartë. Sipas tij, jo vetëm që nuk ka diçka konkrete, por ka shenja sabotimi edhe karshi mjekëve që do të pretendonin të ktheheshin në Kosovë.  

Albinfo.ch ka trajtuar këtë problematikë në mënyrë gjithëpërfshirëse, duke marrë opnione të mjekëve më të njohur shqiptarë të Zvicrës dhe përgjigjet e tyre nuk janë shumë shpresëdhënëse. 

Prof. Dr. Alban Y Neziri është profesor i rregullt në dy universitete, në Universitetin e Bernës në Zvicër, dhe në atë të Aalborgut, në Danimarkë. Ai është edhe bashkëpunëtor i lartë shkencor në Departamentin e Shkencave Biomjekësore në Fakultetin e Mjekësisë në Bernë dhe pronar i qendrës moderne gjinekologjike “Langete” (Gynäkologiezentrum LangeteI në Langenthal. Albani është po ashtu anëtar i kryesisë së Lidhjes së Mjekëve Shqiptarë në Zvicër. 

Albinfo.ch: Çfarë mendimi keni lidhur me deklaratën e kryeministrit Kurti për kthimin në Kosovë të mjekëve nga diaspora?  

Alban Y. Neziri: Dështimi i misionit të rimëkëmbjes së shëndetësisë në Kosovë i ish Ministrit të Shëndetësisë, Prof. Dr. Rifat Latifi, është një shenjë jashtëzakonisht e keqe për ne. Prof. Rifati ka qenë menaxher i shkëlqyer në Spitalin Universitar të Tuscon, Arizona, SHBA dhe në spitalet e New Yorkut. Dështimi i tij në Kosovë, në detyrën që e pati pranuar me entuziazëm të madh, jep shenja të një bojkoti të brendshëm ndaj tij dhe ndoshta edhe karshi mjekëve që do të pretendonin të ktheheshin në Kosovë. 

Albinfo.ch: Sa është real kthimi në Kosovë i mjekëve shqiptarë që punojnë dhe jetojnë në Zvicër, kur dihet që ka dallim të madh pagash dhe të kushteve të punës?  

Alban Y. Neziri: Megjithatë, në Kosovë ka edhe shembuj të suksesit te mjekëve që janë kthyer nga mërgimi. Po marr shembull United Hospital i themeluar kohët e fundit nga vëllezërit Dr. Arben Kojqiqi, Kardiokirurg dhe Dr. Fatos Kojqiqi, Kardiokiurg, që të dy të shkolluar e specializuar në mërgatë. Po në atë spital punon edhe Dr. Arsim Thaqi, Otorinolaringolog, po ashtu nga mërgata. Këta të tre janë kthyer dhe jetojnë në Kosovë. Kthimi nuk është i pamundur, por shumë i vështirë për shkak të pengesave administrative (të nostrifikimit të diplomave) si dhe atyre sociale. 

Albinfo.ch: Çfarë tregon kjo për qeverinë, kur dihet se Kosova ka problem shqetësues numrin e lartë të mjekeve dhe mjekëve që po braktisin Kosovën drejt Perëndimit dhe jo kthimin e disa mjekëve?  

Alban Y. Neziri: Shëndetësia në Kosovë është e plagosur rëndë dhe duhet shumë punë për ta mëkëmbur. Të gjithë mjekët shqiptarë kudo që janë, duhet në një mënyrë të japin kontributin e tyre për ta arritur rimëkëmbjen e dëshiruar. Deri në arritjen e strukturimit adekuat të sistemit shëndetësorë dhe ngritjen e pagave në nivel dinjitoz për mjekët, Kosova do përballet me largimin e tyre. 

Albinfo.ch: A shihni alternativa të tjera të angazhimit të mjekëve nga diaspora në vend të thirrjes për kthim në vendlindje?  

Alban Y. Neziri: Unë personalisht ka vite që jam i angazhuar me kolegët në Kosovë. Në vitin 2010 është themeluar Asociacioni Shëndetësor i Kosovës, i cili drejtohet nga Dr. Adem Bytyqi, Anesteziolog. Unë jam anëtar i bordit. Deri tani janë organizuar 7 kongrese jashtëzakonisht të suksesshme në fushën e hulumtimit dhe terapisë së dhimbjes. Janë organizuar shumë trajnime të personelit të mesëm për trajtim të dhimbjes. Asociacion i shëndetësor i Kosovës është anëtar i rregullt i International Association for the Study of Pain, që është shoqatë lidere në këtë fushë.  

Para 3 vitesh është krijuar edhe Kolegji i Kirurgëve të Kosovës i cili këtë vit u bë pjesë e Kolegjit të Kirurgëve të Shteteve të Bashkuara të Amerikës. Kolegji i Kirurgëve drejtohet nga Prof. Dr. Rifat Latifi. Kolegji ka themeluar edhe revistën e shkencave Kirurgjike “Kosova Journal of Surgery”. Tani është duke u përgatitur numri i katërt i kësaj reviste. Unë, dhe disa kolegë nga mërgata jemi anëtarë të Bordit shkencor të revistës.  

Kongresi i parë i Kolegjit më 2021 dhe Kongresi i dytë në shtator të këtij viti, mblodhën me qindra kirurgë nga vise të ndryshme shqiptare dhe nga diaspora. Nuk mungojnë edhe trajnimet praktike në fushën e kirurgjisë.  

Në bashkëpunim me Kolegjin e Kirurgëve të Kosovës dhe Klinikën Universitare të Gjinekologjisë dhe Obstetrikës, do të fillojmë përpilimin e protokolleve të trajtimit kirurgjik të karcinomave në fushën e gjinekologjisë onkologjike.   

Më 4 dhe 5 nëntor 2022, Lidhja e Mjekëve Shqiptarë në Zvicër, ka organizuar Swiss Medical School. Ligjëratat për rreth 150 studentë dhe specializantë të fakultetit të mjekësisë në Prishtinë, do t`i mbajnë disa mjekë, ekspertë të fushave të ndryshme në Zvicër. 

Unë mendoj se organizimet e tilla, bashkëpunimi shkencor, bashkëpunimi në fushat klinike për trajnim të personelit shëndetësor, do të sjellin më shumë sesa kthimet individuale. 

Aurora Dollenberg, doktoresha e tri specializimeve me rezultate të larta

Posted on by Drin Reçica

Dr. med. Aurora Dollenberg ka lindur në qytetin e Fierit në ditën e pavarësisë, më 28.11.1985, ku dhe ka kryer ciklin parauniversitar me rezultate të shkëlqyera. Është diplomuar për mjekësi me rezultate shumë të larta në Universitetin e Mjekësisë në Tiranë, shkruan albinfo.ch.

Me meritokraci arrin të vijë në Gjermani në vitin 2010, ku pavarësisht barrierave të mëdha që kishte në fillim si emigrante në Gjermani, me vullnetin dhe dëshirën e madhe që qëllimet t’i çojë deri në fund arrin të kryejë 3 specializime deri më sot, 34 vjeç, që janë përkatësisht:

1.Specializim “Mjeke Familje”

 2. Specializim “Mjeke Urgjence”

3.Specializim “Psikoterapi”

Mjekja dhe shkencëtarja shqiptare ka gjithmonë një motiv që e ndjek: Me punë arrihet çdo gjë.

Paralelisht, Dr.med.  Aurora  Dollenberg  ka ndjekur  edhe karrierën akademike në universistetet më të njohura në Gjermani, ku dhe ka përfunduar 2 kërkime shkencore mbi:

“Çrregullimet e Ankthit-Depresionit” dhe “Kanceri te gratë”.

Dr. Aurora përkrah të gjitha këtyre angazhimeve, arriti të hapte në vitin 2018 dy klinikat e saj private në Wolfenbüttel afër Hanover që është kryeqyteti i Saksonisë së Ulët. Në klinikat e saj, përveç pacientëve gjermanë, trajtohen gjithashtu edhe shumë pacientë të trevave shqiptare.

Aurora është e lumtur që edhe pse në emigrim, vazhdon të ndihmojë, të shpëtojë jetë të shumë njerëzve, ku bëjnë pjesë dhe shumë shqiptarë.

Por Dr. Aurora nuk ndalet këtu pasi mendon që humanizmi nuk ndalet vetëm te profesioni i saj. Në vitin 2019 themelon të parën federatë të regjistruar në bazë të juridiksionit gjerman „Federata e Mjekëve Shqiptarë në Europë“, ku është dhe kryetare e saj, nëpërmjet së cilës ajo dëshiron që humanizmin e saj ta çojë përtej trojeve shqiptare deri në cepin tjetër të botës gjithmonë, duke i shërbyer Shqipërisë dhe shqiptarëve që ajo i do kaq shumë.

Federata ka ofruar gjatë gjithë pandemisë konsultimet falas online me pacientët e prekur nga COVID-19, gjithsej janë organizuar 8 konferenca mjekësore ndërkombëtare, të akredituara në Gjermani, ku janë vënë në dispozicion kolegëve tanë mjekë dhe qytetarit shqiptar protokollet më të fundit të trajtimit të COVID-19. Kjo ka përmirësuar ndjeshëm dijen e mjekëve, sidomos te rastet e shumta të pacientëve të trajtuar gabim apo thjesht me medikamente shumë të shtrenjta apo të panevojshme.

Ndër sukeseset më madhore të Federatës ishte kontributi në sigurimi e më shumë se 150 mijë doza vaksinash nga Bashkimi Evropian për vendet shqipfolëse. Kemi kontribuar në ardhjen e 95,000. vaksinave për Kosovën përmes Bashkimit Evropian. Ky mundësim është një fitore e madhe për Federatën tonë mjekësore humanitare. Fokusin tashmë në si Federatë e kemi jo vetem në sigurimin  e donacionave  të vaksinave për vendet shqipfolëse, por edhe në zhvillimin dhe ndjekjen e kërkimeve shkencore në vendet europiane, ku punojmë si mjek, që edhe vendet shqipfolëse të përfitojnë nga tërheqjen e fondeve për medikamentin më të fundit, që e shëron COVID-19 brenda 5 ditëve.

Ne jemi të vetëdijshëm se për imunitetin e tufës nevojiten akoma më shumë vaksina, kështu që ne do të vazhdojmë përpjekjet tona për të rritur ndërgjegjësimin e Bashkimit Evropian për mundësimin e dërgesës së radhës.

Federata e Mjekëve Shqiptarë në Evropë është struktura e vetme e regjistruar që operon në nivel evropian. Ne krenohemi me mjekët dhe bluzat e bardha të Federatës prej 21 vende europiane që punojnë vullnetarisht dhe me humanizëm kanë mbështetur si në rrugë monetare dhe me dije gjatë këtij viti pandemik. Terapia e duhur ndaj COVID- 19 dhe vaksinimi në kohë i popullatës shqiptare është motoja e Federatës.

Për. Dr. med. Aurora Dollenberg:  Humanizmi nuk ka ngjyrë e as kombësi.

Misioni im është të ndihmoj sa më shumë, edhe aty ku çdo gjë duket e pashpresë. T’i tejkalosh kufijtë, të lidhësh mjekët shqiptarë në mbarë Europën, është një vizion për të cilin do të punoj gjithmonë. Vendet shqipfolëse në sajë të punës sonë të përbashkët do jenë së shpejti EU.

 

Me Respekt / Best Regards / Mit freundlichen Grüßen,

Dr. med. Aurora Dollenberg

Presidente e Federatës së Mjekëve Shqiptarë në Europë

Chair of AMFE (Albanian Medical Federation for Europe e.V.)

 

Radiologu i parë shqiptar në Zvicër me ordinancë private!

Posted on by albinfo.ch

Radiologu i njohur nga Kosova, Dr. Habib Jakupi, me formim profesional gjerman dhe përvojë mjekësore në Kosovë, Gjermani e Zvicër, në një intervistë për albinfo.ch flet për karrierën e tij të deritashme mjekësore, për ordinancën që kishte hapur pas luftës në Kosovë, me vizionin për të reformuar mjekësinë kosovare dhe, në fund, për vendosjen e tij në Zvicër. Këtu, më saktë, në Cyrih, ai është themelues dhe pronar i dy ordinancave radiologjike, njëra prej të cilave mban emrin “ZEMRA”. Në intervistën në vazhdim ai zbulon edhe domethënien e plotë të këtij emërtimi…

Albinfo.ch: Dr. Habib Jakupi, një emër mjaft i njohur në mjekësinë kosovare, në Gjermani dhe së fundi edhe në Zvicër. Për ata që nuk ju njohin, mund të na flisni pak për biografinë tuaj?

Dr. Habib Jakupi: Jam i lindur në Vushtrri. Aty kam kryer shkollën fillore dhe të mesmen. Fakultetin e Mjekësisë e kam kryer në Prishtinë ndërsa specializimin për Radiologji, në Gjermani.

Albinfo.ch: Keni punuar dhe vazhdoni të punoni në spitalet më të njohura në Zvicër, më herët edhe në Gjermani. Mund të na e përshkruani punën tuaj si radiolog?

Dr. Habib Jakupi: Radiologjia është një degë e mjekësisë që merret me diagnostikimin e sëmundjeve përmes fotografimeve/imazheve, duke filluar nga më të thjeshtat si p.sh. imazhet e Rentgenit deri tek Ultratingulli apo imazheria shumështresore si CT (Tomografia e kompjuterizuar) dhe MRI (Imazheria me rezonance magnetike). Puna ime si radiolog është që përmes këtyre metodave ekzaminuese të bëj përcaktimin e diagnozës së sëmundjes së pacientit.

Albinfo.ch: Me një përvojë afro 35-vjeçare në mjekësi, cili ka qenë suksesi më i madh juaj profesional?

Dr. Habib Jakupi: Puna e radiologut në përcaktim të diagnozes së pacientit është një punë shumë sfiduese që kërkon një përgatitje solide, kushte të mira pune, përcjellje të literaturës aktuale, kongreseve e simpoziumeve të ndryshme, një edukim të vazhdueshem profesional, kontakte dhe konsultime me kolegët, literaturën dhe internetin. Suksesi më i madh për radiologun është përcaktimi me kohë, dmth në një stad sa më të hershëm, i diagnozës së pacientit, sepse ky është hapi i parë në drejtimin e duhur – për fillimin e terapisë dhe mjekimit.

Albinfo.ch: Për çfarë ndiheni krenar?

Dr. Habib Jakupi: Një mjek gjatë jetës së tij profesionale nuk ka kohë të ndihet krenar! Ai shumë më tepër do të ndihet përgjegjës për punën që bën. Sepse nga puna e tij diagnostike do të varet drejtpërdrejt suksesi i mjekimit të pacientit. Para çdo rasti d.m.th. para çdo pacienti ai e ka para vetes gjithë mjekësinë. Prandaj përqendrimi që i duhet në punë tek secili rast është maksimal.

Albinfo.ch: Fillimisht jeni vendosur në Gjermani, më pas jeni kthyer në Kosovë, ku keni hapur edhe spitalin privat “Euromed”. Pse vendoset të braktisni Gjermaninë dhe të ktheheni në Kosovë?

Dr. Habib Jakupi: Gjermania është vendi im i zgjedhur ku unë si mjek i ri i kam gjetur të gjitha mundësitë për  edukim dhe përparim profesional, duke pasur parasysh nivelin shkencor dhe zhvillimor si dhe traditën e madhe të dijes dhe punës atje. Dhe kur erdhi ai moment i mirë që pas perfundimit me sukses të specializimit u ktheva si mjek specialist me profesion te lirë dhe partner në Institutin DIRANUK në Bielefeld/Gjermani, mendova se ky ishte ai pikësynimi që kisha ëndërruar. Por vetëm dy vjet ma vonë, kur Kosova jonë e dashur u çlirua, dhe pas vizitës time të parë atje, në vitin 1999, e kuptova se ëndrra ime e vërtetë qenka diçka tjetër: Ëndrra ime ishte që dijen dhe përvojën e fituar në Gjermani ta aplikoja tek njerëzit tanë, të cilët deri atëherë nuk kishin mundësi të trajtoheshin me keto metoda diagnostike moderne. Në këtë mënyrë, në fillim të vitit 2000 lindi ordinanca Euromed në Prishtinë (së bashku me dy kolegë nga Kosova) dhe më vonë, në vitin 2006 Spitali Euromed në Fushë Kosovë (me shumë kolegë nga Kosova, Gjermania, Zvicra, Austria, Turqia etj.).

Albinfo.ch: “Euromed” ishte një nga spitalet më të njohura në vitet e pasluftës në Kosovë dhe me një investim gjigant të asaj kohe. A vazhdon me të njëjtin sukses?

Dr. Habib Jakupi: Duke u bazuar në mënyrën e punës dhe standardet nga Gjermania, spitali Euromed u pranua shumë mirë nga të gjithë në Kosovë. Duke ofruar një diagnostikë moderne imazherike që ofrohej për herë të parë atje, por edhe trajtime kirugjike, ortopedike, gjinekologjike, kardiologjike etj. Duke sjellë ekspertë nga Europa perëndimore, u krijuan kushtet që shume pacientë në Kosovë të trajtohen me shumë sukses, pa pasur nevojë të dalin për mjekim jashtë Kosovës. Ky kombinim i suksesshëm e trasoi rrugën e perparimit dhe të ngritjes së spitalit “Euromed”, që ishte njëkohësisht rruga e suksesshme e trajtimit të mijëra pacientëve në Kosovë.

Albinfo.ch: Por, ndërkohë, vendosët që ta braktisni edhe Kosovën dhe të shpërnguleni sërish, këtë herë në Zvicër. Kur keni ardhur në Zvicër, pse morët këtë hap dhe ku është shtëpia juaj?

Dr. Habib Jakupi: Përvoja që mora në Kosovë ishte një pervojë e jashtëzakonshme. Një kohë e mbushur me punë e angazhim, me shumë kolegë të mirë, në shërbim të pacientëve nga të gjitha viset e Kosovës dhe më gjerë. Ishte koha kur krijohej edhe bazamenti per shëndetësinë e re kosovare, duke filluar nga baza ligjore, legjislacioni etj. Madje unë shpresoja se ishte koha të krijohej nje sistem i ri shëndetësor që do t`i shërbente shtetit të ri dhe pacientëve, të gjithë qytetarëve. Në vizionin tim, reformimi dhe përparimi në këtë fushë ishte i domosdoshëm. Duke filluar që nga qeveria/Ministria e Shëndetësisë, hartimi i ligjeve moderne për shëndetësi, krijimi i një sistemi modern shëndetësor, me infrastrukturë funksionale dhe stabile, sistemi i informimit shëndetësor deri tek sistemi i sigurimeve shëndetësore për të gjithë qytetarët. Pas një pune të gjatë që u kurorëzua me sukses në vititn 2012, me aprovimin në Kuvend të Ligjit të ri për Shendetësi që do të krijonte kushtet për realizimin e vizionit që e ceka më lartë, fatkeqësisht kjo u bë e pamundur pas vendimit të Gjykatës Kushtetuese, në dhjetor 2012, e cila, me nje vendim, i rrëzoi nenet vendimtare reformuese të ligjit të ri.

Për mendimin tim, status quo-ja u betonua ligjërisht dhe unë nuk shihja ndonjë mundësi që në 10-15 vitet e ardhshme do të kishte ndonjë përparim në shëndetësinë e Kosovës. Në këtë mënyrë në vitin 2013 u ktheva prapë në perëndim. Konkretisht, në Zvicër.

Albinfo.ch: Ku është dallimi në mes mjekësisë gjermane, asaj në Kosovë dhe kësaj tash, në Zvicër?

Dr. Habib Jakupi: Janë sisteme të ndryshme shëndetësore. Përderisa në mes Gjermanisë dhe Zvicrës ka shumë ngjashmëri, ne duhet të pranojmë stagnimin e gjatë tek ne, deri në vitin 1999 për fajin e të tjerëve, ndërsa prej vitit 1999 e këndej për fajin tonë vetanak.

Albinfo.ch: Çfarë po i mungon mjekësisë në Kosovë?

Dr. Habib Jakupi: Ato që mungojnë në Kosovë janë: Një sistem i mirëfilltë shëndetësor i një shoqërie të lirë të tipit europian, sigurimet shëndetësore për qytetarët, sistemi i informimit shëndetësor, një sistem cilësor i edukimit bazik dhe të vazhdueshëm profesional, etj.

Albinfo.ch: Nuk mund t`i ikim edhe pyetjes për pandeminë. Cili është vlerësimi juaj rreth pandemisë, atyre që nuk besojnë në Covid-19, vaksinës dhe si po e menaxhon Kosova dhe Zvicra krizën e koronavirusit?

Dr. Habib Jakupi: Pandemia është një sëmundje masive që e rrezikon shëndetin publik në hapësira të mëdha gjeografike dhe që në këto përmasa „e viziton“ njerëzimin përafërsisht një herë në 100 vjet. Ata që nuk e besojnë: mendoj se është rezultat i mosdijes, mosnjohjes; një mënyrë për t`i ikur realitetit dhe qasje e gabuar, e talljes me fatkeqësinë e vet dhe të njerëzimit. Menaxhimi i pandemisë: Një sfidë për të gjithë! Normalisht që kjo sfidë është edhe më e madhe kur kombinohet me disa veti si: qasja e rezervuar apo e gabuar, mungesë vendosmerie dhe qëndrueshmërie, mungesë vizioni për qasje largpamëse etj.

Albinfo.ch: Tani në Zvicër ju keni hapur dy ordinanca radiologjike. A mund të na flisni pak më shumë rreth këtyre dy ordinancave?

Dr. Habib Jakupi: Pas marrjes së licencës për punë private në kantonin e Zürich-ut në vitin 2019 u bë e mundur hapja e ordinancës së parë radiologjike e një mjeku me prejardhje nga hapësirat shqiptare, në Zvicër. Në ordinancën e parë në Mühlebachstr. 7, në Zürich (afër teatrit të operës) kemi filluar me ofrimin e ekzaminimeve radiologjike për MRI (ekzaminimet komplete me këtë metodë). Ndërsa në fillim të këtij viti (nga 01.03.2021) kemi filluar me ordinancën e dytë, po ashtu në Zürich, në Hardturmstr. 131. Por, me dallimin se këtu ofrojmë komplet metodat radiologjike, duke filluar nga Rentgeni digjital, Ultratingulli, Mamografia me tomosintezë, Osteodensitometria, Tomografia e kompjuterizuar (CT) deri te Imazheria me rezonancë magnetike (MRI). Kështu që kjo për mua shënon momentin e plotësimit profesional të ofertës për të gjithë pacientët, nga të gjitha anët e Zvicrës por edhe më gjerë (kemi herë pas here edhe pacientë nga vendet përreth, por edhe më të largta, madje edhe nga Kosova).

Albinfo.ch: Cila është domethënia e emrit të ordinancës “Zemra” dhe pse në gjuhën shqipe?

Dr. Habib Jakupi: Është një kombinim i fjalëve Zürich, Euromed dhe Radiologji që rastësisht e zbuluam se mund te shkurtohet duke formuar një fjalë shqipe – ZEMRA, që po ashtu është një fjalë që përcjell afërsi, respekt, dashuri, vërtetësi, këmbëngulje etj. Dhe besoj se është lehtë e kuptueshme për çdo pacient tonë.

Albinfo.ch: Për cilat probleme dhe trajtime ose për çfarë llojesh të shërbimeve mund të drejtohen pacientët në ordinancën tuaj?

Dr. Habib Jakupi: Për të gjitha llojet e fotografimeve në Radiologji, duke filluar nga Rentgeni deri tek Rezonanca magnetike. Prej koke deri tek shputat e kembeve. Prej rasteve të sëmundjeve të lehta deri te ato më të rëndat.

Albinfo.ch: A keni ndonjë plan konkret për rritjen e numrit të ordinancave?

Dr. Habib Jakupi: Çdo njeri e ka një sektor të veçantë për zhvillim të ideve, projekteve, planeve etj. Besoj se ky sektor është ajo pikënisja prej nga nisen edhe realizimet dhe arritjet në çdo lëmi. Ideja ime është që mundësisht të jem sa më afër njerëzve. Tash në Zürich, në dy lokacione. Në një të ardhme është e mundur edhe në lokacione tjera. Të jeni të bindur, se do të ju informoj kur jemi gati me projektin tjetër.

Albinfo.ch: Sa jeni ambientuar me Zvicrën dhe sa ofron kushte për punën tuaj profesionale, a mund të bëni një krahasim me Gjermaninë?

Dr. Habib Jakupi: Unë ndihem i ambientuar me profesionin tim të radiologut. Ndjehem mirë i ambientuar edhe me rrethin, shoqerinë, kulturën dhe perditshmerinë këtu në Zvicër. Vetëm e folmja ime mbetet gjuha letrare  gjermane (hochdeutsch).

Albinfo.ch: A do të jetë Zvicra vendi që keni zgjedhur për t’u pensionuar?

Dr. Habib Jakupi: Kur ishim në Kosovë ne vinim këtu në Zvicër për skijim, atëherë i thosha zonjës time, se kur të vijë koha e pensionit do të vijmë të jetojmë në Zvicër. Fakti që erdha në Zvicër më shumë se 16 vjet para pensionimit dhe tash bashkë me zonjën time jetojmë këtu, nuk e tregon patjetër vendin ku do të jetojmë në kohën e pensionimit. Ndoshta pjesën më të madhe do të jemi në Kosovë! Atje i kemi fëmijët, mbesat, nipin, familjen e gjerë e farefisin, shoqërinë e hershme e kujtimet e shumta. Pastaj i kemi edhe sot e kësaj dite shumë pacientë që përmes metodes teleradiologjike i diagnostikojmë me të njëjtat metoda sikur këtu, d.m.th. që nga Rentgeni deri te Rezonanca magnetike (që ekzaminohen në Euromed në Fushe Kosovë). Lidhjet tona me Kosovën mbeten të përditshme dhe të përjetshme.

Ordinancat, cilat shërbime mjekësore ofrojnë dhe ku gjenden?

Dr. Habib Jakupi:

www.praxisZEMRA.ch

www.limmatradiologie.ch

Këtu, në këto dy adresa të internetit do t`i gjeni të gjitha metodat dhe gamën e ofertave ekzaminuese që ne ofrojmë.

Praxis Zemra Radiologie

Mühlebachstrasse 7, 8008 Zürich

 [email protected] 

+41 (0)44 510 29 58

Limmat Radiologie

Hardturmstrasse 131, 8005 Zürich

+ 41 (0) 44 532 12 12

Foto: Armend Berisha

Arlinda Prenaj, modelja me kurorën e më të bukurës në Gjermani

Posted on by Drin Reçica

Arlinda Prenaj është një vajzë shqiptare, entuziaste, e bukur dhe modeste. Ajo bëri shumë “zhurmë” në Gjermani. Madje, u komentua si vajza më delikate dhe karizmatike në elegancën e saj dhe stilin e veshjes, shkruan albinfo.ch.

Ajo “rrëmbeu” dy herë kurorën e më të bukurës shqiptare nga Kosova dhe Gjermania. Tani është pretendente edhe për fitimin e kurorës botërore, “Miss International World”.

Modelja shqiptare, Arlinda Prenaj, tregoi për Albinfo.ch rreth arritjeve të saj profesionale, në fushën farmaceutike, përfshirë suksesin edhe në muzikë dhe angazhimin e saj si modele.

Nga Kosova, në Gjermani

Ajo lindi në Kosovë dhe në moshën 2-vjeçare emigroi së bashku me familje në Gjermani. Hapat e parë të shkollimit i mori në Munchen, ku në të njëjtin vend kreu edhe studimet për farmaci, shkruan albinfo.ch.

“Në moshën 2-vjeçare prindërit vendosen të vinin në Gjermani për të jetuar, pasi që babai ka punuar edhe më parë në Gjermani. Jam rritur në qytetin Mûnchen. Hapat e parë të shkollimit i kam marrë në qytetin ku kam jetuar dhe po aty i kam përfunduar studimet e farmacisë. Punoj me orë të gjata në farmaci, ndërkohë që këndimin e kam pasion dhe në kohë të lirë lexoj shumë. Jam person familjar dhe mundohem t’i kushtoj kohë sa më shumë familjes time dhe po ashtu shoqërisë”, tregon ajo.

Sa i përket jetës dhe shoqërisë në Gjermani, ajo tregon se nuk ka qenë aspak e vështirë ambientimi i saj me rrethin shoqëror dhe se ndjehet e barabartë me të gjithë, pa paragjykime.

“Nuk ishte aspak e vështirë të ambientohem në rrethin shoqëror të Gjermanisë, pasiqë isha shumë e vogël kur erdha dhe jam rritur me gjuhën dhe kulturën gjermane”, shprehet Arlinda.

Ndërkohë në fushën e modelizmit filloi papritur, që në moshën 13-vjeçare ajo kishte oferta për modelizëm, ani pse në fillimet e saj nuk ishte e interesuar fare.

“Puna e modelizmit ishte një gjë që ka ndodhur në mënyrë të rastësishme. Në moshën 13-vjeçare filluan ofertat e para për modelizimin. Por, në atë moshë isha shumë e re dhe nuk më ka interesuar asnjëherë kjo pjesë, pasi isha duke u marrë më shumë me muzikë”, tha ajo.

Fituese e kurorës “Miss Grand Kosova 2019”

Në vitin 2019 bukuroshja me origjinë nga qyteti i Prishtinës, Arlinda Prenaj, ka fituar kurorën e “Miss Grand Kosova 2019”, shkruan albinfo.ch.

“Kur fitova kurorën e “Miss Grand Kosovo”, ka qenë ndjenjë e papërshkruar dhe, në fakt, për mua çdo gjë e papritur, pasi edhe pjesëmarrja ka qenë shumë e rastësishme. Vlen të ceket se rrugët më ishin hapur edhe më parë në tregun e modelizmit, por zgjidhja si miss nga Kosova për mua ishte vërtet mbresëlënëse”, tregoi ajo.

Arlinda “rrëmbeu” edhe kurorën e më të bukurës gjermane

Për Arlindën, depërtimi në tregun e Gjermanisë për modele nuk ka qenë aspak e vështirë, pasiqë ofertat e saj për modelizëm e kishin kalitur atë që të kuptojë mirë botën e modelizmit, pastaj edhe zgjidhja e saj si Miss Kosova e forcoi edhe më shumë vetëbesimin e saj në këtë fushë, shkruan tutje albinfo.ch.

“Miss Grand Germany 2020” është një ndër tri kompeticionet më të rëndësishme të bukurisë botërore, dhe së fundmi, zgjodhen Arlinda Prenajn më të bukurën e Gjermanisë.

Duke qenë se kishte një konkurrencë të madhe në këtë garë, për të fituar “Miss Grand Germany” Arlinda nuk e priste që do të ishte fituese e këtij eventi.

“Ishte një pjesëmarrje e 100 vajzave më të bukura dhe të zgjuara, ku konkurrenca ishte shumë e madhe. Unë, ani pse isha konkurrente, mendoja se cilat vajza mund ta fitonin këtë garë. Kjo ngase juria ka vlerësur shumë kriterie, se si jemi në momente të stresuara, si flasim, si ecim, si ushqehemi dhe shumë gjëra të tjera. Mirëpo, se unë do të isha konkurrentja fituese, për mua ishte shumë e papritur. Në asnjë moment nuk e kam mendur se do ta fitoj prapë një kurorë dhe isha totalisht pa fjalë”, rrëfen Arlinda për albinfo.ch.

Duhet theksuar se për shkak të pandemisë që ka kapluar gjithë botën, ishte e pamundur që të mbahej sfilata fituese, andaj zgjedhja u bë Online Live.

Pas këtij triumfi, bukuroshja në fjalë do të përfaqësojë Gjermaninë në garat internacionale.

Kosova, vend i dëshirës

Nga ana tjetër, Arlinda është shumë e lidhur me Kosovën, ajo tregon se zemra i rreh ndryshe kur prek tokën e Kosovës, ku atje jetojnë edhe shumë familjarë të saj, duke e bërë një lidhje të ngrohtë me ta.

“Me Kosovën jam e lidhur shumë, mbi të gjitha, është vendlindja ime dhe kam mall për të. Mundohem të vij shpesh, sipas mundësive, së paku një herë në vit kam dëshirë ta vizitoj vendin tim”, shprehet ajo. /Albinfo.ch

 

 

Dr. Muka: Për frenim të koronavirusit, pa hequr dorë nga normaliteti

Posted on by albinfo.ch

Është mbushur një vit, qyshkur pothuajse e gjithë bota po përballet me një virus të panjohur më parë. Ajo që dihej ishte se fillimisht u shfaq në qytetin Wuhan të Kinës, e prej ku pastaj, për një kohë të shkurtër, preku pothuajse çdo cep të globit.

100 vite pas përhapjes së Gripit spanjoll, që kishte infektuar një të tretën e popullatës botërore, duke lënë të vdekur mbi 50 milionë, viti 2020 në tërësi kaloi nën hijen e Koronavirusit apo COVID 19, që u shpall Pandemi globale.

Po si u kundërpërgjigj Bota me këtë rast, cilat ishin masat që u ndërmorën me këtë rast. Apo duke ngushtuar rrethin e kësaj pyetje, çfarë masash ndërmorën Zvicra, Shqipëria dhe Kosova në këtë drejtim?.

Epidemiologu Taulant Muka (PD, MD, MPH, PhD), ka dy vite që jeton dhe punon në Bernë të Zvicrës. Fillimisht ishte pjesë e një instituti mjekësor pranë Universitetit të Bernës, e më vonë edhe drejtor shkencor për Bernë.

Kishte edhe masa joproporcionale

„Masat drastike të ndërmarra fillimisht në shumë shtete të botës, me qëllim parandalimin e përhapjes së virusit, arsyetoheshin, sepse ishim në luftë me një të panjohur“ thotë për Albinfo.ch, Dr. Muka. Por, me kalimin e kohës, e duke studiuar virusin në fjalë, duke mësuar kështu dhe simptomat dhe specifikat që kishte, ai vlerëson së shumë nga masat e aplikuara në shumë shtete, nuk kishin një bazë të mirëfilltë shkencore, duke marrë si shembull këtu mbylljet pothuaj të tërësishme (Lockdown).

„Në periudhën mars-nëntor 2020, numri i personave të prekur nga depresioni ka pasur një rritje për 6 herë më shumë, në krahasim me vitet paraprake“, thekson Dr. Taulant Muka, duke dhënë vetëm një shembull të njërës ndër pasojat e mbylljeve të pastudiuara mirë.

Por një element shqetësues sipas tij ishte edhe politizimi i Covid-it, i shkaktuar edhe si pasojë e ndikimit të politikës tek shkencëtarët që merreshin me këtë fushë studimore.

Edhe pse i gjendur në Zvicër gjatë gjithë kësaj kohe, Dr.Muka është munduar të japë kontributin e tij përmes komunikimit publik për audiencën shqiptare.

Si një person mjaft kompetent sa i përket fushës së epidemiologjisë, ai kritikon qeverinë shqiptare dhe atë në Kosovë, për masat e ndërmarra gjatë kohës së Pandemisë, e që në të shumtën e rasteve, ishin kopje nga shtete tjera. Kjo ka bërë, sipas tij, që shpesh herë, Kosova dhe Shqipëria, të zinin vend në statistikat e zeza për menaxhim të Covid-19.

“Koronavirusi të shërbejë si alarm për shtetin, në Shqipëri dhe Kosovë

“Masat e ndërmarra në Shqipëri dhe Kosovë, duhej bërë bazuar në specifikat që kanë vendet tona, përfshirë këtu stilin e jetës, traditat dhe kulturën tonë, e jo të marrim masa sot për nesër“, thekson për Albinfo.ch, Dr. Muka, duke marrë si shembull edhe moshën relativisht të re të popullatës në vendet tona.

Ai ka vërejtjet e veta edhe sa i përket personelit dhe infrastrukturës mjekësore në Kosovë dhe Shqipëri, duke potencuar se Koronavirusi duhet të shërbejë si një alarm për institucionet shtetërore atje, që t`i mbajnë dhe të krijojnë kushte edhe për ata mjekë që i kanë.

Por në përgjithësi, një element që ka luajtur një rol të rëndësishëm në tërë këtë mes, ka qenë edhe komunikimi mes institucioneve shëndetësore me popullatën, gjë që ndikon drejtpërdrejt në bashkëpunimin dhe vetëdijesimin e popullatës ndaj rrezikut të virusit.

Fillimin e testimeve dhe vaksinimeve me disa lloje të vaksinave kundër Covid 19, të zbuluara rishtazi, Dr. Taulanti i vlerëson si mjaft pozitive e mjaft premtuese, edhe pse është herët për të quajtur këtë një sukses. Duke parë trendët e vaksinimit në shumë shtete, ai merr shembull Izraelin, që prin në botë sa i përket vaksinimit të popullatës, duke thënë se ky shtet mund të merret edhe si një test global për rezultatet e vaksinës.

Por siç thotë një shprehje popullore “Ku dhemb dhëmbi, shkon gjuha“ epidemiologu bën apel që qeveritë në Shqipëri dhe Kosovë, duhet fokusuar më shumë në investime të posaçme në arsim dhe shëndetësi, si një mënyrë për tu përballur më mirë me sfidat globale që mund të na presin.

Kush është dr. Taulant Muka

Taulant Muka është profesor i asociuar ne epidemiologji dhe mjekësinë parandaluese në Bernë, Zvicër. Ai është trajnuar në Universitetin Erasmus në Holandë, dhe në Universitetin Kembrixhit dhe Harvardit në Mbretërinë e Bashkuar dhe SHBA. Puna kërkimore e Dr. Mukës është kryesisht e fokusuar në sëmundjet e zemrës dhe diabetit, me një interes të veçantë në diferencat gjinore dhe rolin e gjenetikes dhe dietës. Ai së fundmi ka qenë aktiv me punën e tij kërkimore lidhur me faktorët epidemiologjikë dhe klinikë të Covid-19. Dr. Muka ka publikuar mbi 100 artikuj shkencorë në revistat shkencore ndërkombëtare dhe puna e tij kërkimore është cituar nga mediat prestigjioze si CNN, BBC, TIMES etj.

Bllokimi ka bërë të gjashtëfishohen rastet e depresionit

„Në periudhën mars-nëntor 2020, numri i personave të prekur nga depresioni ka pasur një rritje për 6 herë më shumë, në krahasim me vitet paraprake“, thekson Dr. Taulant Muka, duke dhënë vetëm një shembull të njërës ndër pasojat e mbylljeve të pastudiuara mirë.

 

  • Intervista është realizuar nga mesi i shkurtit, për numrin aktual të magazinës albinfo.ch

 

 

 

 

 

Vajza nga Vokshi, specialiste e kardiologjisë

Posted on by BR

-Është kjo Valdrina Alaj, e cila para dy dekadave erdhi në Suedi dhe tani është specialistja më e re në lëmin sëmundjeve të zemrës.

Në mesin e shumë vajzave shqiptare, të cilat u detyruan të migrojnë gjatë kohës së luftës ishte edhe e reja Valdrina Alaj. Ajo bashkë me familjen e saj ia kishte mësyrë Suedisë për një kohë të shkurtër, duke menduar që me krijimin e kushteve më të mira të kthehen përsëri në vendlindjen e tyre, në Drenoc të Deçanit. Mirëpo, gjendja e vështirë dhe situata e rëndë që ishte në Kosovën e pasluftës bën që familja e saj të vendoset në një qytet të vogël në Blekinge të Suedisë.

Dëshira e Valdrinës për të vazhduar shkollimin ishte shumë e madhe. Ajo lexonte me orë të tëra për të kompensuar mësimet që i kishin mbetur përgjysmë për shkak të luftës në vendlindje. Ambicet e saj u shtuan sidomos pas sukseseve të treguara në gjimnazin e Karlshamnit, ku arriti që brenda një viti t’i mbarojë dy vite gjimnaz. Pas mbarimit me sukses shembullor të gjimnazit, Valdrina pranohet në Universitetin e Mjeksisë (Medical University of Bialystok) në Poloni.

Ndonëse larg familjes dhe në gjuhë të huaj, ajo me përkushtim të jashtëzakonshëm arrin rezultate të dalluara si në lëndët profesionale, poashtu edhe në ato praktike, duke tërhequr kështu edhe vëmendjen e personelit shkencor. Puna dhe angazhimi i saj u shpërblyen me përfundimin me sukses shembullor të studimeve gjashtvjeçare dhe ndarjen e diplomës mjeksore nga ana e këtij  institucioni të lartë shkencor. Kthimi triumfues i Valdrinës si mjeke në Karlshamn ishte mirëpritur jo vetëm nga familja, por edhe nga mbarë komuniteti shqiptar të cilët në atë kohë jetonin në pjesën juglindore të Suedisë. Ajo ishte mjekja më e re që ju ofronte ndihmën e nevojshme shëndetsore edhe në gjuhën shqipe.

Mjekësia-motiv frymëzimi për studime të mëtutjeshme

Mjekësia si një lëmi komplekse dhe shumë interesante, tashmë ishte bërë pjesë jetë së Valdrinës.  Gjatë viteve të para të punës së saj si mjeke e praktikës së përgjithshme, më vonë si mjeke e licencuar, si dhe kontaktet e përditshme me pacientë, zgjuan kureshtjen e saj për vazhdimin e punës kërkimore- shkencore në një fushe specifike të mjekësisë siç është kardiologjia.

Me një vullnet të jashtëzakonshëm ajo u përqendrua në studimin më të thellë të kësaj lëmie sa interesante aq edhe të dobishme për njerëzimin. Pas pesë viteve të punës së suksesshme në këtë fushë specifike të mjekësisë, Valdrinës në fillim të këtij viti iu nda titulli specialiste e kardiologjisë, që padyshim është specialistja më e re e kësaj fushe në Suedi. Sot, ajo punon në spitalin e Karlskronës dhe është ndër mjekët kryesor të këtij institucioni shëndetësor.

Planet dhe dëshirat e Valdrinës janë shumë ambicioze. Në të ardhmen ajo mendon të vazhdojë të punojë si specialistes e sëmundjeve të zemrës për të arritur pas pesë viteve titullin e shumë dëshiruar; profesor docent dhe mbase një ditë, me dijen dhe njohuritë që ka marrë nga universitetet prestigjioze, të ofrojë përvojën e saj shkencore për sëmundjet e zemrës edhe për popullin e saj në Kosovë.

Feriz Ferizi

Ish-gazetar i RTP-së

Kush është PD Dr. Bardhyl Reçani?

Posted on by albinfo.ch

Bardhyl Reçani vjen nga Reçani, një fshat malor i Gostivarit, në Maqedonin Veriore. Tani ai është një kirurg Oral dhe Maxollifacijal shumë i kërkuar në Zvicër. Rininë e ka kaluar në Maqedoni, ku dhe ka diplomuar në stomatologji pastaj ka filluar në Gjemani dhe tani së fundi ka vendosur të emigrojë sërish. Por kësaj here më afër, në Zvicër.

Stomatologu nga Gostivari ka filluar Studimet në Sarajevë, Bosnjë, në vitin 1990, të ndërprera me shpërthimin e luftës atje. Ai kthehet në Maqedoni dhe në vitin 1997 diplomon në Universitetin e Shkupit. Ëndrra e tij ka qenë të vazhdojë me edukimin e tij Post – universitar në Gjermani, ku ai në vitin 2001 arrin të regjistrohet dhe të pranohet ne Klinikën Orale dhe Maxillofacijale të Universitetit “Ludwig-Maximilians” në Mynih. Më pas vazhdon studimet specialistike në Universitetin Teknik të Munihut në po të njëjtën klinikë në të cilën pas 4 viteve e kryen me sukses specializimin në këtë fushë. Ai me zëvendës drejtorin e kësaj klinike marrin drejtimin e Klinikës Orale dhe Maxillofacijale “Philips” në Universitetin e Marburgut. Dr. Reçani këtu ka pasur pozitë udhëheqëse dhe paralelisht vazhdon studimet e magjistraturës ne Universitetin e Kremsit në Austri. Ai kryen këto studime mbas tre viteve me sukses dhe merr titullin “Msc” Master në Implantologji. Por nuk ndalet këtu, vazhdon studimet e doktoraturës në Universitetin e Zagrebit dhe në vitin 2014 këtu kurorëzohet me titullin doktor i shkencave “PhD” gjithashtu në Implantologji.

Në Gjermani, përkundër vështirësive ia kishte dalë të bënte karrierë në fushën e stomatologjisë. Dr. Reçani ka kohë që është integruar  në Zvicër. Këtu tashmë ka kurorëzuar ëndrrën e kamotshme që të hapë klinikën e tij. Këtë e ka realizuar së fundi në Schlieren të Cyrihut, një projekt që kishte dështuar ta bënte në vendin e prejardhjes.

Albinfo.ch: Keni rrugëtuar në shumë shtete. Jeni rritur dhe shkolluar në Maqedoni, pastaj një kohë në Bosnjë e Kroaci, keni specializuar në  Gjermani e në Austri dhe, së fundi, jeni kthyer në Zvicër. Ku është shtëpia juaj?

Dr. Bardhyl Reçani: Njeriu mund të gjejë një vend kudo në planet për të jetuar dhe vepruar, porse shtëpia e përhershme quhet vendlindje. Mu për këtë, shtëpia ime e përjetshme do të ngelë vetëm vendlindja.

Albinfo.ch: A mund të themi se në Zvicër dhe në Gjermani janë të mundura arritjet në karrierë?

Dr. Bardhyl Reçani: Natyrisht se në këtë botë çdo gjë është e arritshme, pra nuk ka gjë që nuk mund të arrihet, por vetëm nëse ekziston vullnet për një gjë të tillë. Unë e kam filluar karrierën në Gjermani në fillim të viteve 2000, kur në vendin tonë zhvillohej luftë dhe trazira. Në atë kohë as bylbili nuk mund të kalonte në anën tjetër të kufirit, e lere më njeriu. Barriera e kufijve në atë kohë ishte shumë e madhe dhe në Gjermani nuk mund të arrije aq lehtë. Nga ana tjetër, ligjet e shtetit gjerman për të huajt që vinin nga shtetet e ashtuquajtura “shtete të treta” ishin tepër të vështira, nuk pranoheshin as diplomat, as pasaportat, d.m.th. duhej që t’ia filloje nga e para. Unë arrita të thyej këtë barrierë me vullnetin tim të madh dhe arrita të krijoj këtë karrierë.

Albinfo.ch: Keni provuar të ktheheni në Maqedoni, në vendin e prejardhjes, në Gostivar. Me gjithë investimin e madh, nuk ia dolët, u rikthyet përsëri, por tash në Zvicër, përse?

Dr. Bardhyl Reçani: Një fjalë popullore thotë: “Guri peshon më shumë në vendin e vet se sa në vend të huaj”. Ishte një dëshirë e familjes dhe imja të kthehem në vendlindje, të veproj dhe të punoj afër familjes, por duke mos e analizuar shumë këtë që e thashë. Investimi më shkoi huq dhe nuk ia arrita qëllimit për shkak se sistemi shëndetësor në Maqedoni nuk nxit dhe nuk përkrah biznese të reja, është i korruptuar dhe me shumë hendikepe. Prandaj mund të them: “Guri që arrin karrierë në perëndim nevojitet të ketë fundament të fortë”.

Albinfo.ch: Ju keni jetuar dhe punuar në Gjermani. Tani për disa vjet jeni në Zvicër, ku i shihni dallimet sa i përket stomatologjisë dhe në përgjithësi mjekësisë?

Dr. Bardhyl Reçani: E vërtetë është. Unë kam jetuar dhe punuar një kohë të gjatë në Gjermani dha atje e fitova karrierën time. Sa i përket stomatologjisë, por edhe mjekësisë nuk ka kurrfarë dallimi, porse desha të veçoja diçka. Në Gjermani një mjek mund të fitojë dituri dhe të mësojë shumëçka nëpër klinika, ndërsa në Zvicër nuk ke kohë të mësosh, sepse këtu vetëm punohet. Puna e njëjtë paguhet dy apo edhe trefish më shumë se sa në Gjermani, pasi që për Zvicrën kuadri mjekësor në përgjithësi është shumë deficitar dhe Zvicra ndan një buxhet të madh në këtë fushë. Pikërisht për këtë mund të them se 70% e kuadrove udhëheqëse mjekësore në Zvicër vijnë nga Gjermania.

PD Dr. Bardhyl Recani

Albinfo.ch: Për çfarë jeni krenar?

Dr. Bardhyl Reçani: Jam krenar që mbaj mbiemrin e fshatit të lindjes, REÇAN-i. Por, me këtë mendoj se edhe bashkëfshatarët e mi krenohen dhe mburren me mua.

Albinfo.ch: A mund ta ndani pasionin nga profesioni?

Dr.Bardhyl Reçani: Pasioni im i madh ishte që unë një ditë dëshiroja të bëja një klinikë të madhe stomatologjike, ku profesionin tim do të mund ta zbatoja në praktikë me kolegët e mi, siç dëshiroja unë dhe të mos lejoja që dikush të më injorojë.

Albinfo.ch: Mjekët shqiptarë tashmë janë organizuar edhe nëpërmjet asociacionit të tyre, a jeni pjesë e këtij organi?

Dr.Bardhyl Reçani: Për fat të keq jo, nuk jam.

Albinfo.ch: Çfarë mendimi keni lidhur me fluksin e madh të mjekëve shqiptarë drejt perëndimit?

Dr.Bardhyl Reçani: Jo vetëm mjekët, por shumica e akademikëve shqiptarë nga të gjitha trojet shqiptare mundohen që karrierën e tyre ta vazhdojnë në perëndim. Kjo vjen nga shkaku se në shtetet nga vijnë, sidomos mjekët, janë shumë pak të paguar, vendet e punës janë të kufizuara për shkak se çdo sektor është i partizuar dhe se buxhetet e shteteve për mjekësi janë shumë të ulëta, nuk investohet gati asgjë. Pikërisht për këtë e shoh të arsyeshëm fluksin e mjekëve shqiptarë drejt perëndimit.

Albinfo.ch: Cilat janë fokuset kryesore shkencore të Dr. Reçanit?  Keni bërë shumë hulumtime shkencore në kirurgji, në çka jeni të profilizuar?

PD Dr. Bardhyl Recani

Dr.Bardhyl Reçani: Unë që nga fillimi i karrierës sime në Gjermani u kyça në kirurgji. Pasi që e kreva specializimin në Degën e Kirurgjisë Orale dhe Maxillofaciale në Universitetin e Munihut, u përqendrova në Implantologji. Pata fatin që me mentorin tim, Prof. Dr. Dr. Andreas Neff, tash drejtor i Klinikës Orale dhe Maxillofacijale në Qytetin Universitar të Marburgut, të jem pjesë e stafit të tij dhe të jem në pozitën udhëheqëse, të quajtur “Oberarzt”. Udhëhiqja Repartin e Kirurgjisë Orale me Implantologji. Aty u fokusova në hulumtimin dhe rindërtimin e kockave, e cila në Implantologji është në shumicën e rasteve deficitar. Paralelisht ndiqja mësimet pasuniversitare në Universitetin e Kremsit në Austri dhe këtu magjistrova gjithashtu në Implantologji, ku tema kryesore ishte “Rindërtimi dhe Augmentimi i kockës së nofullave dhe Sinuslift-it tek pacientët me sëmundje malinje dhe Osteoporoz”. Pas kryerjes se magjistraturës, fillova studimet e doktoraturës në Universitetin e Zagrebit. Pas katër vjetësh studime dhe hulumtime shkencore, më 2014 mbrojta doktoraturën gjithashtu në Implantologji me titull “Mënyra e shtrëngimit të implanteve dhe Suprakonstruksioneve”, ku mora titullin Doktor Shkence “PhD” në Implantologji.

Kam botuar punimet e mia shkencore në shumë revista botërore, kam marrë pjesë në kongrese dhe simpoziume të ndryshme, si në Gjermani, Dubai, ashtu edhe në trojet shqiptare. Gjithashtu kam marrë pjesë në punime dhe hulumtime shkencore në Universitetin e Harvardit në Boston (USA). Shkenca për mua është e pandarë dhe për momentin jam si Docent Privat në Universitetin e Marburgut “Philips Universität Marburg”. Aty ende jam si ligjërues i çrregullt dhe ligjëroj në Degën e Implantologjisë.

Albinfo.ch: A jeni përballur me vështirësi si një mjek me origjinë të huaj dhe mos keni hasur ndonjëherë në trajtim inferior nga vendësit?

Dr.Bardhyl Reçani: Fillimi ishte shumë i vështirë. Gjuhën gjermane nuk e mbizotëroja aspak. Fillova të studioj që nga fillimi. Atë që e kisha mësuar në Bosnjë dhe në Maqedoni, ishte baras me zero. Duke filluar nga lejeqëndrimi në Gjermani, i cili ishte i kufizuar dhe kështu edhe në klinikën ku punoja si mjek-stomatolog më trajtonin si një argat të tyre dhe ndjehesha shum inferior. Gjatë gjithë kohës së specializimit jam vetëfinancuar dhe në disa raste kam qenë edhe i injoruar. Por, pas mbarimit të specializimit, çdo gjë ndryshoi.

Albinfo.ch: Keni qëndruar për disa vjet në qytete universitare me renome në Gjermani, në Munih dhe Marburg, Çfarë përvojash sollët nga atje?

Dr.Bardhyl Reçani: Lirisht mund të them se Munihu për mua është qyteti më i bukur në botë. Ofron një jetë shumë kualitative, sidomos kur bëhet fjalë për kulturën, muzikën, sportin dhe shkencën. Mynihu ka dy universitetet më të ranguara në botë, atë “Ludwig-Maximilian-Universität” dhe “Technische Universität”. Qyteti i Munihut ka shumë klinika universitare dhe private me renome botërore. Jam shumë krenar dhe mburrem që kam marrë dituri në këto dy universitete. Ndërsa në Marburg dijen time të fituar në Munih e kam zbatuar praktikisht në Klinikën Orale dhe Maxillofaciale të Universitetit të Marburgut.

PD Dr. Bardhyl Recani

Ligjërues i çregullt në Universitetin e Marburgut

Kam botuar punimet e mia shkencore në shumë revista botërore, kam marrë pjesë në kongrese dhe simpoziume të ndryshme, si në Gjermani, Dubai, ashtu edhe në trojet shqiptare. Gjithashtu kam marrë pjesë në punime dhe hulumtime shkencore në Universitetin e Harvardit në Boston (USA). Shkenca për mua është e pandarë dhe për momentin jam ende Docent në Universitetin e Marburgut “Philips Universität Marburg”. Aty jam si ligjërues i çrregullt dhe ligjëroj në Degën e Implantologjisë.

 

Trajtimi i  padrejtë shtyn mjekët të marrin rrugën e perëndimit

Jo vetëm mjekët, por shumica e akademikëve shqiptarë nga të gjitha trojet shqiptare mundohen që karrierën e tyre ta vazhdojnë në perëndim. Kjo vjen nga shkaku se në shtetet nga vijnë, sidomos mjekët, janë shumë pak të paguar, vendet e punës janë të kufizuara për shkak se çdo sektor është i partizuar dhe se buxhetet e shteteve për mjekësi janë shumë të ulëta, nuk investohet gati asgjë

Foto: Armend Berisha

 

 

 

Dr. Fatime Imeri-Berisha drejton disa laboratorë të Covid-19 në Zvicër

Posted on by albinfo.ch

Në laboratorin LG1, ku ajo është bashkëpronare dhe drejtoreshë mjekësore, dr. Fatime Imeri-Berisha na pret si zonjë tradicionale shtëpie, me modesti dhe pa shumë formalitete. Fakti se kemi të bëjmë me një grua me shumë tituj e specializime në mjekësi, nuk i bjerr asaj aspak prirjen e natyrshme të një gruaje shqiptare për mikpritje dhe thjeshtësi. Ndërsa diapazoni i saj i gjerë dhe kompetenca e thellë në fushën që mbulon, gjen shprehje gjatë bisedës së saj për albinfo.ch, që mund ta lexoni në vijim…

Fatime Imeri-Berisha është e lindur dhe e rritur në Prishtinë. Atje ka mbaruar gjithë ciklin shkollor, nga fillorja deri në Fakultetin e Mjekësisë.

Në Zvicër ka ardhur në fillim të viteve `90. “Në kohën e mbylljes së universitetit dhe institucioneve tjera në Kosovë kam migruar për shkak të kushteve të krijuara atje. Si shumica, edhe unë kam punuar punë nga më të ndryshmet, përfshirë edhe “larje pjatash në restorante”, thekson në bisedë me albinfo.ch mjekja dhe specialistja e sotme e shumëfishtë, Fatime Imeri Berisha.

©armend berisha

Por më vonë, duke u stabilizuar në vendin e ri, ajo nuk dëshiron të dorëzojë ëndrrat që kishte për të punuar në profesionin për të cilin ishte shkolluar. Kështu, edhe pse nuk i ishte njohur diploma nga Prishtina, ajo merr një rrugë të tërthortë: nis dhe mbaron së pari studimet e mikrobiologjisë në Fakultetin e Shkencave Matematiko-Natyrore në Universitetin e Cyrihut dhe pastaj doktoratën në mikrobiologji (molekulare) në Fakultetin e Mjekësisë të Universitetit të Cyrihut. Gjatë asaj kohe ka punuar përkohësisht edhe si mjeke. Ndërsa më vonë pasojnë specializimet në mjekësi laboratorike, mikrobiologji, imunologji, kimi klinike me hematologji, përfshirë diagnostikë molekulare, të gjitha këto në fushën e mjekësisë. Së fundi ka mbaruar edhe studimet Master e Administrimit të Biznesit (EMBA) në Fakultetin Ekonomik të Universitetit të Cyrihut.

Në këtë shumësi titujsh dhe specializimesh nuk është e lehtë për laikun të orientohet. Prandaj, pyetja jonë drejtuar dr. Imeri – Berisha është…

Albinfo.ch: Cili është specializimi i juaj bazë, gjegjësisht në cilën fushë jeni më e përqendruar dhe më kompetente? Gjegjësisht: a mundeni që për lexuesin të shpjegoni me pak fjalë se për çfarë specializimesh është fjala?

©armend berisha

Të gjitha specializimet e përmendura më lartë, janë të njëjta. Fakti se i kam bërë të gjitha këto specializime më mundëson ose në një mënyrë më detyron që në laborator të jem e pranishme në të gjitha fazat e proceseve që kryhen këtu prandaj jam përgjegjëse për të gjitha analizat, në të gjithë lëmenjtë, që praktikohen në laboratorin tonë. Ne këtu kemi imunologjinë, mikrobiologjinë, hematologjinë, kiminë klinike, serologjinë dhe diagnostikën molekulare, pra të gjitha degët e mjekësisë laboratorike. Mikrobiologjia më fascinon sepse merret me mikroorganizma që nuk shihen me sy dhe ndoshta as me mikroskop të thjeshtë dhe megjithatë janë në gjendje të shkaktojnë aq shumë çrregullime dhe sëmundje në organizmin e njeriut. Në anën tjetër edhe imunologjia është degë shumë interesante sepse merret me atë se si përgjigjet organizmi njerëzor, qelizat e tij ndaj ndonjë virusi apo mikroorganizmi tjetër. Mjekësia laboratorike sot është përgjegjëse për 60 për qind të diagnozave në mjekësi, në bazë të vlerave të analizave të laboratorit. Të gjitha këto kanë shumë rëndësi aq më tepër për mua që jam mjeke dhe në këtë cilësi mund ta bëj lidhjen dhe të kem mbikëqyrjen mbi to, të kem një pasqyrë shumë më të qartë për gjendjen shëndetësore të personit të cilit i bëhen analizat. Mbi këtë bazë unë mund tu jap edhe sugjerime mjekëve për raste konkrete të të sëmurëve.

Albinfo.ch: Tashmë disa muaj, pandemia e koronavirusit është kryetema e të gjitha mediave në botë. A mund të na e thoni ju, si eksperte, një vlerësim kompetent mbi hapësirën që zë kjo pandemi në opinion dhe në jetët tona? A jemi duke përjetuar diçka që nuk e njeh historia e pandemive, gjegjësisht a është kjo një dukuri e përmasave tjera nga ato që kemi parë deri më tani? 

©armend berisha

Sa i përket impaktit të krizës, epidemi ka pasur në çdo kohë dhe do të ketë edhe në të ardhmen. Çfarë e dallon këtë pandemi aktuale janë masat e rrepta që i ka ndërmarrë politika për ta luftuar dhe parandaluar përhapjen e virusit. Ato masa janë marrë kur nuk ka pasur fakte të shumta shkencore rreth virusit ndërsa tashmë kemi shumë më tepër informata se si përhapet virusi. Në atë kohë ka pasur po ashtu fare pak informata si trajtohet virusi, frika nga vdekshmëria,  që u raportua në fillim, ka qenë shumë e madhe. Edhe përhapja e shpejtë dhe të gjitha këto kanë ndikuar që politika të ndërmarrë masa në mënyrë që para së gjithash të fitojë kohë derisa të krijohet një situatë e re, derisa të njihet më mirë virusi dhe të krijohen mjete për trajtimin e tij dhe derisa të sigurohet menaxhimi më i mirë i sistemeve shëndetësore  sepse asnjë sistem në botë dhe as ai i Zvicrës, nuk do të mund ta përballonte një fluks kaq të madh të njerëzve siç ishte paraparë fillimisht në disa statistika.

A e bën prania e madhe mediale, që e mundësojnë mjetet e sotme të komunikimit, më “dramatike” këtë pandemi se që është në fakt?

Mendoj se ndoshta, nga mosnjohja ka pasur ngapak edhe reagim me panik, që ndoshta ka qenë i tepërt. Por kujdesi ka qenë dhe është i nevojshëm e jo paniku. Unë nuk mendoj se mediat e kanë përhapur këtë panik, pasi që ato për shkrimet e tyre kanë marrë mendimin e ekspertëve të fushës. Por në kushtet e sotme, në mediat sociale ka mundësi që kushdo të plasojë çfarë të dojë pa dhënë përgjegjësi.

Si do t`u përgjigjeshit me pak fjalë mohuesve, gjegjësisht skeptikëve ose mbështetësve të teorive të konspiracionit, lidhur me ekzistimin e pandemisë?

Skeptikëve? Virusi ekziston, kjo është evidente, ndryshe njerëzit nuk do të sëmureshin. Janë me qindra mijëra të sëmurë gjithashtu edhe të vdekur… Nuk do të dëshiroja që skeptikët e tillë ta vërtetojnë praninë e virusit në trupin e tyre.

Ju jetoni në Zvicër dhe e njihni në hollësi trajtimin që i është bërë e po i bëhet koronavirusit. A mendoni se është zgjedhur rruga e duhur e luftimit të tij?

Niveli i mangët i njohjes së këtij virusi ka kushtëzuar një reagim të tillë çfarë ka qenë nga autoritetet shëndetësore, si në Zvicër ashtu dhe në vendet tjera, me masa rigoroze. Zvicra ka qenë diku në mes. Disa vende fqinje kanë ndërmarrë nga fillimi masa më të rrepta mbrojtjeje dhe izolimi ndërsa Zvicra ka qenë më e matur. Nga ana tjetër, sa i përket masave të ndërmarra në Suedi, e cila ka zgjedhur një rrugë të veçantë, rezultati do të shihet në fund. Mendoj se eksperti suedez duhet të ketë pasur guxim shumë të madh dhe njohje shumë të thellë të fakteve shkencore duke e zgjedhur atë rrugë, duke marrë mbi vete rrezikun që mortaliteti të rritet dhe të shuhen shumë jetë njerëzish. Kjo mund të shihet mbase pas 2 viteve në mënyrë retrospektive se cilat kanë qenë dhe cilat do të kishin qenë masat më të mira.

Por lidhur me trajtimin e koronavirusit në Kosovë, në Shqipëri e Maqedoni, a keni informacione? Si e vlerësoni atë?

Sa i përket Kosovës, do të thosha se ka qenë një trajtim i duhur dhe konform me kapacitetet që ka sistemi shëndetësor në Kosovë. Për rritjen e regjistruar të rasteve gjatë muajve korrik-shtator, nuk do ta fajësoja sistemin shëndetësor të atjeshëm, i cili ka bërë më të mirën e mundshme në situatën aktuale për luftimin e virusit.

©armend berisha

Tani diçka lidhur me aparaturat që përdoren për testim të Covid-19. Si është situata me to në përgjithësi dhe në Kosovë, në veçanti?

Aparaturën me të cilën punohet në Kosovë, e kemi edhe ne këtu dhe është shumë e preferuar dhe e avancuar. Ndërsa çështja për të cilën unë kam bërë fjalë në një artikull gjatë muajit shtator ka qenë më shumë te çmimi i testeve. Teste ka të ndryshme, të shpejta dhe teste që bëhen për disa orë. Aparaturat e mëdha bëjnë deri në qindra teste në ditë. Testet e shpejta duhet të bëhen për rastet emergjente. Por, madje edhe në Zvicër, distributori i testeve na ka thënë se, nuk ka numër të mjaftueshëm të testeve. Për shembull neve në laborator na vijnë me qindra mostra në ditë, ndërsa ne mund të bëjmë testimin e shpejtë të vetëm disa dhjetërave. Në Zvicër dhe në shtete tjera, çmimin e testit e cakton qeveria dhe e mbulon në disa raste shteti. Siç dihet, ajo tashmë e ka zbritur dy herë këtë çmim. Nuk do të ishte keq që edhe në Kosovë çmimin e analizave laboratorike ta përcaktojë Ministria e Shëndetësisë, në mënyrë që të mos bëhen laboratorët shënjestër e opinionit në rast se çmimet për dikë nuk do të jenë reale ose të volitshme dhe që ato të koncentrohen në punën e tyre.

Si bëhet në Zvicër përzgjedhja e atyre që testohen për Covid-19?

Në fillim testimi ka qenë i rezervuar vetëm për njerëzit që kanë pasur simptome. Kjo,  për arsyen e thjeshtë se nuk ka pasur kapacitet të përpunohen shumë mostra, numri i reagensëve ka qenë i vogël. Ndërkohë ai është rritur, kështu që laboratorët mund të bëjnë më shumë testime brenda ditës. Për këtë arsye tani mund të testohen edhe njerëz që kanë qenë jashtë vendit ose që kanë pasur kontakte me persona të infektuar, edhe nëse nuk kanë simptome.

Një pyetje që u shtrohet të gjithë ekspertëve mjekësorë: Kur pritet vaksina?

Ndonëse nuk jam e specializuar, duhet thënë se në botë ka shumë sëmundje të cilat janë të pranishme prej dhjetëra vitesh dhe ende nuk e kanë vaksinën përkatëse. Ndër to janë edhe HIV (AIDS) dhe hepatiti C. Prandaj është spekulative mënyra se si dalin çdo ditë në media “zbulime” të vaksinave të ndryshme. Për mua, vaksina konsiderohet e zbuluar vetëm në momentin kur ajo është testuar për efikasitetin e veprimit dhe për sigurinë e saj. E për të ardhur deri aty, duhet kohë. Për shembull për të përcjellë ndikimin e vaksinës te njerëzit, duhen periudha kohore prej tre ose gjashtë muajsh dhe vetëm pas kësaj mund të flasim për efikasitetin e vaksinës.

Kësaj radhe bota është sensibilizuar shumë, ashtu që shumë grupe shkencëtarësh janë duke punuar në drejtim të krijimit të vaksinës kundër covidit. Për këtë arsye unë besoj shumë se vaksinën do ta kemi nga fundi i këtij ose fillimi i vitit që vjen. Mandej vijnë edhe fazat përkatëse që duhen kaluar deri në aplikimin e vaksinës. Gjithsesi, duhet thënë se nuk ka asnjë fabrikë që mund të prodhojë mbi 7 miliardë doza të vaksinës, aq sa ka njerëz në botë. Pastaj, aty do të ketë prioritete të ndryshme… Prandaj them se nëse vaksina do të jete e disponueshme në fillim të vitit 2021, do të kalojë edhe viti 2022 derisa të arrihet vaksinimi i plotë. Mirëpo kriteri i pandemisë lidhet me pyetjen: kur çrrënjoset një virus. Ka shumë pandemi që zgjasin shumë, masa me të cilën ato sulmojnë njerëzit ndoshta është më e vogël dhe më pak e pranishme në media por ato vazhdojnë. Një shpresë tjetër, por besoj se është pak e besueshme, është që virusi të pësojë mutacione ashtu që virulenca, pra, aftësia për të shkaktuar sëmundje, të zvogëlohet.

Po ilaçet të cilat herë pas here përmenden si mundësi të shërimit nga Covidi?

Ka burime të ndryshme lidhur me medikamente të mundshme që mund të përdoren por duhen ende prova të efektit te të sëmurët. Një ndër ta është edhe Remdesiviri i cili preferohet nga shoqata e infektologëve, pastaj është një imun modulator quhet Tocilizumab, edhe ai përdoret në raste të veçanta. Janë edhe steroidet dhe antitrombotikët. Sidoqoftë, barnat vetëm mund ta kufizojnë veprimin e sëmundjes kurse antitrupat, të cilët prodhohen në rast të kontaktit të trupit me virusin, janë të gatshëm për ta bërë neutralizimin e tij.

Vetëm rreth 20 veta në Zvicër kanë specializime si dr. Imeri – Berisha

Laboratori të cilin e udhëheq, është krijuar 41 vite më parë ndërsa unë kam filluar punën këtu para 10 viteve. Tani jam bashkëpronare dhe përgjegjëse për analizat laboratorike, respektivisht drejtoreshë mjekësore dhe CEO. Në këtë laborator punojnë laborantë, rreth 80 sish dhe jo mjekë. Mjekë me specializimet përkatëse si të miat në gjithë Zvicrën janë vetëm rreth 20. Përveç këtij laboratori, kemi edhe atë të blerë në vitin 2014 (Medibact AG). Tani do të fillojmë edhe atje me testimin e Covidit. Pastaj jemi edhe bashkëpronarë të disa poliklinikave në Cyrih (Rautipraxis, Kalkbreite, checkin Helvetiaplatz) dhe dy poliklinika të mëdha të cilat do të hapen vitin e ardhshëm, një në Cyrih dhe një në Bazel. Këtu jemi 7 bashkëpronarë.

Kur pritet vaksina?

Unë besoj shumë se vaksinën do ta kemi nga fundi i këtij ose fillimi i vitit që vjen. Mandej vijnë edhe fazat përkatëse që duhen kaluar deri në aplikimin e vaksinës. Gjithsesi, duhet thënë se nuk ka asnjë fabrikë që mund të prodhojë mbi 7 miliardë doza të vaksinës, aq sa ka njerëz në botë. Pastaj, aty do të ketë prioritete të ndryshme… Prandaj them se nëse vaksina do të jete e disponueshme në fillim të vitit 2021, do të kalojë edhe viti 2022 derisa të arrihet vaksinimi i plotë.

Fotot: Armend Berisha

 

 

 

Aurora Dollenberg: Kosova, nëse e mban nën kontroll pandeminë, nuk do të ketë valë të tretë

Posted on by Drin Reçica

Tashmë emri Aurora Meta- Dollenberg është i njohur për të gjithë, pasiqë gjatë gjithë kësaj kohe pandemie, të gjithë mjekët nga Diaspora kanë dhënë kontributin e tyre për vendlindje, qoftë përmes këshillave, platformave dhe protokolleve të ndryshme.

Ajo gjatë karrierës së saj ka kryer tri specializime në Gjermani si Specialiste e Mjekësisë së Familjes, pasaj edhe e Mjekësisë së Urgjencës dhe Psikoterapisë.

Mjekja Aurora Meta- Dollenberg në një intervistë për albinfo.ch, tregon për jetën e saj, sfidat, migrimin, përballjen me pandeminë dhe situatën aktuale në Gjermani, me theks të veçantë në Kosovë dhe Shqipëri. Po ashtu ajo tregon agjenden e Federatës së Mjekëve në Evropë, ndihmën, rrjetëzimi i mjekëve nga mbarë bota dhe se së fundmi edhe për emrin e saj si kryetare e kësaj Federate.

Më poshtë mund të lexoni intervistën e plotë me Aurora Meta- Dollenberg.

 

Albinfo.ch: Aurora, fillimisht na trego pak rreth vendlindjes tuaj, ku keni lindur në Shqipëri, hapat e parë të shkollimit ku i keni marrë, jeta juaj?

Dr. Aurora Dollenberg: Unë kam lindur në qytetin e Fierit. Do thoja që fëmijëria ime ka qenë tipike shqiptare, pasi jam rritur më shumë nga gjyshërit në një familje të madhe. Tani që jam në Gjermani, e kujtoj me nostalgji, atë fëmijëri aq plot gjallëri dhe lojëra. Shkollimin e kam nisur në Patos dhe rezultatet e mira më pas me mundësuan një bursë në një shkollë private në Fier. Isha shumë e lumtur dhe krenare, që prindërit nuk duhet të shpenzonin për të ardhmen time. Pasi konkurrova me 18 vjeç për studimet e larta, fitova pranimin në 5 Fakultete të ndryshme, ku vendosa për mjekësi. Ishte ëndrra ime që fëmijë të bëhesha mjeke dhe të shpëtoja jetë njerëzore. Koha e studimeve në Tiranë ishte shumë e vështirë, pasi mungonin vazhdimisht praktika dhe mundësia për t’u bërë një mjeke e mirë. Na duhet të mundohesha shumëfish për ta asimiluar dijen si mjeke dhe vitet më të bukura të jetës i kam kaluar vetëm duke lexuar persëri. Këtë e bëj edhe sot e kësaj dite papushim. Pas mbylljes së studimeve me rezulatet më maximale të mundshme nuk mu u ofrua një vend pune apo perspektive për specializim në Shqipëri.

Albinfo.ch: Në çfarë moshe emigurat në Gjermani?

Dr. Aurora Dollenberg: Në moshën 24-vjecare kam emigruar drejt Gjermanisë, pasi ëndrra për t’i shërbyer si mjeke popullit tim, familjes sime m’u mohua.

Kam qenë që në atë moshë të re nismetare e nje projekti, qe ka sjell brezin e parë të mjekeve nga Shqiperia në Gjermani. Mos të harrojmë që para 10 vitesh gjermania ishte shumë selektive në punësim të mjekëve dhe trojeve shqiptare u mungonte informacioni bazë se si mund të punësoheshin në Gjermani dhe Evropë. Para 13 vitesh në Tiranë unë me ndihmen e disa studentëve të zellshëm të mjekësisë  themelova një shoqatë studentore të quajtur OMA (Organizata Mjeket e së Ardhmës), të cilës i dhashë për mision të krijonte mundësinë jo vetëm për mua por edhe për shumë mjekë të tjerë të rinjë të emigronim drejt Gjermanisë. Mund të them, që këtë mision fisnik e kryeva me sukses, pasi u ndihmova qidra mjekëve për të krijuar një të ardhme. Traditen për të ndihmuar, ashtu siç e kisha pasur deshirë që në fëmijëri, e kam vazhduar edhe këtu në Gjermani, ku me mbështetje të shumë kolegëve kam themeluar ´Federaten e Mjekeve shqiptare ne Europe´´. Federate është shoqata e vetme mjekësore e regjistruar në Gjermani dhe deri tani e vetmja stukturë që po punon fort per t’i lidhur mjekët shqiptarë nga gjitha anët e Evropës.

​Albinfo.ch: Sa ishte e vështirë të ambientohesh në Gjermani me një shoqëri tjetër, kulturë tjetër…?

Dr. Aurora Dollenberg: Fillimi në Gjermani ishte shumë e dhimbëshme. Duhet të mësoja shumë gjëra nga e para, si një fëmijë që fillon të mësoj të flas një gjuhë tëpër të vështire dhe fillon të eci në një botë gjermane plot kalldrema. Shoqëria ishte shumë e ftohtë.

Gjëja e parë me të cilen mu desh të përballja ishte diskriminimi, që isha shqiptare. Mos zotërimi i mirë i gjuhës gjermane ta vështirëson mësimin e punës në spital dhe intergrimin në shoqëri.

I kujtoj me shumë trishtim ato vitet e para, ku askush nuk të mikëpriste, madje të pyesnin çdo ditë kur do kthesh në vendin tënd. Pra ishte historia klasike e shumë mjekëve të rinj shqiptarë, që atdheu i dëbon dhe vendi i huaj nuk i pranon.

Albinfo.ch: Na flisini pak për rrugëtimin profesional në Gjermani, integrimin, specializimet?

Dr. Aurora Dollenberg: Unë jam tepër krenare që me një punë të vashdueshme që në moshën  34 vjeçare, të arrij 3 specializime në Gjermani: Specialiste e Mjekësisë së Familjes, e  Mjekësisë së Urgjencës dhe Psikoterapisë.

Paralelisht kam vazhduar edhe karrierën akademike në kerkimet shkencore ne dias  universistetet të njohura në Gjermani, ku ka përfunduar 2 kërkime shkencore mbi çrregullimet e Ankthit-Depresionit dhe Kancerit tek Gratë.  Prej këtij viti pandemie vazhdojë të punojë intesivisht në nje studim mbi faktorët e rrezikut të COVID-19. Rezulatet do u’a ofroj së shpejti edhe pacietit shqiptarë.

Pavarësisht barriereva të mëdha që kishte në fillim si e emigruar në gjermani, kam arritur të hap në vitin 2018 dy klinikat e mia private në qytetin e Wolfenbüttel afër Hannoverit, ku trajtoj edhe shumë pacientë të trevave shqiptare. Jam shumë është elumtur që edhe pse në emigrim kam mundesi të ndihmojë dhe shpëtojë jetë të shqiptarëve.

Albinfo.ch: Aurora, na sqaro pak situatën në Gjermani, si po e menaxhon Gjermania pandeminë Covid, duke pasur parasysh që kohën e fundit numri i të prekurve atje është i madh?

Dr. Aurora Dollenberg: Në javën e kaluar, rastet e konfirmuara nga laboratori COVID-19 në Gjermani janë rritur ndjeshëm. Përhapjet e reja të lidhura me COVID-19 po ndodhin gjatë festimeve familjare dhe veçanërisht nga udhëtimet e pasagjerëve ne vendet turistike.

Sundon një situatë shumë e rëndë për të gjithë Gjermanin. Numri i rasteve të reja në Gjermani është përshpejtuar ndjeshëm gjatë javëve të fundit. Intersante është që të rinjtë tani, në krahasim me fillimin e Pandemisë, janë më të infektuar sesa në grupmoshat më të vjetra. Kur nuk nuk mbahet maska dhe nuk ruahet distanca fizike, shkaktojme nje perhapje shume shpejt te Virusit me anë të arosolave ose pikave te pështymës . Prandaj vazhdojme te predikojme cdo dite paciente: Mbani maska dhe respektoni një distancë prej më shumë se 1.5 m.

Mbingarkesa e sistemit shëndetësor është ende e ulët në pjesë të mëdha të Gjermanisë, por mund të rritet shumë shpejt në nivel lokal dhe pastaj të vërë një barrë të rëndë në sistemin e shëndetit publik në veçanti, por edhe në lehtësirat për kujdesin mjekësor ambulant dhe spitalor.

Albinfo.ch: Angazhimi juaj në si mjeke në Gjermani, veçmas gjatë izolimit të Covid-19?

Dr. Aurora Dollenberg: Unë kam trajtuar më shumë kënaqësi gjatë pandemisë jo vetëm pacietet shqiptare që i kam në 2 klinikat e mia, por edhe shqiptarët që i kam këshilluar përmese telemedicineës.

Sapo kemi startuar edhe nje Projekt në ndihmë të fëmijeve në nevojë në Shqipëri dhe Kosovë. Këtë iniciative kam pagëzuar „Nje dritëz për fëmijët“ dhe besoj se është një shembull i mirë i punës që po bëj unë dhe mjekë të tjerë nga diaspora!

 Albinfo.ch: Roli i Federatës së Mjekëve nga Diaspora gjatë kohës së pandemisë, në vendlindje, ndihma juaj, përkrahja, protokollet, etj?

Dr. Aurora Dollenberg:  Prej shtatorit 2020 jam emëruar drejtuese e Federatës së Mjekëve në Evropë dhe e mora kete detyrë përsiper, pasi ëndrra ime është rrjetëzimi i mjekëve shqiptarë në mbarë Evropën. Mos të harrojmë se janë mbi 3 mijë mjekë shqiptarë që punojnë në Evropë dhe shume prej tyre janë vetë-ofruar vullnetarisht për të ndihmuar me ekspertizë mjekësore në hartimin e protokolleve të sakta për të parandaluar përhapjen e virusit në vendin tonë.

Unë si kryetare e Federatës jam shumë e angazhuar që sa më shumë mjeke specialistë nga Evropa të japin përgjatë këasj pandemie konsulata falas permes faqes zyrtare të Federates. Me shumë dëshirë kemi ndihmuar deri tani me qindra pacientë shqiptarë në nevojë.

Së shpejti një delegacion mjekësh dhe profesionistësh të shëndetit nga Federata do të vizitojë Shqiperinë dhe Kosovën per të finalizuar ndihmën konkrete që mund t´i ofrojmë fëmijëve shqiptarë.

Albinfo.ch: Të flasim pak për Kosovën, pasi që për shumë ekspertë është e çuditshme, se si rastet janë ulur, për dallim nga disa muaj më parë që ishte mbi 250 të prekur, si e vlerëson situatën, shkaqet, a cilësohet pozitive?

Dr. Aurora Dollenberg: Sjellja e popullatës është gjithashtu vendimtare për përhapjen e virusit. Kërkesat siç janë distanca minimale ose kërkesa për maskë shpesh nuk u zbatuan ne muajt e veres, duke cuar ne rritje te shpejt të të infektuareve. Vizitat familjare edhe prej vendeve europiane pa masa mbrojtëse kontribuan shifrat e zeza ne muajt e fundit. Pushuesit me pashaporta europiane janë kthyer përsërii në vendet ku kanë migruar, duke e shëndruar tashmë Gjermaninë po vende të tjera me shumë emigratë shqiptarë, në zona rreziku. Pra permiresimi i numrit të të infektuareve është real dhe duke zbatuar masat mbrojtëse, duhet të mos kemi një valë të tretë në dimër.

Albinfo.ch: Shumë shtete të botës, siç është rasti i Zvicrës, tashmë e ka larguar Kosovën nga lista e shteteve me rrëzikshmëri, pritej që shpejt edhe Gjermania të largojë Kosovën nga lista. Sa përbën rrezik nga këndi juaj Kosova, a është arritur piku?

Dr. Aurora Dollenberg: Nëse Kosova dëshmon në vazhdim që pandemine e ka nën kontroll, edhe Gjermania së shpejti planifikon ta largojë Kosovën prej listës së zezë të vendeve me rrezik. Tani në vjeshtë më virozat e shtuara ishte parashikuar që edhe Kosova te arrinte Pikun. Pra ne vijim pandemia duhet të ketë shifra të pranueshme në Kosovë.

Albinfo.ch: Po me Shqipërinë? Si e komenton situatën atje, duke ditur që rastet atje vazhdojnë ende të jenë të larta dhe nuk ka ndonjë le të themi ulje nga infektimet? Çfarë po e shkakton këtë, çfarë politika shëndetësore duhet ndjekur?

Dr. Aurora Dollenberg: Te gjithë qytetarët në Shqipëri duhet të mbajnë maskë me detyrim maskat mbrojtëse koronavirusit edhe në rrugë dhe është rritur vigjilenca në këto muaj të vjeshtës nga autoritetet. Unë do rekomandoja, se duhet të jemi pak fleksibël në lidhje me masat e rrepta, pasi nëse qëndrojmë më shumë se 2 metra larg njëri-tjetrit, maska nuk duhet të jetë e detyrueshme ne ambjetet e hapura.

Albinfo.ch: Jeni njohëse e mirë e psikologjisë, si ka ndikuar në mënyrë të përgjithshme pandemia në psikikën e njerëzve? Ne flasim shumë për virusin, infektimet, viktimat, por shumë pak është trajtuar tema për rolin e psikologut te pacientët? Komenti juaj?

Dr. Aurora Dollenberg: Numri i pacietëve që kanë nevojë për mua si psikoterapiste është rritur shumë. Persëri vë re sidomos tek pacietët shqiptarë këtu në Gjermani që e kanë shumë më të veshtirë se pacienti gjermanë për ta adaptuar sjelljen ndaj pandemisë. Këto janë disa arsye si e shpejgoj këtë fenomen:

1-Humbja e lirisë përmes pandemisë. Kjo shkakton tek shqiptarët e Shqipërisë dhe sidomos Kosovës pakënaqësi dhe zhgënjim, pasi nga hitoria kanë pasur shumë privime të lirisë.

2-Frika nga ndryshimi: Ne nuk na pëlqen ndryshimi sepse shoqërohet me pasiguri. Shtrëngimi i duarve ose pirja e kafesë së bashku janë pjesë e pandashme e mirëqenies shpirtërore dhe sociale në shoqërinë shqiptare. Ndalimi i këtij stili jetese nënkupton për shumë individ një kolaps psikik, deri në shfaqje të depresionit apo ankthit.

3-Optimizëm i rremë: “Me siguri mua personalisht nuk do të më prekë Koronavirusi”.

Rezultatet e deritanishme tregojnë se Vaksina e prodhuar në Gjermani është me efikasitet të sigurt dhe tolerohet mirë nga popullata e testuar. Vaksinimi në trojet shqiptare parashikohet të jetë në vitin 2021, prandaj shoqëria shqiptare duhet të qëndrojë optimiste dhe t’i përshtatet jetës me kufizimet mbrojtëse. Kjo pandemi është një shans për ne si shqiptari që duke ndjekur të gjithë së bashku një njëjtën strategji mbrojtëse të behemi edhe si popull më i fortë dhe i bashkuar.

 

/Albinfo.ch

Stomatologu Rifat Osmani me shërbime 3D në ordinancën e tij në Zvicër

Posted on by albinfo.ch

Jemi mësuar të lexojmë për ordinanca moderne të stomatologëve shqiptarë në Zvicër, por nuk kemi pasur deri më tani një që ka dixhitalizuar ordinancën me pajisjet më moderne të trajtimit të dhëmbëve, me metodat dixhitale 3D. Kjo mënyrë e mjekimit të dhëmbëve konsiderohet një revolucion në stomatologji, që ofron shërbime shumë herë më të lehta e më të sakta se ato konvencionale.

Rifat Osmani është njëri nga ata mjekë që me butësinë e të folurit dhe mënyrën e trajtimit, fiton shpejt besimin edhe të pacientëve që kanë frikë mjekimin e dhëmbëve. Në këtë pike, një armë e fortë e tij janë edhe pajisjet e fjalës së fundit të teknologjisë në stomatologji, ato të skenimit 3D.

Kështu, me dhjetëra fëmijë janë pacientë të rregullt të stomatologut Osmani. Shkolla e fshatit po ashtu dërgon të gjithë fëmijët për kontrolle mjekësore në ordinancën e mjekut Rifat Osmani.

Rifat Osmani

Para se të merrte ordinancën e tij para shtatë vjetësh, mjeku RIfat Osmani kishte punuar tre vjet në një klinikë të Wil-it të njohur si “Zahnarzt Zentrum” duke fituar përvojë pune përmes rasteve të shumta emergjente që kishte në atë klinikë.

“Tre vjet kam punuar në Wil dhe më pas e kam blerë ordinancën me tërë shtëpinë në vitin 2014“, fillon e kujton rrugëtimin e tij profesional ai, si stomatologu i vetëm në Bütschwil.

Rifati nuk është prej atyre mjekëve që kaën ëndërruar qysh si fëmijë këtë profesion. Ai madje as pas mbarimit të gjimnazit nuk dinte ende çfarë donte të bënte. „Pas mbarimit të gjimnazit, nuk kisha idenë çfarë të bëja tutje. Kështu, u thashë prindërve do të pauzoj një vit, do ta bëja ushtrinë dhe pastaj shohim“, kujton sot hamendësinë e kohës së tij rinore babai i dy fëmijëve, stomatologu 35 vjeçar me prejardhje nga Gostivari, Rifat Osmani.

Diplomon në Bazel me notën afër maksimales

Ai është interesuar vazhdimisht për biologji dhe shkenca natyrore, është një njëri praktik dhe ka dorën e lehtë për punë precize. Këto veti e plotësojnë  mirë profesionin e një stomatologu dhe kështu ai kishte filluar të interesohej për studime në stomatoligji.

Studimet në universitetin e Bazelit, në drejtimin stomatologji, i kishte filluar në shtator të vitit 2005. Pesë vjet më pas, më 2010, Rifati diplomon me notën pothuaj maksimale 6 në punë praktike dhe me notën e përgjithshme mesatare 5.3.  „Kjo ishte diçka e rrallë, se isha në mesin e tre me të mirëve të diplomuar“. Sot, dhjetë vjet pas diplomimit, nëpër duart e lehta të mjekut Rifat Osmani kalojnë për çdo vit rreth dy mijë pacientë. Prej tyre 500 janë fëmijë të shkollave fillore në Bütschwil dhe Büsnang që bëjnë kontrollimin e rregullt vjetor tek mjeku Rifat Osmani. „Kam shumë pacientë edhe të nacionaliteteve tjera. Jam i qetë dhe nuk bëj stres. I kam rreth 2 mijë pacientë në vit. Prej tyre shumë zviceranë që janë tejet lojal. Nëse vjen një fëmijë, vijnë prindërit, daja e tërë familja”, tregon ai besimin që i japin banorët e Bütschwilit dhe fshatrave përrreth.

Proteza në formë dixhitale 3D për 10 minuta

„E kam dixhitalizuar ordinancën me aperaturë 3D nga firma më e madhe e implanteve në Zvicër, Straumann. Gjithçka skenohet, protezat krijohen në formë dixhitale. Pacienti nuk ka nevojë të marrë masën, ajo skenohet me aperaturën më të re dhe arkivohet në formë dixhitale. Kjo formë kushton më lirë sepse merr dukshëm më pak kohë, prodhohet lehtë e  shpejt dhe i kam të gjitha modelet në formë dixhitale. Për më tepër, kështu e shoh secilin dhëmb me saktësinë më të lartë se si duket dhe a e kam punuar mirë apo jo” shpjegon Osmani i cili një ditë në javë shkon për specializim master si ortoped i nofullës. “Bëj jashtëzakonisht shumë Invisalign dhe kam status elitar si njëri prej mjekëve që kam bërë më së shumti Invisalign. Më dërguan madje edhe një çertifikatë për këtë”, tregon doktor Osmani dhe zbulon planet e së ardhmes: që nga viti i ardhshëm do të nisë punën ordinanca e tij e dytë në Ebnat-Kappel.

Në mesin e tre të diplomuarve më të suksesshëm

Studimet në universitetin e Bazelit, në drejtimin stomatologji, i kishte filluar në shtator të vitit 2005. Pesë vjet më pas, më 2010, Rifati diplomon me notën pothuaj maksimale 6 në punë praktike dhe me notën e përgjithshme mesatare 5.3.  „Kjo ishte diçka e rrallë, se isha në mesin e tre më të mirëve të diplomuar“.

Terminet mund të bëhen edhe online

Janë 9 punëtorë që kujdesen për shëndetin e dhëmbëve tuaj. Dy dentistë, një kirurg dhe stafi tjetër shoqërues. Kushdo që ka nevojë për kontrollim apo mjekim të dhëmbëve, mund ta kontaktojë ordinancën stomatologjike online https://zahnarztosmani.ch ose përmes adresës:

Foto: Armend Berisha

/Shkrim i sponzorizuar/

 

 

 

Dr. Mentor Bilali merr detyrën e shefit mjekësor të Spitalit Regjional në Langenthal

Posted on by albinfo.ch

“Kolege dhe kolegë të nderuar, kam nderin e veçantë ta ndaj me ju një lajm madhështor jo vetëm për komunitetin tonë profesional por edhe për gjithë komunitetin tonë shqiptar në Zvicër”. Kështu u drejtohet kolegëve të tij mjekë në Zvicër me një postim në fb, mjekja psikiatre, dr.Valbona Hysenaj Miftari, njëherësh sekretare e përgjithshme e Lidhjes së Mjekëve Shqiptarë në Zvicër.

Ajo me këtë rast bën të ditur lajmin e mirë se një koleg i saj, dr. Mentor Bilali është avancuar në pozitë, shkruan albinfo.ch. “Shoku ynë i dashur Mentor Bilali është emëruar Chefarzt (shef mjekësor) dhe që nga 1 janari 2021, do të marrë përsipër menaxhimin e përgjithshëm mjekësor të qendrës gastroenterologjike dhe endoskopisë në spitalin SRO Langenthal dhe në praktikën Oberaargau AG në Langenthal”. Fjala është për Spitalin Regjional të Oberaargaut, me seli në Langenthal, Kantoni i Bernës.

Po kështu avancimin e dr. Bilalit e ka përshëndetur përmes fb-së edhe kolegu tjetër i tij, kardiologu dr. Florim Cuculi.

Mentor Bilali është me prejardhje nga Breznica, komuna e Bujanocit, por, prej vitesh familja e tij është shpërngulur në Gjilan. Në moshën 4-vjeçare kishte migruar në Zvicër. Shkollën fillore e ka të kryer në Reiden të Kantonit të Lucernit, shkruan albinfo.ch. Gjimnazin e ka përfunduar në Sursee, në po këtë kanton.

Fakultetin e Mjekësisë e ka mbaruar pas 6 vjetësh studime në vitin 2008 në Universitetin e Baselit. Specializimin e parë që kishte zgjatur 3 vjet, e ka bërë në kirurgji (kirurgjia e përgjithshme dhe abdominale), në Spitalin Kantonal në Olten dhe në urologji në Spitalin Universitar të Bernës (Inselspital).

Pastaj 3 vite e gjysmë i kanë kaluar për specializim të mjekësisë interne në Klinikën universitare në Aarau (AG). Specializimin e dytë në gastroenterologji dhe hepatologji në Klinikën Universitare të Cyrihut, e ka përfunduar vjeshtën e vitit 2018. Në po këtë spital ai ka punuar edhe si kryxemjek (Oberarzt).

Prof. Dr. Alban Y. Neziri themelon qendrën moderne të gjinekologjisë në Langenthal

Posted on by albinfo.ch

Teksa po pinim kafe së bashku, doktor Albani e tregoi një rrëfim interesant për babanë e tij që ishte operuar në një qendër të specializuar në Gjermani. Që nga mirëmbajtësja e dhomës së spitalit, infermierja kryesore, anesteziologu e vet shefi i repartit, të gjithë ishin shqiptarë.

Ishte ky një shembull, se puna dhe angazhimi shpërblehen gjithmonë, pa marrë parasysh se nga vjen, apo cilit nacionalitet i takon

Një shembull të tillë, tashmë ka vite që e ndjek edhe vetë Prof. Dr. med. Alban Y. Neziri.

Pas një përvoje të gjatë në lëmin e Gjinekologjisë, në reparte të ndryshme të shumë spitaleve në Zvicër, fillimisht në spitalin Universitar Insel Spital në Bernë, pastaj në Spitalin Universitar në Cyrih, Spitalin Kantonal në St.Gallen dhe atë të Winterthurit, në SRO Langenthal dhe së fundi prapë në Insel Spital në Bernë, ai më në fund ka vendosur që përvojën e mbledhur, ta vë në zbatim në klinikën e tij të porsahapur.

Fillimi i shtatorit shënon po ashtu edhe fillimin e punës së Qendrës Gjinekologjike “Langete”, që gjendet në qytetin Langenthal të kantonit të Bernës.

Projekt jetësor

„Pos misionit human, si qëllim tjetër i mjekut është po ashtu edhe arritja e niveleve më të larta udhëheqëse, qoftë në klinika shtetërore apo private, ose hapja e klinikës së vet private“, shprehet Dr. Albani për albinfo.ch, teksa më tregon ambientet e klinikës së tij, që pritet ta drejtojë së bashku me bashkëthemeluesen, njëherësh bashkëshorten e vet, Ryve Neziri, e cila me profesion është eksperte e infermierisë në degën e nefrologjisë.

Për të përmbushur atë, siç e quan ai, „Projekt jetësor“, punimet kanë filluar qysh para një viti dhe janë kurorëzuar me një klinikë super moderne.

Qendra Gjinekologjike “Langete” (Gynäkologiezentrum Langete), një ambient ultra modern është e pajisur me teknologjinë më të re, që nga shtatori i këtij viti ka hapur dyert për pacientë.

Duke u bazuar edhe në përvojën shumëvjeçare në institucione të shumta spitalore të Dr. Alban Nezirit, kjo qendër ofron shërbime të shumta në lëmin e gjinekologjisë dhe obstetrisë.

Shëndeti i grave, këshillimi i adoleshenteve si dhe vaksinimi kundër HPV dhe mbrojtja nga shtatzënitë e padëshiruara, trajtimi dhe këshillimi për prindërit pa fëmijë, janë vetëm disa nga shërbimet bazë që ofrohen në „Langete”.

Po ashtu pjesë e shërbimit është edhe trajtimi i grave shtatzëna me aparatet më moderne të ultrazërit. Edhe shërbimi i mamive, para dhe pas lindjes, gjendet në listat e kësaj qendre.

 Një spektër i gjerë trajtimesh të sëmundjeve gjinekologjike

Këtu trajtohen të gjitha sëmundjet gjinekologjike, endometriozat, tumoret beninje. Ndërsa në bashkëpunim të ngushtë me Insel Spital në Bernë, këtu trajtohen po ashtu edhe parakancerozat dhe sëmundjet kancerogjene gjinekologjike.

I ftuar me raste në Qendrën Langete, është po ashtu edhe një specialist i dhembjeve. Ai aplikon terapinë konvencionale dhe invazive të trajtimit të dhembjes.

Ndër trajtimet tjera, këtu hyjnë edhe sëmundjet urogjinekologjike, duke përfshirë këtu edhe diagnostifikimet urodinamike e deri te trajtimi modern i Inkontinencës (humbja e pakontrolluar e urinës), nëpërmjet trajtimit me CO2-Laser, si dhe me radiofrekuencë.

Si një risi e qendrës “Langete”, përmes pajisjeve laserike, trajtohen edhe fazat parakanceroze në qafën e mitrës dhe pjesën e jashtme të organeve gjenitale, Kondilomat, atrofia vaginale, heqja e „striave“ (shenjave) të shtatzënisë etj.

Kush është Alban Y. Neziri

I lindur në Pejë, nga dy prindër pedagogë , babai Ymeri, Profesor i Pedagogjisë dhe Nëna Mona, Profesoreshë e Gjuhës dhe Letërsisë Shqipe, shkollimin fillor e kryen në vendlindje, për të filluar me atë të mesëm në gjimnazin matematikor “Xhevdet Doda” në Prishtinë. Filloi studimet në degën e mjekësisë së përgjithshme në Fakultetin e Mjekësisë në Universitetin e Prishtinës, për t`i vazhduar ato pas luftës Universitetin e Mjekësisë në Graz të Austrisë ku merr edhe titullin Doktor i Mjekësisë. Studimet pasuniversitare i vazhdoi në Universitetin e Grazit, ku në bashkëpunim me Universitetin e Bernës, mori gradën shkencore “Doktor i shkencave të Mjekësisë në Neuroshkencë”. Më pas, në një program pasuniversitar të Universitetit të Aalborg-ut në Danimarke dhe atij të Bernës, mbron me sukses edhe Doktoratën e dytë shkencore, duke marrë gradën shkencore “PhD” (Doktor i Filozofisë) në fushën e Shkencave dhe Inxhinierisë Biomjekësore (Biomedical Science and Enginering).

Albani është profesor i rregullt në dy universitete, në Universitetin e Bernës në Zvicër, dhe në atë të Aalborgut, në Danimarkë. Ai është edhe bashkëpunëtor i lartë shkencor në Departamentin e Shkencave Biomjekësore në Fakultetin e Mjekësisë në Bernë, si dhe bashkëpunëtor i lartë shkencor në shumë institucione mjekësore. Është po ashtu anëtar i kryesisë së Lidhjes së Mjekëve Shqiptarë në Zvicër, anëtar i kryesisë dhe i bordit shkencor të Asociacionit Shëndetësor të Kosovës dhe anëtar i bordit editorial të Revistës shkencore “Kosova Journal of surgery”. Ka botuar dy libra shkencorë, si dhe ka me dhjetëra punime shkencore ndërkombëtare. Është recensues shkencor dhe anëtar i bordit editorial në disa revista shkencore ndërkombëtare.

Punën humanitare, Dr. Albani e plotëson edhe me aktivitete jo mjekësore si Këshilltar i jashtëm i organizatës për ndihmë refugjatëve në Zvicër (Schweizerische Flüchtlinghilfe) dhe si anëtar i Caritas-it Internacional.

Dr. Alban Y. Neziri, ish i burgosur politik dhe veteran i UÇK-së, është i martuar me Ryve Nezirin, kanë 3 fëmijë dhe jetojnë në Kantonin e Bernës

albinfo.ch
albinfo.ch
albinfo.ch

Qendra moderne mjekësore e Dr. Albanit hap portat për mysafirët dhe pacientët (Foto)

 

 

 

 

 

 

 

 

Në “vijën e parë të frontit” me koronavirusin

Posted on by albinfo.ch

Shpeshherë gjatë këtyre dy muajve të fundit, në shumë vende të botës, është duartrokitur nga ballkonet e shtëpive apo banesave, për mantelbardhët, si një vlerësim për punën e tyre gjatë pandemisë së Koronavirusit.

Arjeta Hoti, është një infermiere e specializuar për repartet e emergjencës.

Duartrokitjet e banorëve, si përkrahje për punën e tyre në këtë kohë pandemie, i sheh si një gjest shumë inkurajues në veprimtarinë e tyre.

Edhe pse gjenden në vijën e parë të frontit për tu përballur me pandeminë, sipas saj, puna dhe kontributi i tyre nuk duhet vlerësuar vetëm në raste të tilla. Sepse puna e mjekëve dhe infermiereve, mbetet e njëjtë edhe në kushte normale, ku shpesh punohet me orare të zgjatura, apo gjatë festave, e shumë vështirësi të tjera. Prandaj Arjeta, shpreh dëshirën e saj dhe të kolegeve po ashtu, që një vlerësim më i lartë do të duhej të vinte nga Qeveria, me ndonjë vendim për rritje rrogash për këtë sektor të rëndësishëm.

Dhjetë pacientë me koronavirus

Si infermiere e diplomuar, e me një specializim postdiplomik për repartet emergjente, Arjeta, nga viti 2009 ka qenë pjesë e Emergjencës në disa spitale në Rajonin e Cyrihut. Që nga viti i kaluar, në spitalin e Bülach-ut, ajo punon si zëvendëse e udhëheqëses në Repartin e emergjencës, repart ky që numëron 40 infermiere e asistente mjekësore.

Arjeta Hoti

Duke qenë një qendër e madhe spitalore, edhe këtu është trajtuar Pandemia e COVID 19. Spitali ka 200 shtretër, por me rastin e pandemisë këtij numri i ishin shtuar edhe 35 të tjerë, për t`i plotësuar nevojat në rast të përkeqësimit të gjendjes. Deri më tash në këtë spital, 10 persona janë ndalur për trajtim, si pasojë e komplikimeve pas konstatimit se janë pozitiv me koronavirus. Por ka pasur edhe raste të tilla, që edhe pasi kanë rezultuar pozitiv, duke qenë se nuk kanë pasur ndonjë komplikim, janë udhëzuar që të vetizolohen në shtëpi.

Për të shmangur infektimet e mundshme, në këtë qendër ishin vendosur edhe 2 kontejnerë, ku kryheshin kontrollet e para dhe testimet për COVID 19, ku në fillim numri i testeve shkonte deri në 60 në ditë.

Shpresa për kthim në normalitet

Sipas Arjetës, tërë ekipi mjekësor ka qenë vigjilent që nga fillimi rreth përballjes me këtë pandemi. Konform këshillave nga ekspertja për higjienë spitalore, janë marrë edhe masat e duhura për mbrojtje nga ndonjë infektim i mundshëm. Megjithatë veshjet e tyre mbrojtëse kanë qenë të njëjta si në rastet e gripit sezonal.

Përderisa shpreh mirënjohjen e saj për apelin e bërë nga Qeveria zvicerane që Qendrat emergjente të shfrytëzohen vetëm për raste ekstreme, Arjeta dëshiron që ky trend të vazhdojë edhe pas pandemisë, ku mund t`u përkushtohen më shumë rasteve që me të vërtetë janë emergjente.

Punën me ndërrime dhe orare të ndryshme ajo i bën me shumë vullnet. Kështu, Arjeta edhe sonte sikurse mbrëmë ishte në ndërrimin e natës. Përkundër gjithë ngarkesave, shpresonte për një natë të qetë, e duke iu gëzuar vendimit të ri të qeverisë, i cili pritet të lehtësojë masat e marra deri më tash, me çfarë gjithçka pritet t`i kthehet normalitetit.

Rastet me koronavirus

 Deri më tash në këtë spital, 10 persona janë ndalur për trajtim, si pasojë e komplikimeve pas konstatimit se janë pozitiv me koronavirus. Por ka pasur edhe raste të tilla, që edhe pasi kanë rezultuar pozitiv, duke qenë se nuk kanë pasur ndonjë komplikim, janë udhëzuar që të vetizolohen në shtëpi.

Për një vlerësim më të lartë të punës së infermierëve

Puna e mjekëve dhe infermiereve, është e rëndë edhe në kushtet normale. Shpesh punohet me orare të zgjatura, apo gjatë festave, e shumë vështirësi të tjera. Prandaj Arjeta, shpreh dëshirën e saj dhe të kolegeve po ashtu, që një vlerësim më i lartë do të duhej të vinte nga Qeveria, me ndonjë vendim për rritje rrogash për këtë sektor të rëndësishëm.

  • Artikulli është botuar në numrin e fundit të magazinës albinfo.ch dhe është shkruar në fillim të majit të këtij viti.

Gjermania, shembulli që duhet ndjekur për menaxhimin e pandemisë

Posted on by albinfo.ch

Elona Meta-Haubrich është mjeke e specializuar në Gjermani dhe njëkohësisht kryetare e “Federatës së Mjekëve Shqiptarë në Europë”. Ajo është me prejardhje nga Shqipëria, nga Fieri, një intelektuale me vizion dhe krenare për origjinën e saj. Elona tani është mjeke e specializuar, ushtron detyrën e saj si mjeke familjare në Gjermani dhe pa dyshim biografia e saj është njëra ndër historitë e suksesit të diasporës sonë në fushën e mjekësisë.

Duke qenë se jeton dhe punon në Gjermani, Elona Meta- Haubrich, në një intervistë për albinfo.ch, tregon përse Gjermania është një shembull i mirë i menaxhimit të situatës së virusit COVID-19.

Gjermania, sipas statistikave zyrtare, është pa dyshim shteti me më shumë të shëruar nga Covid 19 në Evropë. Sipas mjekes Meta, e gjitha kjo ka ardhur si rezultat i menaxhimit të mirë mjekësor

Po ashtu, mjekja shqiptare thotë se nuk duhet të ketë vend për panik, por duhet të ketë ndërgjegjësim dhe zbatim të rregullave të shpallura nga Organizata Botërore e Shëndetësisë.

Albinfo.ch: Na tregoni me pak fjalë, kush është Elona Meta-Haubrich?

Kam lindur në qytetin Fier, në një ndër familjet më të vjetra fierake, ku stërsgjyshi ka qenë një drejtues me emër për zonën e Fierit. Në kohën e regjimit komunist edhe familja ime, sikundër edhe shumë familje të tjera që kishin pozicione drejtuese dhe prona u shpronësua dhe u internua me zhvendosje të vendbanimit në periferi. Kështu unë së bashku me familjen e gjyshit tim kalova një pjesë të mirë të fëmijërisë sime në qytetin e Patosit.

Albinfo.ch: Na tregoni rreth rrugëtimit tuaj, sa ishte e vështirë të ambientoheni dhe të punoni si mjeke në Gjermani?

Unë kam mbaruar Fakultetin e Mjekësisë në Tiranë në vitin 2012, pastaj në mungesë të ofrimit të punësimit, u detyrova të largohesha në tetor të vitit 2013 në Gjermani, me qëllim punësimi dhe zhvillimi profesional. Vitin e parë mësova gjuhën gjermane dhe arrita zyrtarisht të punësohesha në tetor të vitit 2014 si mjeke, ku ndërkohë diploma nuk më ishte njohur. Pas një viti e gjysmë punë arrita të jepja provimet e konvertimit të diplomës shqiptare në Universitetin e Göttigenit. Vazhdova specializimin për „Mjeke familjare“ dhe për momentin jam në klinikën time private, të cilën edhe e drejtoj, si mjeke familje.

Fillimi ishte shumë i vështirë derisa dukej i pamundur, por nëpërmjet këmbënguljes, si e vetmja mënyrë mbijetese, arrita të mbaroja specializimin me shumë sakrifica të mëdha. Njohja me bashkëshortin në vitin 2015 dhe fakti i të pasurit një pjesë të familjes në Gjermani, përkatësisht motrën, ndikuan në vitet në vazhdim pozitivisht në integrimin tim në Gjermani.

Albinfo.ch: A është një shembull i mirë Gjermania në trajtimin e situatës se COVID-19, si po menaxhohet atje kjo krizë?

Po, patjetër Gjermania është më e përgatitur për faktin se është një shtet i fuqishëm me kapacitete të mëdha mjekësore në krahasim me vendet të tjera të Bashkimit Evropian, ku zotëron dyfishin e shtretërve intensivë në kohë krize në krahasim me ato që kanë në kohë normale. Ndërkohë, edhe kultura nordike e përgjegjshme, shumë e informuar si dhe pak e ftohtë çojnë në mirëmenaxhim të krizës pandemike.

Albinfo.ch: Cilat janë masat që janë marrë në Gjermani dhe çfarë strategjie po ndiqet në fushën e mjekësisë?

Karantinimi si e vetmja rrugëzgjidhje si dhe mospërzierja e pacienteve të spitaleve akute me pacientët e dyshuar për Coronavirusin, siç ndodhi në Itali, ku u infektuan të sëmurët në spital, por edhe personeli mjekësor. Përveç kësaj, nxorën dy rregulla të forta për kriteret në lidhje me kryerjen e testit. Duhet të testohen vetëm:

  1. personat që kanë shqetësime akute të frymëmarrjes të çdo lloj shkalle ose shqetësime të përgjithshme specifike dhe që kanë qenë në kontakt me personat e infektuar të vërtetuar, dhe
  2. personat me shqetësimet akute të frymëmarrjes të çdo lloj shkalle dhe që në 14 ditëshin e fundit kanë qenë në zonat e rrezikut me pandeminë. Personat që nuk kanë shqetësime nuk duhet të bëjnë testin, pasi kjo ngarkon sistemin shëndetësor dhe ka edhe pasoja ekonomike të shmangshme, duke qenë se testi PCR është i kushtueshëm.
Keystone

Albinfo.ch: Sipas statistikave, ka një numër të madh të të shëruarve në Gjermani, por cilët janë hapat që duhet të ndjekë një i shëruar (a duhet prapë t’i nënshtrohet një testi të tretë)?

Që pacienti të quhet i shëruar, duhet të kaluar të paktën 10 ditë pas vendosjes së diagnozës dhe përveç kësaj, pacienti të ketë kaluar 48 orë pa ethe si dhe 24 orë pa shqetësime të tjera si, kollë apo simptoma të përgjithshme. Por, ajo që vendos është testi i dytë që përsëritet dy herë, me një diferencë kohe prej 24 orësh. Një test i passhërimit nuk është i rekomandueshëm. Personat që e kanë kaluar një herë infeksionin, janë imunë, por sa kohë zgjatë imuniteti, nuk dihet. Rasti aktual është në Korenë e Jugut, ku 51 persona janë përsëri të sëmurë me COVID 19 pozitiv, kjo për faktin se antitrupat që ishin formuar nuk kanë qenë të mjaftueshme. Gjithsesi „virologët“ do të diferencojnë nëse është riinfektim apo riaktivizim i virusit. Testi mund të dalë pozitiv edhe pse pacienti është i shëruar pasi PCR detekton gjenomen e virusit jo virusin infektoz, kështu që edhe pas shërimit mund të ndodhë që testi të dalë pozitiv, pasi gjenoma e virusit është akoma në trup, por jo virusi infektoz siç ka qenë rasti i Ebolës apo është në rastin e fruthit, ku gjenoma e virusit qëndron në trup mbi disa muaj pas shërimit, por jo virusi infektoz.

Albinfo.ch: A është më i madh paniku te njerëzit se sa vetë virusi?

Në fakt, nuk duhet të ketë panik, sepse ul imunitetin dhe ka efekte negative sesa pozitive. S‘duhet të ketë vend për panik, por ndërgjegjësim dhe zbatim të rregullave të shpallura nga Organizata Botërore e Shëndetësisë.

Albinfo.ch: Shumë pacientë të prekur me koronavirus që nuk kanë ankesa të mëdha, zgjedhin të vetëtrajtohën në shtëpi, pra në kushte izolimi, çfarë duhet të kenë kujdes këta persona dhe çfarë terapie u nevojitet atyre?

Trajtimi i personave të prekur me pak simptoma është simptomatik, do të thotë luftohen vetëm shenjat joshkaktare, pra rekomandohen medikamentet që ulin temperaturën dhe minimizojnë dhimbjen, siç është Paracetamoli, ushqimi i mirë proteinik, marrja e vitaminave dhe një mirëqenie emocionale dhe psikike janë të nevojshme.

Albinfo.ch: A janë masat e duhura dhe a jeni e kënaqur nga këndi i përgjithshëm i situatës së menaxhimit në Shqipëri dhe Kosovë?

Karantinimi ka sjellë efektet e veta pozitive, ishte e domosdoshme, pasi kapacitetet mjekësore të Shqipërisë dhe Kosovës janë tepër të vogla, kështu nuk mund të përballonin pacientët me probleme të frymëmarrjes. Ndërkohë, duke qenë se dhe pjesa më e madhe e shqiptarëve janë të papunë, kjo nuk ka ndikuar shumë në rënie të ekonomisë, siç ka ndodhur në vendet e tjera të Evropës, ku shtetet evropiane po mbulojnë të ardhurat mujore të popullatës në karantim dhe pasojat e mbylljes së kompanive të mëdha.

 

Platforma Online e mjekëve nga diaspora

Ne si Federatë e Mjekëve Shqiptarë në Evropë ndiejmë përgjegjësinë për t‘u qëndruar afër bashkëkombësve tanë shqiptarë kudo që janë, me informacione profesionale mjekësore nga specialistët më të mirë të mjekësisë në Evropë, por edhe një mbështetje psikologjike për t‘u treguar shqiptarëve të të gjitha trevave që nuk jeni vetëm.

 

Dy vëllezër kosovarë, dy doktorë për një ditë në Zvicër

Posted on by Drin Reçica

Javën e kaluar, më 25 janar 2020, në Universitetin e Gjenevës, në Fakultetin e Mjekësisë, u mbajt ceremonia zyrtare e dhënies së diplomave të 120 mjekëve të sapodiplomuar në Zvicër.

Mes tyre ishin edhe dy vëllezër kosovarë, Gent Memaj, 27-vjeçar dhe Plator Memaj, 26-vjeçar, me origjinë nga Zhuri i Prizrenit, shkruan albinfo.ch.

E veçanta e kësaj ceremonie ishte se të dy vëllezërit mantelbardhë në të njëjtën ditë u bënë zyrtarisht me titujt “Doktorë” të shkencës së Mjekësisë.

Genti për vite me radhë kishte studiuar në Universitetin e Gjenevës për Mjekësi, në Departamentin e Stomatologjisë, duke treguar suksese të mëdha në fushën përkatëse si dentist. Ndërsa, Platori kishte zgjedhur të studionte në drejtimin e Mjekësisë së Përgjithshme, duke korrur suksese në arritjet e tij profesionale si mjek.

Pas sukseseve të njëpasnjëshme gjatë studimeve, Genti dhe Platori, arritën t’i mbrojnë titujt zyrtarisht të diplomave që iu dorëzuan solemnisht nga personalitetet më të larta politike dhe të qarqeve akademike të Kantonit të Gjenevës në Zvicër, shkruan albinfo.ch.

Diplomimit të tyre iu gëzuan më së shumti prindërit, Agim Memaj, i cili është inxhinier (Master në Universitetin EPFL Lausanne) dhe Teuta Memaj, mjeke nutricioniste (e specializuar në Universitetin e Lausannës). Ata për albinfo.ch thanë se janë krenarë për djemtë e tyre dhe se kjo në një mënyrë është edhe krenari për gjithë Kosovën, e në veçanti edhe për Zvicrën.

Duhet theksuar se të dy vëllezërit shkollimin fillor dhe Kolegjin Saint Michel (i themeluar më 1582) e mbaruan në Friburg, dhe menjëherë pas përfundimit të tyre ata arritën të regjistrohen në Universitetin e Gjenevës për Mjekësi.

Por, jo vetëm kaq, sukseset e tyre nuk kanë të ndalur, pasi që tani Genti ka filluar punën në një kabinet me shumë reputacion në qendër të Gjenevës, si mjek dentist në kabinetin privat të Stomatologjisë së quajtur “Cabinet Dentaire des Frontenex”.

Nga anat jetër, Platori nga 1 shkurti filloi punën zyrtarisht si mjek në Spitalin Universitar të Gjenevës, në repartin e Kardiologjisë, shkruan albinfo.ch.

Duhet theksuar se objektivi i ardhshëm i Gentit dhe Platorit është doktoratura në një të ardhme të afërt, pasi të dy zotërojnë kapacitete dhe shprehen të gatshëm për titujt e radhës.

Po ashtu, Genti dhe Platori janë shumë të lidhur edhe me Kosovën. Të pyetur nga albinfo.ch se sa herë në vit e vizitojnë Kosovën, ata u shprehen “shumë shpesh, 5 deri 6 herë në vit”.

Gjithashtu vlen të theksohet se të dy vëllezërit kanë pasion historinë, sidomos të kombit shqiptar, dhe vizitojnë rregullisht vendet historike të Kosovës dhe Shqipërisë në përgjithësi.  /Albinfo.ch.

 

Kardiokirurgu Omer Xhemajli, kryetar i Lidhjes së Mjekëve Shqiptarë në Zvicër

Posted on by Bekim Dalipi
  1. Në këto momente që po raportojmë në një nga objektet e spitalit Universitar të Cyrihut, një numër i madh i  mjekëve shqiptarë që jetojnë në këtë vend po zgjedhin në Kuvendin Zgjedhor kryesinë prej 7 anëtarësh, njofton Albinfo.ch.

Pas një debati të gjerë të pikave të organizimit, rregullorës së punës dhe statutit, mjeket dhe mjekët shqiptarë kanë propozuar 17 emra të mjekeve dhe mjekëve për votim. Ata që kanë marrë vota më së shumti përbëjnë kryesinë e re nga e cila do dalë kryetari i Lidhjës së mjekeve dhe mjekëve shqiptarë në Zvicër, raporton Albinfo.ch

Listës i prinë me 61 vota Prof.Dr. Omer Xhemajli, i cili ndonëse nuk ishte i pranishëm, ka pasur një lidhje online që konfirmon pëlqimin e tij për të kandiduar për anëtar kryesie. Pas tij, me vota të njëjta vjen PD Dr.  Florim Cuculi.  Ndërsa Dr. Emine Gashaj ka marrë 55  dhe shumë pranë saj është Dr. Valbona Miftari, me 52 vota. Dr. Mentor Bilali ka marrë 47 vota dhe 40 ka vota ka marrë Prof. Dr. Alban Y. Neziri. Mjeku i shtatë më i votuar, si përfaqësues i stomatologëve, është Gazmen Haliti, shkruan nga vendi i ngjarjes Albinfo.ch.

Kryesia e re përbëhet me:

Kryetar Prof. Dr. Omer Xhemajli

Nënkryetar Dr. Florim Cuculi

Sekretare Dr. Emine Gashaj

Arkatar Dr. Gazmen Haliti

Dr. Valbona Miftari

Dr. Mentor Bilali

Dr. Alban Neziri

albinfo.ch
albinfo.ch

Doktori shqiptar hap një Spitex të specializuar për emigrantët në Zvicrën Lindore

Posted on by albinfo.ch

Rëndësia e përkujdesjes së të sëmurëve dhe të moshuarve në shtëpi është ende e madhe në Zvicër.

Sipas Zyrës Statistikore Federale, numri i pacientëve të organizatave Spitex u rrit me 15 për qind vitin e kaluar, në më shumë se 300 mijë persona.

Gjenerata e parë, ose prindërit tanë kanë ardhur në Zvicër qysh në vitet e 70-ta.

Shumica prej tyre tani po e kalojnë moshën e pleqërisë me fëmijët dhe nipërit e tyre në Zvicër, e shumë pak prej tyre kanë vendosur të kthehen në Kosovë, ndërsa janë raste të rralla kur ata u drejtohen shtëpive të pleqve.

Këta sot e kanë arritur një moshë të pleqërisë, janë pensionistë dhe shumica me shëndet jo aq të mirë nga shkaku i punëve të rënda fizike dhe kanë nevojë për kujdes të veçantë nga persona të kualifikuar shëndetësorë, të cilët komunikojnë në gjuhën e tyre dhe e njohin kulturën dhe traditën shqiptare.

Për këtë ka menduar doktori shqiptar me origjinë nga Grejkoci i Kosovës, Bujar Beqiraj, i cili ka hapur një Spitex që do t’u dedikohet të huajve, po edhe zviceranëve të moshuar në Zvicrën Lindore.

Doktori shqiptar (Assistenzarzt ne Kantonsspital St.Gallen) Beqiraj tha për albinfo.ch se ishte një nevojë, ngase deri tani i ka munguar kësaj pjese të Zvicrës një Spitex i këtillë, i specializuar për emigrantët.

Kjo mbase është mënyra më e mirë për të qenë afër pacientëve të moshuar mjeku shqiptar, i cili në të ardhmen planifikon ta përcjellë edhe në ordinancën e tij që do të bëhet shumë shpejt realitet në St.Gallen.

«Përveç që do të kujdesem për shëndetin e tyre në ordinancën time, këtë do ta bëj edhe në shtëpitë e tyre nëpërmjet ekipit profesional të Spitexit», thotë Beqiraj.

24 orë shërbim, për secilin dhe gjithkund në Zvicrën Lindore, është motoja e Spitexit, në të cilin punojnë 5 punëtorë shëndetësorë, në krye me mantelbardhin Beqiraj.

Tashmë është faktike gjendja në terren se shumica e shqiptarëve të gjeneratës së parë përfundimisht kanë vendosur të mbesin në Zvicër.

“Prindërit e mi shpesh kanë menduar të kthehen në Kosovë, por tani atje po shihet se nuk ka kushte të mira të jetesës. Përkundër dëshirës, unë nuk arrij të kujdesem për prindërit e mi”, e arsyeton hapjen e një Spitexi në Zvicrën Lindore doktori shqiptar.

Por, ai thotë se ende vlerësohet si turp t’i dërgojmë prindërit tanë në shtëpi pleqsh, për shkak mentalitetit dhe kulturës shqiptare.

«Spitexi privat, me seli në Staad në Kanton të St.Gallen, është i specializuar për emigrantë dhe kush ka nevojë, pa dallim etnie, mund të përfitojë nga shërbimet tona. Ne synojmë të arrijmë të kemi kualitet dhe në asnjë rast kuantitet», thotë Beqiraj, duke theksuar se emigrantët kanë më shumë kërkesa për shkak të punëve të rënda që kanë bërë kryesisht në Zvicër.

«Në kohën e “sezonjerëve” ata kanë bërë të pamundurën, duke bërë punë të rënda për të siguruar vazhdimin e qëndrimit në Zvicër, e tërë ajo tani ndjehet te emigrantët në pleqëri», thekson doktori, i ati i të cilit kishte ndjekur rrugën e njëjtë të mërgimit në Zvicër.
«Po, edhe të huajt pak merren me aktivitete fizike, ndërsa edhe më pak zgjedhin ushqimin e shëndetshëm, madje disa ende vuajnë nga përjetimet e luftës në Kosovë».

Në organizatën Spitex, e cila ka të punësuar infermierë/e me njohuri të mira të gjuhëve të huaja, synojmë që ata t’i përshtaten edhe kulturës dhe mentalitetit të pacientëve të huaj.

«Çfarëdo terapie që i ofrohet pacientit nuk është më e efektshme sesa lidhja që krijon me ta duke komunikuar në gjuhën e tyre», tregon Beqiraj, duke rrëfyer nga përvoja e tij të një pacienti shqiptar që kishte pasur problem me terapinë për të mbajtur në kontroll sheqerin, pasi nuk kishte kuptuar rekomandimet e mjekëve.

Gjenerata e parë nuk ka informacione të mjaftueshme rreth shërbimeve eksterne shëndetësore.

Të sëmurit dhe të moshuarit duhet të informohen se çfarë shërbimesh ofrohen nga një Spitex në Zvicër.

Spitexi nuk u dedikohet vetëm pacientëve të moshuar, por edhe të rinjve, të cilët duhet të trajtohen pas spitalit në shtëpi.
Të gjitha shërbimet që ofrohen në Spitexin e mjekut Bujar Beqiraj në tërë Zvicrën Lindore mbulohen nga sigurimet shëndetësore ose komuna.

Për informacione më të hollësishme mund të kontaktoni drejtpërdrejt Spitexin.

Albulena Keka – Administratë SPITEX

Bujar Beqiraj i lindur në fshatin Grejkoc, Komuna e Therandës, si një i ri i ardhur në moshën 15-vjeçare në Zvicër, kishte arritur të tejkalonte të gjitha pengesat, falë vendosmërisë dhe dëshirës së madhe për t’i shërbyer shoqërisë si mjek.

Ishte viti 2007, vit në të cilin Beqiraj kishte filluar studimet në Fakultetin e Mjekësisë në Fribourg të Zvicrës.

Vështirësitë për të nuk mbaronin, modulet në Universitetin e Frioburgut  zhvilloheshin në dy gjuhë, në atë gjermane dhe frënge.

Tre vjetët e studimeve në Fribourg ishin vite të suksesit, jo vetëm sa i përket studimeve, por edhe jetës sociale.

Ai kishte arritur që për këtë kohë të mësonte jo vetëm për profesionin, për të cilin ishte shumë i përkushtuar, por edhe sa i përket kulturës dhe traditës zvicerane, duke falënderuar familjen Fidanza, ku Bujari i kaloj tre vjet në banesën e tyre.

Pas përfundimit të tre vjetëve, ai vendosi për të rrugëtuar tutje me misionin e tij, duke ndjekur edhe për tre vjet të tjera studimet në fushën e mjekësisë, pranë Universitetit të Bazelit.

Pas mbarimit të studimeve, ai kthehet prapë në St.Gallen për të ushtruar profesionin e mjekut, ku aktualisht punon në Spitalin kantonal të St.Gallenit.

Rrugëtimi i tij është një tregim suksesi që do të kurorëzohet së shpejti edhe me një ordinancë private që do të flasë shqip.

/Publireportazh/

Doktori shqiptar që kontrollon falas

Posted on by albinfo.ch

 

Një shqiptar mjek, i cili jeton në Shtetet e Bashkuara të Amerikës vjen çdo vit në Shqipëri, kontrollon falas dhe shpërndan ilaçe falas.

Është ky Mario Ademaj, i cili ka vazhduar traditën edhe këtë vit. Ai është martuar këtë vit dhe menjëherë ka nisur misionin e tij, raporton ‘Zëri i Amerikës’’.

Ai do t’i kontrollojë falas, si dhe gjithashtu edhe ilaçet do të jenë pa para.  Dy vite më parë, së bashku me disa mjekë vullnetarë nga Shtetet e Bashkuara dhe Shqipëria u ofroi shërbim banorëve të Pogradecit, përcjell albinfo.ch.

“Aty brenda një dite erdhën 2000 pacientë, të cilët nuk kishin parë doktor me sy, gjatë 5 viteve të fundit, kryesisht për arsye financiare”. Këtë herë zgjodhi Shkodrën  dhe arriti të frymëzojë edhe vullnetarë të rinj.

Mario është larguar në moshë të hershme nga Shqipëria. Nuk e kishte ëndërruar kurrë që një ditë do të studionte mjekësi në Amerikë. Zgjedhjen e bëri i nisur nga sëmundja e rëndë e të atit,  nga nevoja që ai kishte, jo vetëm për ndihmë mjekësore, por mbi të gjitha njerëzore. Babanë, fatkeqësisht nuk arriti ta mbante në jetë, por u zotua që do të bënte gjithçka për të tjerët.

Për të, mjekësia është mbi të gjitha humanizëm dhe që në vitet e shkollës frymëzoi idenë e një klinike ambulatore falas në shërbim të bashkatdhetarëve.

Sot, kjo ide është konkretizuar në një organizatë që quhet “Skuadra mjekësore ndërkombëtare për Shqipërinë”, e cila ndihmohet nga familje të ndryshme shqiptare.

Plani i Marios është që një ditë, klinika e tij falas, të shtrihet në të gjitha trevat, ku ka shqiptarë.
https://www.zeriamerikes.com/a/mario-ademi-doktor-shqiptaro-amerikan/3933998.html

 

 

Gjinekologu shqiptar në Zvicër që bëri mrekulli!

Posted on by albinfo.ch

Duket si një rrëfim në mënyrën dëshirore por është i vërtetë.  Fariu dhe Elmedina sot janë një çift i ri me vullnet dhe elan pë jetë. Kështu nuk kanë qenë deri vonë pasi që Elmedina ka pasur pesë aborte të detyruara. Sot çifti ka arsye për optimizëm. Në prehër kanë fëmijën e shëndetshëm, Selimin. Dhe për këtë bekim në jetën e tyre, Elmedina dhe Fariu duan ta falënderojnë mjekun gjinekolog, Avdullah Krasniqin.

“Unë, Fari Xheladini dhe bashkëshortja ime Elmedina Xheladini jemi një çift i ri me banim në Fribourg të Zvicrës. Ndryshe, ne jemi me prejardhje nga Kumanova. Ne si çift i ri kishim plane dhe ëndrra të bukura për jetën dhe natyrisht dëshironim shumë që Zoti të na dhuronte një fëmijë”. Kështu e fillon rrëfimin e tij jetësor Fariu për albinfo.ch.

“Fatkeqësisht, dëshira jonë nuk u realizua edhe pse nuk lamë gurë pa lëvizur, klinikë pa vizituar dhe mjek pa konsultuar. Zhgënjimi ynë deri në pikëllim të thellë erdhi me abortin e pestë të bashkëshortes sime. Nuk ndihmuan as klinikat në Maqedoni e as ato  zvicerane. Kur ne tashmë e kishim humbur çdo shpresë, një mik i ngushtë nga Kosova na informoi se është një mjek-gjinekolog shumë i përgatitur i cili për një kohë të shkurtër të qëndrimit me punë në Zvicër ka arritur të bëhet edhe kryemjek në Spitalin e Payernit të kantonit  të Vaud-it. Edhe pse shpresat tona ishin të pakta, ne megjithatë u paraqitëm në vizite te ai. Në fillim kishim dyshime. Ndoshta edhe si pasojë e ndikimeve  të propagandës se është shqiptar pra nuk është zviceran.

Po kush është ky mjek?

Quhet Dr. Avdulla Krasniqi, kryemjek i shërbimit të Gjinekologjisë në Payerne. Ai, me dijen, përvojën, seriozitetin dhe aftësinë kulminante profesionale arriti të zbulojë shkakun e aborteve dhe mrekullia ndodhi. Sot jemi një çift i ri dhe i lumtur, dhe për më tepër, kemi edhe djalin tonë Selimin e vogël i cili me ardhjen në jetë na ka gëzuar shumë dhe na ka bërë të lumtur. Për këtë lumturi tonë meritat dhe mirënjohja i shkojnë mjekut shqiptar, Avdulla Krasniqit, shprehet më tutje Fariu.

“Me shpirt dhe zemër ne e urojmë mjekun shqiptar Avdullahun, njëkohësisht mburremi me të arriturat e tij shkencore dhe profesionale dhe njëkohësisht ndjehemi krenarë me te që na bëri të lumtur jo vetëm ne por edhe familjen e gjerë Xheladini. Për këtë vendosëm që të dalim publikisht dhe ta falënderojmë mjekun Avdulla Krasniqi”, shpreht Fariu për albinfo.ch.

“Me këtë rast i dëshirojmë jetë të gjatë e të lumtur atij dhe familjes së tij si dhe të arritura edhe më të mëdha në rrafshin profesional”, urojnë Fari  dhe Elmedina Xheladini.